Мәктәпне сагынганда

Сентябрь ул сары яфраклы, кашкарыйлы, алмалы, әбиләр чуаклы ай гына түгел, мәктәпле, укытучылы, дәресле, расписаниеле ай да әле... 

Ә сентябрь саен сагындырып искә төшә торган матур хатирәләр байтак ул. 

Үземнең 9-10 нчы класс укучысы чагымдагы көндәлекләрем аша да, укытучы кызы статусында да, мәктәпкә практикага  кайткан студент кыз күңеленә уелып калганнар булып та әллә никадәр кызыклы вакыйгалар күз алдыннан үтә... 

«Август ахыры. Укытучылар районга конференциягә төшәргә җыена. Әти белән әни дә әзерләнә. Төрле авыллардан киләчәк коллегаларын барлап, һәркайсын кызык сүзләре белән искә төшерәләр. Ә хатын-кыз укытучыларның конференциягә дип, ярыша-ярыша кримплен, крепдишин күлмәкләр тектерүләрен, лакированный туфлиләр сатып алуларын, чәчне түбәгә өеп куеп прическалар ясауларын күрсәгез икән!.. Подиумга җыеналармыни! Сеңлем белән мин дә әнигә булышабыз: гофре юбкасын, шпилька үкчәле ак туфлиләрен кияргә кыстыйбыз. Чәчен үреп кенә артка төйнәвенә риза булмыйча, бабетта прическасы ясыйбыз... Ә алар китүгә бәйрәм башлана. Аулак өй! Өч көн буе үзебез генә яшәячәкбез бит! Кич чыгарга, озаклап йөрергә була. Беркем күрми, беркем сүз әйтми...» 

«Яраткан укытучыларымны 1 сентябрь белән котлап открыткалар яздым. Класс җитәкчемә бакчабызда үскән ал, ак, шәмәхә, чия төсендәге космея чәчәкләрен тоттырачакмын... Чәчне Вәсимә ападан кистердем. Без, кызлар, барыбыз да биек үкчәле туфлидән, форма күлмәк, ак алъяпкычтан килергә сөйләштек. Әниләр Ленинградтан алып кайткан папканы шәһәр кызлары кебек култык астына кыстырып барачакмын...» 

«Ел саен безнең мәктәпкә яшь укытучылар килә. Укытучы баласы булгач, кемнең кайсы авылныкы икәнен, нинди фәннән укытасын, кемгә, кайсы әбигә фатирга урнашканын көне-сәгате белән белеп алабыз да «по секрету» гына дус кызларга тишәбез. Быел безнең 10 нчы А га класс җитәкчесе итеп яңа килгән физика-математика укытучысын куйганнар. Исеме Сәлимә икән. Мәүҗидә апада торачак ди. Спорсменкалар кебек озын буйлы! Чибәр! Костюм-чалбары шундый килешә! Үзе күрше авылныкы гына. Мотоциклында очып кына килә авылларыннан!..» 

«Әни 5 нчеләрнең класс җитәкчесе булачак икән. Язуың матур, дип, завучтан алган класс журналына исемлек язуны миңа ышанып тапшырды. Аһ!.. Тырышып язып утырганда, кара савыты авып та китте, фамилияләр шәмәхә «күлләвек» астында күмелеп тә калды... Әнине и жәлләдем соң! Ачуланмады, кызмады... Тик пошаманга төшеп: «И кызым, Әгъзәмов абыйдан ничек тагын яңа журнал сорармын инде», – диюе генә һаман күз алдымда әле.» 

«...Педпрактикага мин... үз авылыбызга кайттым. 5 курста укыганда булды ул. Группабыз белән Казанның татар мәктәпләрендә практика узарга тиеш булсак та, мин искәрмә рәвешендә үзебезгә кайтып киттем. Диплом җитәкчем, әдәбият укытучыбыз, күренекле язучы Мөхәммәт абый Мәһдиевнең дә роле булды монда. Факультетның «Әдәби сүз» стена газетасын чыгаруга ул җаваплы итеп билгеләнгән иде. Тиз арада газетаны чыгарып элергә кирәк, дип, мине эшкә җәлеп итмәкче. Коридорның буеннан-буена 5-6 метрга сузылган газетаны күз алдына китерә аласызмы? «Була ул», – дидем ис китмичә генә. Чөнки минем өчен бу проблема булып тоелмады. Ничек тә кайтуны хәл итәргә кирәк иде. Мәктәп директоры хатыны, татар теле укытучым Гөлсем апа кайтуыма тәмам ышанган, дәресләрен һәм класс җитәкчлеген миңа тапшырып, санаторийга китәргә җыенган. Ике 4нче, ике 8 нче, өч 9 нчы һәм өч 10 нчы класслар мине татар теле һәм әдәбияты  укытучысы итеп көтә булып чыкты. Минем өчен менә кайда ул проблема. Ә Мөхәммәт абый: «Кара, син татар халык әкиятендәге тапкыр егет кебек җавап бирәсең!» – дип көлгән була. Кайтуга бәйле ул четрекле әйберне дә әйттем инде. «Болай килешәбез: синнән – газета, миннән – декан Тумашева белән сөйләшү», – диде ул. Һәм сүзендә торды. Газетаны да чыгарырга өлгердек, шуларның кайберләрен рулон итеп төреп (кайткач, иң талантлы балалар белән шундый газета чыгарабыз, дип, күңелемә беркетеп куйдым!), кызыклы китапларны төяп, лекция дәфтәрләрен дә эләктереп, икенче көнне инде самолетта Актанышка очтым...»    

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (1)
Cимвол калды:
  • 4 декабрь 2022 - 09:24
    Без имени
    дэвамын котэбез
Хәзер укыйлар
  • «Мин синең иреңне бәхетле итәм...» Тормышның яңа борылышында үзебезне нәрсә көткәнен без беркайчан белмибез. Уйламаган җирдән аякка уралган ниндидер борчулармы, әллә бөтенләй көтмәгән сөенечләрме? Тормыш борылышлары безне күкләрдән җиргә төшерә ала. Ә кайчак – киресенчә: бәхетсезлегең бәхет юлына бер адым гына булуын аңлата. Чүпрәле районының «Туган як» газетасы баш мөхәррире Резидә Җамалтдинова һәм аның ире Рамилнең очрашу, танышу, кавышу тарихы – шуңа бер мисал. Ачыктан-ачык сөйләшәбез.
    7181
    7
    65
  • «Хатының кайда – син шунда бул, тормышны бергә тартыгыз» «Тәгәри китте йомгагым, күрмәдегезме, агайлар», – ди Гөлчәчәк татар халык әкиятендә. Гомер йомгагын сүтә-сүтә, көннәр, айлар, еллар үтә... Адәм баласы әллә кайда – офыклар артында көтеп торган бәхетне эзләп бара да бара... Үткәнебезне – бар иткән, киләчәгебезгә нигез салган бүгенгебезне сизми дә калабыз. Мин бүгенгем белән бәхетле!
    4465
    0
    43
  • Өмет белән алга карап яшәргә әнкәйдән өйрәндем 1981 ел. Булачак кайнанам белән мин Казан тимер юл вокзалында таныштым. Төнге сәгать 11 дә! «Төнлә белән беренче тапкыр кайнанаң белән кайнатаңны күрергә вокзалга төшәчәксең», – дисәләр, һич ышанмас идем.
    2940
    4
    36
  • Гомер бер генә килә  Балалары икәү булса да, әниләре янына килергә ашыкмыйлар, эшләре бик тыгыз, ахры. Рафига апа ике учын янәшә куеп гел дога укый, Аллаhы Тәгаләдән җиңел үлем сорап ялвара.  Ул Галиягә үз тормышын сөйләп бирде инде: «Балаларым минем үлемемне телиләр инде. Мин киткәч, алар арасында фатир өчен тавыш-гауга чыгар инде. Карт кеше кемгә кирәк».
    4808
    0
    36
  • Үтмә, гомер, заяга! Хатынын һәр баганага көнләвенең урынсыз гына түгел, ә тормышларын җимерүче, бер-берсеннән читләтүче гамәл икәнлеген, кызганыч, Гамил һич кенә дә аңларга теләми...
    9623
    6
    35
Реклама
Соңгы комментарийлар
  • 1 декабрь 2022 - 21:27
    Без имени
    Баланын этисе бардыр бит? Этисе дэ алгаласын бакчадан, уйнатсын, саф хавалар суларга алып чыксын. Ник эни тиеш дип белэсез? Ул узенекен устереп, кеше иткэн инде, житэр ана. Олы яшьтэ, башны кутэрмичэ, бала карап булмый да эле, арыта да. Узегез тапкансыз, узегез устерегез! Алла сабырлык хэм ярдэмен бирсен. Бала устеру жинел дигэн кеше юк эле, аны бит уйнатып, ашату, юындыру гына тугел, тэрбия бирергэ дэ кирэк.
    Әни шәхси тормышын төзи, мин җәфаланам
  • 1 декабрь 2022 - 21:15
    Без имени
    Белмим, мин дэ баланы берузем тарбиялим, эни эти икенче шэхэрдэ торалар, Бер булышучым да юк, куршедэн башка, элдэ Аллага шокер ул бар, баланы иртэн торып мэктэпкэ озата (1класс), мин эшкэ БИК иртэ китэм, дэрес беткэч подъездда каршы алып квартирага кертеп, ашарга жылытып бирэ. Свидание га йорергэ уемда да юк, даже не представляю как это. Куршемэ озын гомер сэлэмэтлек телим, элдэ ул бар. Бала усэ ул, Гомер буе бэлэкэй булмый, Шуна элеге вакытта баланы карау минем очен важнее всяких свиданий и личной жизни.
    Әни шәхси тормышын төзи, мин җәфаланам
  • 1 декабрь 2022 - 16:39
    Без имени
    Баштан утте, килмэгэн туганы калды микэн, торыргада. Йэ эйтмичэ килеп керэлэр иде. Аннары зарланганнарын ишеттемдэ. Берегезнедэ чакырып китермэдем, уземнен сезгэ барып торганым юк дидем. Мэжбури тотмыйм узегез килэсез дидем. Тоже бер булмэле иде. Хэзер килэсэлэрдэ китэлэр. Эле аларча булырга тиеш. Булмый гына торсын эле.
    Иремнең туганнары...
  • 1 декабрь 2022 - 10:43
    Без имени
    Котлыйбыз! Яшьлэр безнен килэчэгебез
    «Яңа йолдыз»да яңа җиңүче!
  • 1 декабрь 2022 - 09:35
    Без имени
    Бик кызыклы ,эчтелекле язма.
    Тау артында таулар бар
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда