Кайнанам мине карак дип уйлый бугай

Минем әле бу хакта беркемгә дә сөйләгәнем юк. Ирем дә белми эчемдә менә мондый утлар янганны. Әниләргә әйтмим дә әйтмим инде – аларны борчуга саласы килми. Сөйләсәм, нәрсә буласын күз алдыма да китерә алыйм. Ялгышудан да бик каты куркам. Бәлки, менә бу сезгә сөйләргә теләгән әйберләр миңа гына тоеладыр, бәлки, бу бер очраклылык кынадыр? Үзем уйлап та һич очына чыга алмыйм. Читтән яхшырак күренер дип сезгә язып карарга уйладым. Үзем язам, үзем болай уйлап ялгышсам ярар иде дип телим. 
Ирем белән без өйләнешкәнгә әле бер ел да юк. Алар гаиләдә ике туган гына: ул да апасы. Ирем – төпчек бала, апасы белән яшь аермалары да шактый зур, ун елга якын. Апасы Мәскәүдә яши, гаиләсе, ике баласы бар. Алар авылга бик сирәк кайталар, күбрәк җәен, балаларның каникуллары вакытында гына. Ә без менә Казанда гына яшибез, якында. Шуңа күрә бик еш кайтып йөрибез. 
Мине алар гаиләсендә начар каршы алдылар дип зарлана алмыйм. Башка киленнәрне кебектер инде. «Кызым» дип әйткән кеше юк анысы – исемем белән генә дәшәләр. Мин үзем дә әллә нигә өметләнмим. Дус кызларымның кайнаналары белән мөнәсәбәтләрен күреп, ишетеп торам бит. Аларга карап: «Минеке әле шөкер», – дип йөри идем моңарчы. 
Башта беренче очракны сөйлим. 
Ул юлы кайтуда мин аларга яңа алган җәйге күлмәгемне киеп кайткан идем. Бик яратып алдым мин ул күлмәкне, зәңгәр төстә, озынлыгы да мин теләгәнчә булды. Бәясе дә ул кадәр кыйммәт түгел. Кайнанам күлмәгемә ишектән керүгә игътибар итте. «Бик матур булган», – диде. Мин аның ул сүзләренә сөенеп тә куйдым әле. 
Өйдә үзебез генә калгач, ул миннән: «Күлмәгеңне күпмегә алдың?» – дип сорады. «Биш меңгә алдым.  Артык кыйммәт түгел бит?» – дидем. «Юк, уртача бәя. Хәзер арзан кием юк инде», – диде ул. Тик күреп торам – үзенең нигәдер кәефе китте. Мин шунда ук аннан: «Әни, нәрсә булды?» – дип сорадым. Өйдән 5 мең акча югалган, шуңа борчыла икән. 5 мең аз акча түгел бит – идәнгә төшеп кенә югала алмый. Аптырап калдым. Пандемия аркасында авылда бит соңгы вакытта кеше бер-берсенә керми диярлек, күбрәк капка аша гына сөйләшәләр. Кайнанамнарга да кергән-чыккан кеше юк. Үзе дә шулай диде. Аннары: «Соңгы вакытта сез генә кайттыгыз», – дип өстәде. Аның бу сүзенә ул чакта игътибар да итмәдем. Бездән шикләнәдер дигән уй башыма да кермәде. Шундый беркатлы инде мин. Ахырда ул миңа бу хакта иремә әйтмәскә кушты. «Аны да борчымыйк инде», – диде. Ул кушмагач, әйтмәдем инде. Икенче кайтуда: «Теге акча табылмадымы?» – дип сорадым. «Юк, табыла торган җиргә китмәдеме бугай инде ул», – дип җавап бирде.
Инде узган атнада тагын шундый ук хәл килеп чыкты менә. Барысы да җәй көнендәге кебек кабатланды. 
Көзге яңа куртка алган идем – шуны киеп кайттым. Әллә нәрсә түгел инде, әмма үземә килешә. Бәясе дә 10 мең генә. 
Ирем әтисе белән күрше авылга иген алырга киткәннәр иде. Әни шул вакыт тагын яңа курткам турында сүз кузгатты. «Бик матур булган, күпмегә алдың?» – ди. Ничек бар – бәясен шулай әйттем. Ә ул тагын җәй көне әйткән сүзләрен кабатлады: «Ә безнең өйдән тагын акча югалды әле», – ди. Бу юлы 10 мең ди. Бигрәк күп бит! «Әни, ул акчаны кем алырга мөмкин соң? Өйгә чит кеше кергәне бармы? Берәрсеннән шикләнәсеңме?» – дим. «Сездән башка безгә кайткан, кергән кеше юк инде», – диде ул. «Бездән шикләнмисеңдер бит?» – дип кайтарып сорамадым. Алай дип сорарга уема да килмәде шул. Ахырда ул тагын: «Өйдәгеләргә әйтмик инде, яме, икәү генә белик», – диде. Аңа ничек каршы әйтим, тагын ризалаштым инде.
Кичә күптән күрешмәгән дус кызым белән очраштык. Аның инде баласы бар, бик еш күрешеп булмый хәзер. Сүз иярә сүз чыгып, аңа бу хакта да  сөйләдем. Ул шаккатты. «Соң кайнанаң синнән шикләнә бит! Шуны да аңламадыңмы?» – ди. 
Минем хәзер башыма кайгы төште. Бер карасаң, шикләнергә урын да бар бит. Аларның 5 мең акчасы югалган – мин 5 меңлек яңа күлмәк киеп кайттым. 10 меңнәре югалган һәм мин нәкъ шул көннәрдә 10 меңгә яңа куртка алдым. Куртканы премия акчасына алганны әйтмәдем бит әле мин сезгә. Мин бер төзелеш оешмасында эшлим, төзүчеләр көненә премия биргәннәр иде, шуны саклап торган идем. Аны ирем дә бик яхшы белә. Гомумән, аңа әйтмичә яңа кием алганым юк – нәрсәдер кирәк булса, бергә киңәшләшеп алабыз.
«Дөрес, әнисе улыннан да шикләнергә мөмкин. Бәлки ул шуңа күрә аңа әйтмәскә кушадыр? Ә, бәлки, акчасын  бөтенләй югалтмагандыр да, сине генә сынап каравыдыр?» – ди дус кызым. Алай булырга да мөмкинме икән? Үзем мондый хәлне берәүдән дә ишеткәнем юк иде. Иремнең әнисе акчасына кагылганына гомер ышанмыйм. Аның хезмәт хакы зарланырлык түгел. Кеше почмагында тормыйбыз – минем әбидән калган квартирда яшибез. Машинабыз да бар. Авылдан ит-бәрәңге алып килсәк тә, иремнең әти-әнисеннән моңарчы акча сораганыбыз булмады. Нәрсәгә сорыйк, әлегә үзебезнеке үзебезгә җитә бит.  
Инде миңа нишләргә, үземне ничек тотарга икән? 
Дус кызым: «Тагын берәр яңа кием киеп кайтып кара. Шул ук хәл кабатланса, ирең белән сөйләш, аңа әйт», – ди. 
Исемемне язмыйм, ачуланмагыз. 
Казан.
 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (14)
Cимвол калды:
  • 24 май 2022 - 23:21
    Без имени
    Узен язасын гел ирём бн кинэшлэшэм дип, узен Кэйна Сузен тынлыйсын, монда анлашылмый, ыганыч баксов сина
  • 24 май 2022 - 10:32
    Без имени
    Бэясен белмим эни, апа, эби булэк итте диегез.Шл вакытта кайнанагыз яна кулмэкне чыгым тугел, керем итеп кабул итэр бэлкем.
  • 21 апрель 2022 - 10:19
    Без имени
    Ния бар нэрсэнедэ әйтеп барасызмени биянушкана, әйтмә 🤔 эле иргэдэ барында ышанып сойлэп бетмэсэндэ ярый, мэкальдэгечэ:ирләргә ышанма, иделгә таянма диләр, дөньяда ниләр генә булмый😉
  • 20 апрель 2022 - 16:37
    Без имени
    Анын син кием алганга ачуы килэ. Бэреп кенэ эйтми. Алдаша ул. Ничек инде син 5 менлек эйбер алдын анында именно 5 мене югалган. Син 10 менлек эйбер алдын анын 10 мене югала. Ялган бу. Ышанма. Башка беркайчанда яна эйберенне аларга киеп кайтма. Бием уз эниен тугел. Шуны онытма. Бу хэл очен борчылма. Биеменнен чираттагы хитроствосы.
  • 20 ноябрь 2021 - 22:02
    Без имени
    Кайтуга нэрсэ алганынны эйтмэ,ничэ сум акчагыз югалды эни диген ирен алдында
  • 5 ноябрь 2021 - 09:38
    Без имени
    Иренэ эйтергэ кирэк
  • 4 ноябрь 2021 - 07:26
    Без имени
    Алдагы фикерләр буенча мин яңа кием киеп кайтып хакын киметеп әйтеп карар идем. Әгәр инде шушы очоак кабатланса-иремә әйтер идем. Бәлки ул бу вакыйгалар берәр аңлатма да табыр иде. Бәлки әнисең шундый мәзәклеге бардыр.
  • 4 ноябрь 2021 - 06:11
    Без имени
    Б өтенесен дә сөйләп бетермәскә кирәк, ничә сум ул, каян алган, кирәкми ул аңа, фетнә генә чыга. Эшләгәч акчасы да була инде, кешегә аңлатып бетереп булмый бернәрсә не дә, аңлатып йөрисе дә юк. Шундый зур акчалары югалган,
  • 3 ноябрь 2021 - 21:53
    Без имени
    Хөрмәтле автор,борчылмагыз.Кайнанагыз бик саран кеше,сез алган һәр әйбер ул "югалткан" акча. Сездән бар әйберен кызгана,турысын әйтми.Ир -атларга белдермәскә куша,чөнки кайнатагыз икенче кеше,ялганны яратмый.Ирегез әнисенең бу холкын белә. Минем киңәшем шул сезгә:нерваларыгызны бетермәгез дүртегез дә өйдә чакта бу теманы ,акчалары югалу темасын,күтәрегез.Әти - әнигә ярдәм итик дип ,алар алдында,ирегез белән киңәшләшегез.Кайнанагызның реакциясе сезгә барысын да күрсәтер. Төрле кайнаналар бар,кайсылары киленен якын итә, ә килен аны санга сукмый. Кайсылары үз улларын яратып, киленнән көнләшеп,яшьләр арасын бутый. Шуңа күрә,үзегезне саклагыз,бар да җайга салыныр.
  • 3 ноябрь 2021 - 11:54
    Без имени
    Точь в точь ситуация,которая произошла с моей мамой в её молодости,лет 30 назад.Её обвинила свекровь,что из дома пропали 50 рублей.Мама в слезах выбежала во двор,свёкр стал расспрашивать её,что случилось и тд,она и сказала,что её обвинили в воровстве.Так мой дедушка каак бросил свою палку и побежал в дом,и отругал свою жену,что она обвинила мою маму.Моя мама сама ещё была ребёнком можно сказать,вышла замуж за папу,жили вот у её родителей.Не помню,что рассказывала мне мама о реакции отца,и сказала ли она ему об этом.Но помню то,что она сказала о реакции своей мамы:"гомеремэ дэ уйламас идём,туып устергэн баламны карак дип эйтерлэр дип"дословно не помню,но мама сказала,что её мама сильно расстроилась и так плакала,когда узнала что её дочь обвинили в этом,да ещё и свекровь.Никогда не стоит молчать о таком.Нельзя позволять себя обвинять.Должна быть справедливость.Своё честь и достоинство нужно защищать.И нет того,тех,РАДИ ЧЕГО МОЖНО ТАКОЕ ТЕРПЕТЬ.Ир дип,семья дип такое нельзя терпеть!!!!!!!
  • 3 ноябрь 2021 - 11:05
    Без имени
    Исен бер да китмасен, бу кайнананын проблемалары, старческий маразм
  • 3 ноябрь 2021 - 04:31
    Без имени
    Сабыр бул. Аллаhы Тэгалэ ярдэмен бирер эле.
  • 2 ноябрь 2021 - 20:57
    Без имени
    Тагын Яна кием киеп кайтып кара,бэясен киметеп эйт.Аннарыбелэсен инде кемнэн шиклэнгэнен.мможет ул шулай сине сыныйдыр
  • 2 ноябрь 2021 - 20:26
    Без имени
    Син 5-10000 димэ, 1500 генэ диген, или 1200 диген икенче юлы. Доресен эйтмэ. Обязательно тагын яна кием киеп кайт, и ялганла, ни дияр икэн?
Хәзер укыйлар
  • Балдаклар, туй күлмәге калды, ә мин... Сүземне ерактанрак башлыйм әле. Әти үлгәндә мин әле тумаган да булганмын – әни 7 айлык корсаклы килеш калган. Аңа бу вакытта нибары 21 яшь булган...
    7027
    2
    50
  • Ялгыз канат Ире чит хатынга чыгып китсә дә, йөрәк болай әрнемәс иде. Хыянәтен кичерә алмый, мендәр кочаклап елар да, мәхәббәтне нәфрәткә әйләндереп яшәр иде. Ә ул хатынына гына түгел, балаларына, әти-әниләренә, диненә, үзенә хыянәт итте. Миләүшә яшь көе ирсез калды.
    7832
    0
    36
  • Рәхмәт, әнием! Аның ирен үтереп ташладылар. Дөресрәге, үләр дәрәҗәгә җиткәнче кыйнап ыргыттылар... Аңсыз гәүдәсен өйләреннән ике йөз метрлар чамасы җирдә, барак кебек шыксыз йортларның пычрак ишегалдыннан таптылар...
    4112
    0
    34
  • Бар җылымны сиңа бирәм, әни... Әнигә бар җылыңны да, назыңны да, яратуыңны да бирәсең, чөнки ул әни, һәм башкача уйлау, яшәү мөмкин түгелдер... Ә үз әниең булмаса?! Кемгә бүләк итәргә? Сине ничек бар шулай кабул итә торган кем бар тагын?! Әни бар! Иремнең әнисе!
    2129
    0
    32
  • Синнән башка беркем кирәкми Нурзидә белән Рәдиснең балалары юк. Күп еллар юк инде. Нурзидә моның белән күптән килеште. Рәдис тә килешкән кебек булган иде... 
    1929
    1
    23
Реклама
Соңгы комментарийлар
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда