Контактта ГАББАСОВ Рәнис

Казан дәүләт мәдәният институты.
Өйләнмәгән.
Карьера: Рәшит Ваһапов исемендәге татар мәдәнияте фонды.
Тормыш шигаре: «Тырышкан табар, ташка кадак кагар». 
 
Шәхси тормыш

Сөендерде:
Мине 13 саны куркытмый! 
Сәхнәдә исемем яңгырый башлауга әле күптән түгел. 2015 елда Р. Ваһапов исемендәге фестивальнең яшь башкаручылар конкурсында лауреат исемен яулаган идем. Әкрен генә репертуар туплап киләм, яңа җырлар өйрәнәм. Тиздән исә минем өчен зур вакыйга көтелә: 13 ноябрь көнне Татар дәүләт филармониясендә беренче сольный концертым булачак. Дулкынланам! Зур сынау, зур имтихан бу...  Иң мөһиме – концертымны тамашачы көтә! Шулай булгач, ырымнарга нәрсәгә игътибар итим?! 

Көендерде:
Халык хак әйтә икән...
«Татарның башын татар ашый», дигәнгә моңарчы ышанмый идем. Ничек кенә икән әле?! Шаккаттым! Концертым турында реклама күренүгә, моңарчы дуска санаган кайберәүләрнең үземә кинәт кырын карый башлауларын сиздем. Хәтта аяк чалырга теләүчеләр дә табылды... Нишләп бер-беребез өчен сөенә белмибез икән соң без? Көнләшәләр дисәң... Бу бит минем зур уңышка ирешүем дә түгел, нибары беренче адымнарым әле. 
 
Илдә

Сөендерде:
Үзгәрешләр көтәбез! 
Татарстан Президенты Рөстәм Миңнеханов татар эстрадасының бүгенге хәле канәгатьләнерлек булмавы турында әйтте. Димәк, бу өлкәдә зур үзгәрешләр башланачак: профессионализм, сыйфат ягыннан таләпләр көчәер дип өметләнергә тулы нигез бар. Республика җитәкчесенең милли сәнгатькә карата булган әлеге игътибары безне – яшьләрне бик нык сөендерде. Чөнки без үзебез дә сыйфатлы җыр сәнгате турында уйлыйбыз һәм хыялланабыз.

Көендерде:
Картлык, югыйсә, һәркемгә дә киләчәк
Республикада «Өлкәннәр декадасы» бара. Миңа да бу көннәрдә өлкәннәр хөрмәтенә куелган шактый концертта чыгыш ясарга туры килде. Аларның безнең игътибарга, яклауга, җылы сүзебезгә никадәр мохтаҗ икәнен беренче тапкыр шулай якыннан тойдым бугай... Балалары булып та, картлыкларын ялгызлыкта үткәрүчеләр дә байтак икән. Монысы мине бигрәк тетрәндерде... Әти-әнидән дә кадерле кеше юк бит ул! 
 
Дөньяда

Сөендерде:
Тамырлар онытылмый
Дөнья дигәндә мин үзебезнең татар дөньясын күз алдымда тотам... Һәм соңгы вакытта татар дөньясындагы иң зур вакыйгаларның берсе дип Түбән Новгород өлкәсендә бөек җырчылар Р. Ваһапов һәм Х. Бигичевка һәйкәл куюны саныйм. Үземә дә ул тантанада катнашырга, чыгыш ясарга насыйп булды. Безгә кадәр кемнәр булган, бездән соң кемнәр килер? Яшьләргә уйланырга тәрбияви әһәмияте зур дип саныйм мондый чараларның. 

Көендерде:
Гаеплеләр хөкемгә тартылырмы?
Телевизор экраннарында соңгы вакыт гел бер үк кадрлар кабатлана: Сирия. Бомбалар яңгырыннан җимерелгән шәһәр. Һәм... балалар. Алар мәктәпкә йөрми, укый-яза белми, уенчык уйнамый. Бу малай-кызларның балачагын сугыш урлады. Күпләренең – әти-әниләрен, яшәгән йортларын да... Алар ниләр күргәнне, кичергәнне күз алдына китерү дә авыр. 3 миллионнан артык бала, исән калу өчен, гаиләләре белән торган җирләреннән китәргә мәҗбүр булды диләр. Тагын никадәр җимерелгән язмыш!  



 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • «Мин синең иреңне бәхетле итәм...» Тормышның яңа борылышында үзебезне нәрсә көткәнен без беркайчан белмибез. Уйламаган җирдән аякка уралган ниндидер борчулармы, әллә бөтенләй көтмәгән сөенечләрме? Тормыш борылышлары безне күкләрдән җиргә төшерә ала. Ә кайчак – киресенчә: бәхетсезлегең бәхет юлына бер адым гына булуын аңлата. Чүпрәле районының «Туган як» газетасы баш мөхәррире Резидә Җамалтдинова һәм аның ире Рамилнең очрашу, танышу, кавышу тарихы – шуңа бер мисал. Ачыктан-ачык сөйләшәбез.
    6025
    7
    61
  • Баллы кирпеч 1861 нче елда Болын-Балыкчы авылында урта хәлле крестьян гаиләсендә Ибәтулла исемле бер малай туа. Язмышына сынаулы еллар кичерәсе сабый чагыннан ук язылган була, күрәсең, Ибәтуллага өч яше дә тулмаган чагында кинәт кенә авырып әтисе үлеп китә. Ялгыз тормыш тарту ул чакта, хатын- кызга имана бае да бирелмәгән чорда, әнисенә авыр булгангамы, әллә инде башка сәбәпләр булганмы, сабыйның әнисе биш яшендәге Ибәтулланы әтисенең абыйсы Зиннурга калдырып, Кормаш авылындагы хатыны үлгән бер татарга кияүгә чыга.
    5413
    3
    47
  • «Хатының кайда – син шунда бул, тормышны бергә тартыгыз» «Тәгәри китте йомгагым, күрмәдегезме, агайлар», – ди Гөлчәчәк татар халык әкиятендә. Гомер йомгагын сүтә-сүтә, көннәр, айлар, еллар үтә... Адәм баласы әллә кайда – офыклар артында көтеп торган бәхетне эзләп бара да бара... Үткәнебезне – бар иткән, киләчәгебезгә нигез салган бүгенгебезне сизми дә калабыз. Мин бүгенгем белән бәхетле!
    3971
    0
    42
  • Өмет белән алга карап яшәргә әнкәйдән өйрәндем 1981 ел. Булачак кайнанам белән мин Казан тимер юл вокзалында таныштым. Төнге сәгать 11 дә! «Төнлә белән беренче тапкыр кайнанаң белән кайнатаңны күрергә вокзалга төшәчәксең», – дисәләр, һич ышанмас идем.
    2641
    4
    36
  • Үтмә, гомер, заяга! Хатынын һәр баганага көнләвенең урынсыз гына түгел, ә тормышларын җимерүче, бер-берсеннән читләтүче гамәл икәнлеген, кызганыч, Гамил һич кенә дә аңларга теләми...
    8766
    6
    34
Реклама
Реклама
Соңгы комментарийлар
  • 25 ноябрь 2022 - 14:10
    Без имени
    Әссәләмүгаләйкүм. Үзебезнең татарлар арасында шушындый яшьләр булуына куандым һәм горурландым. Аллаһы Тәгалә теләсә без яшибез, татар теле дә бетми, иншаллаһ.
    Татар самурае
  • 25 ноябрь 2022 - 16:42
    Без имени
    Бу энине мин уйлар идем ике йэрекле булган диеп хазэрге яшьлер уз балаларында калдырып чыгалар эниене Алла хатегале озын гомер бирсен балаларынын жылы сузлерен ишетэп яшерге язсын
    ​Иң кадерле кеше!
  • 25 ноябрь 2022 - 10:55
    Без имени
    Монын кебек ирлэр аздыр ул. Бэхетегез озын гомерле булсын
    Кайгыда да, шатлыкта да бергә без
  • 25 ноябрь 2022 - 10:45
    Без имени
    Кеше бэхетенэ урелмэсеннэр иде, семьясыз ирлэр беткэн микэнни? Язмышлардан узмыш юк шул
    ​Ачы көнбагыш
  • 26 ноябрь 2022 - 22:55
    Без имени
    Дөп-дөрес сүзләр!
    Исламда хатын-кыз хокуклары нык саклана
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда