КИЛЕН КЕШЕ КИМ КЕШЕ

Бусы Күбәләк әбинең икенче бер кыйссасы. Бу юлы ул иң олы апасын ничек итеп килен кимлегеннән йолып калу тарихын сөйләде.

-​ Безнең Фәүзия апа бик чибәр иде. Буй-сын ягыннан да иң күреклесе ул. Аңа күз салып йөргән егетләрнең саны чутсыз. Әмма ул кичке уенга да, клубка да чыкмый – караңгы төшүгә чоландагы урынына керә дә ята. Егетләр капка төбендә таптаналар-таптаналар да Түбән Очка төшеп китәләр. Инде без дә – кечерәк сеңелләр дә кичке уенга чыга башладык. Кайберләребез кияүгә дә китеп барды. Ә ул һаман өйдә утырып кына насыйбын көтә.Бер заман апага да кодалар килде. Тыкрык аша гына күршеләрдән. Апабыз, берсүзсез риза булып, күршегә килен булып төште. Күрәсең, ул һаман да шул егетне – Рәшитне көтеп яшәгән. Рәшит җизни апа белән өч кич кенә йоклады да Казанга китеп барды. Бактың исә, аның калада гаиләсе булган икән. Әле ул хатыны марҗа булмадымы икән? Әллә апа бу хакта бихәбәр булды, әллә түзәргә, сабыр итәргә карар итте. Төенчеген күтәреп өйгә чыкмады. Хуш, мин дә Казанда бит инде. Бер кайтуымда , апаның хәлен белергә дип, күршеләргә кердем. Керсәм, түр якта табын корганнар. Кунак-төшем дә бар, ахырысы. Ашап-эчеп утыралар. Апам алгы якта сәке йөзлегендә бәләкәй коштабакка салынган ашын ашап утыра. Аның белән бер табактан диярлек песи ашый. Мин бу тамашаны күреп хәйраннар калдым. Кемдер кергәнен чамалап, түр яктан: «Киленне монда кертеп утыртыгыз!», – дигән әмер ишетелде. Аңа каршы кайнана булган кешенең: «Сәке йөзлегендә утырсын, урыны шунда аның» дигәне ишетелде.Бу әрепләшү бер-ике тапкыр кабатланды. Мин исә мескен сыман бөгелеп төшкән апам сурәтеннән имәнеп, өйгә чыктым да давыл куптардым: «Әти, алып чык апаны. Аның урыны анда песи янәшәсендә. Мыскыл иттермәгез апаны!» Ни гаҗәп, атабыз бу сүзгә колак салды. Күрәсең, үзе дә уй эчендә йөргән булгандыр инде. Хәсрәтен уртанчы кызы белән уртаклашты. Ә ул бик шәп юлын тапты. Шул арада гына бер акыллы адәмнең хатыны үлеп киткән иде. Тиз генә аның белән кулга кул сугышкан: «Мин сине өйләндерәм, Мәгъсүм!» «Кемгә?» «Фәүзиягә!»

Апаны алып чыгып, тиз генә никах укыттылар да, оешмаган гаиләне җимереп, яңа гаилә корып җибәрделәр. Бу гаиләдә өч бала үсте. Фәүзия апаның да шеше тулышкан иде, күрәсең. Үзенә тиешлесен каерып алып китте. Рәшит : «Мин Фәүзиядән моны көтмәгән идем. Башын иеп эшләр дә эшләр, әнигә хезмәтче булсын өчен генә өйләнгән идем аңа»,– дип әйтеп әйткән, ди. Рәшиткә – яңа хатын, Миңлебикәгә яңа килен таптылар. Ул килен исә: «Мин Миңлебикәнең кырык төенен чишәм әле»– , дип килде. Чиште дә. Миңлебикә үлем түшәгендә «Фәүзиянең генә рәнҗеше төште, дип, бәхиллек ялварып, тилмереп үлде.»

 Күбәләк әбинең беренче кыйссасы: http://syuyumbike.ru/yashaesh/otkrovenie/?id=5931

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (1)
Cимвол калды:
  • 23 октябрь 2020 - 13:00
    Без имени
    Ничэнче гасыр да булган бу хэллэр?
Хәзер укыйлар
  • Кыска буйлы зур бәхет Бар яктан да килгән Миләүшәгә башка егет табылмады микән дип, шаккаттым, дөресен генә әйткәндә. Авылда өрлек кадәрле менә дигән ничә егет бар, ә аның артыннан кайсыдыр бер авылдан шушы кечкенә генә егет йөреп маташа. 
    6302
    3
    51
  • Үләнче Рушания ханым Минсәгыйрованы үзе яшәгән Спас районының Болгар шәһәрендә генә түгел, инде бөтен республикада үләнче дип беләләр
    6271
    4
    50
  • Сабырлык чиге 2  Шулай итеп, Сәрия туташ никахлы ире кочагында бер төн генә ләззәтләнеп калган. Нәрсә генә булмасын, авылда «кияүгә чыккан» дигән хәбәр таралган бит...
    8537
    0
    36
  • Ике килен-килендәш Ярты ел очрашып йөргәч, өйләнештеләр Алия белән. Барыбыз да куандык, сөендек. Ләкин гаиләбездә яңа килен барлыкка килгәч, минем кадерем бетте...
    7062
    9
    33
Реклама
Соңгы комментарийлар
  • 7 февраль 2023 - 10:21
    Без имени
    Бик зур рэхмэт сезгэ, эйбэтлэп анлаткансыз. Хэзер сезнен рецепт буенча камыр куям эле.
    Төче камыр рецепты
  • 7 февраль 2023 - 06:25
    Без имени
    Карыйсы килэ башлады инде. Бу эсэрне укыганым бар иде.
    Бала бишеге тибрәнүендә  – чиркәү чаңы
  • 3 февраль 2023 - 09:19
    Без имени
    Рушания ханымның сәләтенә, булдыклы, уңган булган ханым булганына шаккатып, исем китеп укыдым.Була бит шундый бар яктан да килгән кешеләр, сөбханАллаһ, күз тимәсен 🤲🤲🤲Сәламәтлек, озын гомер телим аңа!
    Үләнче
  • 4 февраль 2023 - 13:37
    Без имени
    Гомер ничек яшэлсэ дэ утэ.Ярый анлаган ирен,э анламаганнар анламый ул.Яшэгэн саен чарасыз тузеп яшэгэн хатынкыз азмы доньяда.Сабыр тобе Сары алтын дисэлэр дэ сэлэмэтлек бик кирэк нэрсэ.Аллакаебыз яшьлектэ хэр балага тэуфикь, сабырлык хэм уз башына акыл бирсен.Сэлэмэтлектэ булып яшик
    Сабырлык чиге 5    
  • 3 февраль 2023 - 09:42
    Без имени
    Ие ие, бау белэн бэйлэп сойрэп яткыралар ди. Шул йоремсэк ирлэрне яклап утырмагыз инде
    «Йөремсәк» хатын
Реклама
«Татар гаиләсе / килен-кайнана» бәйгесе җиңүчеләрен котлау тантанасы
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр