АК ЧӘЧӘКЛӘР КЕБЕК КАР ЯВА...

Онытылмаган икән бит! Хәтер ул бәхетле мизгелне, кадерле ядкарь итеп, ефәк кулъ-яулыкка төреп, йөрәк түренә сакламакка гына салып куйган икән ләбаса.
Менә бүген дә, алмагачлар чәчәк бураны туздырган мәлдә, мине ниндидер аңлаешсыз сагыш бимазалый. Көне буе иләс-миләс йөрдем. Җиле генә тиеп киткән бәхетемне югалтканмындыр кебек тоела. Алмагач чәчәгенең гүзәл сафлыгы ул өрфия бәхетнең бик тә, бик тә садә, хыял кебек матур булырга мөмкинлеге хакында уйландырып исәрләндерә. 
Исәрләндем бугай шул. Тоттым да трамвайга утырып китеп бардым. Биш-алты тукталыштан соң төшеп калдым да йортлар арасыннан салынган сукмактан кереп киттем. Аякларым мине дүрт катлы йорт каршына китереп туктатты. Шул бит бу – мин утыз ел элек кич буе эзләп йөреп тә таба алмаган тулай торак! Мин эзләгән һәм, бик ихтимал, мине көткән тәрәзәләр дә әнә генә.
Әйе, эзләп, эзләп тә таба алмаган идем. Бүген исә аякларым үзләре китерде. Бу хикмәтне мин аңлата алмам, ахрысы. Ул вакытта ни сәбәпле таба алмаганлыгымны тиз төшендем – башка санлы трамвайга утырган булганмын...
 Язилә белән «Родина» кинотеатрыннан чыкканда таныштык. Егетләр белән алдан килешеп, кызлар белән танышуны максат итеп барган идек киносына да. Кыз миңа шундук ошады. Юл буе сөйләшеп кайттык. Сүз белән, әллә кыз беләнме, мавыгып, трамвай санын абайламаганмын. Ту­лай торак тирәли әйләндек тә әйлән­дек... Безнең өскә алмагач чәчәгедәй канатлы карлар яуды да яуды.
Аннары Язилә мине бүлмәсенә 
чәй эчәргә чакырды. «Туңгансыңдыр, кайтасы юлың да якын түгел», – дип, өй пилмәне белән сыйлады. 
Миңа чәй ясаганда яңагыма тиеп киткән чәч бөдрәләре, кыздан аңкыган хушбуй исе мине тәмам әсәрләндерде. Язиләнең ипле сөйләшүе, тыйнак кыланышы 
бик ошады миңа. Бу кыз янында гомер буе, шушы тыйнак бәхеткә сөенеп, канәгать гомер кичерсәң иде дип утырдым.
Иртәгәсен һичшиксез киләсемә ышандырып кайтып киткәндә 
мин алдамаган идем, күрешербез, аңлашырбыз, матур кичләребез алда бик күп булыр кебек иде әле. Әйткәнемчә, иртәгәсен мин килдем, тик кичә кунак булып киткән йортны таба алмый тулгандым-тулгандым да кайтып киттем. Вәгъдәсезлегем өчен бик озак оялып йөрдем. Язиләнең йөзе, хушбуй исе озак онытылмады.
 Шул заманнан бирле Җиргә ничә язлар, ничә кышлар килеп китте. 
Ничә тапкыр алмагачлар чәчәк атты, карлар яуды... Үзәк өзгеч сагыш хисе, ниндидер бик тә мөһим нәрсәне югалту ачысы нигә соң нәкъ менә бүген бөтереп алды? Югыйсә мин бит хәзерге тормышымнан канәгать. Балалар тормышлы, оныклар үсә, хатын белән дә тату гына гомер кичерәбез кебек. Исәнлек тә әлегә ярыйсы.
Ни җитми миңа? Гомумән, адәм баласына ни җитми? Ирешелмәгән хыяллар ни өчен еллар аша да күңелне ашкындыра? Күрәсең, сынаулар җитми торгандыр миңа. 
Әллә бәхетме?

Р. S. Бу хикәят егет кешенеке икәне аңлашылса кирәк. Әмма ул чын хикәят. Никтер, минем аны Язиләгә (исеме бүтән) ишеттерәсем килде. Бәлки, ул үзен кинодан озата кайткан егетне таныр һәм аның еллар аша 
гафу соравын кабул итәр. 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • «Мин синең иреңне бәхетле итәм...» Тормышның яңа борылышында үзебезне нәрсә көткәнен без беркайчан белмибез. Уйламаган җирдән аякка уралган ниндидер борчулармы, әллә бөтенләй көтмәгән сөенечләрме? Тормыш борылышлары безне күкләрдән җиргә төшерә ала. Ә кайчак – киресенчә: бәхетсезлегең бәхет юлына бер адым гына булуын аңлата. Чүпрәле районының «Туган як» газетасы баш мөхәррире Резидә Җамалтдинова һәм аның ире Рамилнең очрашу, танышу, кавышу тарихы – шуңа бер мисал. Ачыктан-ачык сөйләшәбез.
    6948
    7
    65
  • «Хатының кайда – син шунда бул, тормышны бергә тартыгыз» «Тәгәри китте йомгагым, күрмәдегезме, агайлар», – ди Гөлчәчәк татар халык әкиятендә. Гомер йомгагын сүтә-сүтә, көннәр, айлар, еллар үтә... Адәм баласы әллә кайда – офыклар артында көтеп торган бәхетне эзләп бара да бара... Үткәнебезне – бар иткән, киләчәгебезгә нигез салган бүгенгебезне сизми дә калабыз. Мин бүгенгем белән бәхетле!
    4359
    0
    43
  • Өмет белән алга карап яшәргә әнкәйдән өйрәндем 1981 ел. Булачак кайнанам белән мин Казан тимер юл вокзалында таныштым. Төнге сәгать 11 дә! «Төнлә белән беренче тапкыр кайнанаң белән кайнатаңны күрергә вокзалга төшәчәксең», – дисәләр, һич ышанмас идем.
    2849
    4
    36
  • Үтмә, гомер, заяга! Хатынын һәр баганага көнләвенең урынсыз гына түгел, ә тормышларын җимерүче, бер-берсеннән читләтүче гамәл икәнлеген, кызганыч, Гамил һич кенә дә аңларга теләми...
    9431
    6
    35
  • Сыналган мәхәббәт бәхете Язмыштан котылып булмый, язмышыңа язылган булса, тешеңне сындырып керер, диләр. Вәсиләгә Газие белән бәхетле булырга язган булган инде. Урау юллар, яңа гаилә аша узып булса да. 
    3688
    0
    30
Реклама
Соңгы комментарийлар
  • 1 декабрь 2022 - 21:27
    Без имени
    Баланын этисе бардыр бит? Этисе дэ алгаласын бакчадан, уйнатсын, саф хавалар суларга алып чыксын. Ник эни тиеш дип белэсез? Ул узенекен устереп, кеше иткэн инде, житэр ана. Олы яшьтэ, башны кутэрмичэ, бала карап булмый да эле, арыта да. Узегез тапкансыз, узегез устерегез! Алла сабырлык хэм ярдэмен бирсен. Бала устеру жинел дигэн кеше юк эле, аны бит уйнатып, ашату, юындыру гына тугел, тэрбия бирергэ дэ кирэк.
    Әни шәхси тормышын төзи, мин җәфаланам
  • 1 декабрь 2022 - 21:15
    Без имени
    Белмим, мин дэ баланы берузем тарбиялим, эни эти икенче шэхэрдэ торалар, Бер булышучым да юк, куршедэн башка, элдэ Аллага шокер ул бар, баланы иртэн торып мэктэпкэ озата (1класс), мин эшкэ БИК иртэ китэм, дэрес беткэч подъездда каршы алып квартирага кертеп, ашарга жылытып бирэ. Свидание га йорергэ уемда да юк, даже не представляю как это. Куршемэ озын гомер сэлэмэтлек телим, элдэ ул бар. Бала усэ ул, Гомер буе бэлэкэй булмый, Шуна элеге вакытта баланы карау минем очен важнее всяких свиданий и личной жизни.
    Әни шәхси тормышын төзи, мин җәфаланам
  • 1 декабрь 2022 - 16:39
    Без имени
    Баштан утте, килмэгэн туганы калды микэн, торыргада. Йэ эйтмичэ килеп керэлэр иде. Аннары зарланганнарын ишеттемдэ. Берегезнедэ чакырып китермэдем, уземнен сезгэ барып торганым юк дидем. Мэжбури тотмыйм узегез килэсез дидем. Тоже бер булмэле иде. Хэзер килэсэлэрдэ китэлэр. Эле аларча булырга тиеш. Булмый гына торсын эле.
    Иремнең туганнары...
  • 1 декабрь 2022 - 10:43
    Без имени
    Котлыйбыз! Яшьлэр безнен килэчэгебез
    «Яңа йолдыз»да яңа җиңүче!
  • 1 декабрь 2022 - 09:35
    Без имени
    Бик кызыклы ,эчтелекле язма.
    Тау артында таулар бар
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда