​«Мал бүлешеп йөрмәгез»

 

«Мин сиңа ышанам. Син – арада иң акыллысы», – диде әнисе соңгы сулышында төпчек кызына. 

Авыл җирендә сүз тиз йөрүчән. Чыбыксыз телефон аша килеп ирешкән хәбәрне яше-карты гайбәт итеп түгел, гыйбрәт итеп сөйләде. «Хәдичә карчыкның кызлары мал өчен сугыша», – дип шаулашты халык. Дөреслеккә туры килми торган сүзләр иде бу. 

Яшен 83 кә тутырып, урын өстенә ауган карчык, үләсен сизенепме, соңгы сулышында кызларына бернинди дә яңалык әйтмәде. Гадәттәгечә: «Кеше көлдереп, мал бүлешеп йөрмәгез. Сиңа әйтәм, – диде ул төпчек кызы Зөлфиянең кулын сыйпап, – үзең карарсың. Мин сиңа ышанам. Син – арада иң акыллысы». 

Гомер буе өч баласын үз көче белән тартып барган, ире вафатыннан соң хан сараедай йорт җиткереп, кызларын кеше арасында ким-хур булмаслык итеп тәрбияләгән ананың бердәнбер васыяте иде бу. 

Әниләрен соңгы юлга озату хәстәре белән йөргән арада, уртанчы кызлары Ләйлә, өйне үзебезгә күчерергә кирәк, дип, документлар артыннан чаба башлады. Чынында аның нинди эшләр майтарып йөрүендә берәүнең дә гаме-кайгысы юк иде. 

Әнисенең үлгәненә кырык көне узгач, Ләйлә көтмәгәндә тавыш чыгарды: «Икегез дә җитеш тормышта яшисез, ә мин ирсез бала үстерәм. Өйне үземә яздырдым», – дип, туганнарын телсез калдырды. Бернинди тавыш та, кычкырыш, талаш та булмады. Зөлфия нибары: «Әнинең васыять итеп әйткән сүзен оныттыңдамы?» – дип сорап кына куйды. «Үлем түшәгендәге кеше ни әйткәнен үзе дә белми ул», – дип кырт кисте Ләйлә. 

– Алайса, әнинең чиккән сөлгеләрен генә булса да алып китим әле, төсе итеп саклармын, – дип, Зөлфия әнисенең күз карасыдай саклаган сандыгын ачмакчы иде, Ләйлә шундук аңа аркылы төште: «Юк, бу өйдән берегез дә бернәрсә алып китмисез...» Олы апалары Сания, бәхәсләшмәче дигәндәй, Зөлфиягә кул гына селтәде. Әниләре исән чагында бер-берсе өчен җан бирмәктән иде алар. Ләйләнең комсызлыгы туганнарны чыгырдан чыгарды. Әниләре тикмәгә генә кисәтмәгән икән аларны. 

Сиздермичә генә ике еллап вакыт узып китте. Зөлфия авырып киткән Сания апасы яныннан кайтып кермәде. Көннәрдән бер көнне бусагада Ләйлә пәйда булды. «Авыртканын әйтмисең, фатирын тартып алырга җыенасыңмы?» – дип, Зөлфияне чактан гына һушыннан яздырмады. «Апа авырып ята, ә син байлык турында уйлыйсың», – дип оялтмакчы булды Зөлфия. «Мин инде белештем, анда яман чир. Ул барыбер терелми. Ахыры ни белән бетәсен беләсең. Ә син башка килеп йөрмә. Кертмим», – диде дә, Зөлфиянең кулына төенчекләрен тоттырып, ишектән төртеп чыгарып җибәрде. Башын көч-хәл белән мендәрдән күтәргән Сания апасының: «Зөлфия!» – дип ачыргаланып кычкырганы гына ишетелеп калды. Ләйлә, сеңлесе китүгә үк, апасын хастаханәгә алып барып салды... һәм аннан инде алмады. Зөлфиягә апасы үлгәч кенә хәбәр итте. «Кил, күмәргә булыш, гел миңа гына димәгән», – диде ул трубкага кычкырып. Ничек килмәсен инде ул?! Килде Зөлфия, күмәргә дә булышты. Өчесен, җидесен дә үзе уздырды. Ләйләгә ышаныч юк иде. Ул аның соңгы минутларында апасы янына якын китермәвенең сәбәбенә төшенде: һаман да шул мал дип, апасының өч бүлмәле фатирын даулап, шулай кыланган ич ул... «Апа фатирны миңа калдырды. Ичмасам, ул минем хәлемә керә», – диде ул сеңлесенә ике уйларга урын калдырмыйча. 

– Әни йортын сатып җибәргәннән соң хәлең ничек булгандыр, белмим. Апаныкын саткач, нишләрсең менә, – диде Зөлфия. – Хәрам ризык, хәрам мал бәрәкәтле булмый. Кара аны, бәла-каза килмәсен... 

Шулай дип әйтүенә үкенә хәзер Зөлфия. «Акча гына керсен, ә нинди юл белән... анысы мөһим түгел», – дип әйтергә яраткан Ләйләнең тормышы барып чыкмады. Акчасын наркоманга әйләнгән малаена тотып бетерде. «Фатирны да яңарта алмадым. Бөтен акча шуңа кереп бетте. Хәерле акча булмады ул... – диде апасы бер очрашканда. – Әни әйтмешли, бәрәкәте булмады...» 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (7)
Cимвол калды:
  • 30 апрель 2021 - 12:06
    Без имени
    Бер туймаган , хич туймас , Бер кемгэ дэ юл куймас. Э узе бер дэ рэхэт курмэс .!
  • 4 март 2021 - 17:02
    Без имени
    "Собственность" кәгазьләре чыкканчы булган хәлдер бу. Алай гына булмас иде
  • 19 июнь 2020 - 15:14
    Без имени
    Йортны оч туган булганда узенэ генэ документлаштыра алмый. Нотариуста грамотный кешелэр утыра. Узенэ генэ яздырыр очен ике кыз туганынын отказы кирэк. Нинди суз ул, мал булешеп йормэгез? Йорт кемнеке дэ булса булырга тиеш. Эби улгэн вакытта васыять язарга тиеш кайсы кызына булса да. Йорт бит документсыз булырга тиеш тугел. Ана тулэп, йортны карап та торырга кирэк.
  • 26 март 2020 - 17:24
    Без имени
    Бу Золфия каян куып жибэрэлэр, шуннан китеп бара.Э каты да эйтэ белэ узе.Что то не сходится.
  • 25 март 2020 - 17:37
    Без имени
    Сез андый чакны иртэрэк уйлап буляк итегез молкэтегезне. Ятмагыз анда иренеп.
  • 28 сентябрь 2021 - 16:04
    Без имени
    Ходай үзе сакласын.Туганнар арасына мал зәхмәте кагылмаса иде?
  • 28 сентябрь 2021 - 16:04
    Без имени
    Нэрсэ дэ булса андый шакшы кунелле кешелэрне уятырга тиеш! Кабэхэтлэр- туганнарынын малларын чупкэ тотып бетерэлэр, якыннарын гургэ кертеп!!! Слов нет таким уродам!
Хәзер укыйлар
  • Әни мине яратмады... Без тирә-яктагылар өчен идеаль гаилә идек. Гаиләсен кайгырткан ир, бәхетле хатын, талантлы уллары, тыйнак кызлары. Әмма тормышта бөтенләй башкача булды. 
    7635
    0
    53
  •  Алиментка бирсәң...  Мине әнием тәрбияләп үстерде. Миңа 3 яшь булган вакытта, әти башка хатынга өйләнгән. Ничек кенә авыр булмасын, әни зарланмады, сыкранмады.
    3268
    3
    43
  • 4422
    2
    28
  • Ул чыннан да бәхетле Шикләнерлек берни дә юк иде. Элеккегә караганда ешрак ашыйсы килүенә дә аптырамады.  Сәрия элек тә тамаксау иде. Башкалар кебек тазарудан курыкмады. Алар нәселендә ашаганга карап артык авырлык җыю булганы юк иде әле. Киресенчә, аның тәненә бераз ит кундырасы килә. Чөнки ул үзе ябык: коры сөяктән генә торган кызлар да, үзе дә ошамый. Күлмәкләре тараеп киткәндәй булгач: «Яңа кием алырга җай чыкты», – дип сөенде.
    3464
    1
    25
Реклама
Соңгы комментарийлар
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан