Нинди хатын-кызларны ир-атлар беркайчан ташламый?

Менә нинди хатын-кызларга ир-атлар: «Мин синнән китәм», – дигән сүзне
бервакытта да әйтмиләр:


1. Һәр нәрсәгә үз фикере булган хатын-кызларга

Бөтен нәрсәгә үз фикере, үз карашы булган һәм аны курыкмыйча әйтә алган,
дәлилли белгән хатын-кызлардан ир-атлар үзләре теләп беркайчан баш
тартмый. Беренчедән, мондый хатын-кызлар башкаларның да фикерләре
булуын һәм кайчак ул фикерләрнең аныкы белән бөтенләй туры килмәскә дә
мөмкин икәнен яхшы аңлыйлар. Аерылышуны алар дөнья бетү дип кабул
итмиләр: бер-береңне бәйли торган уртак әйберләр булмагач, сукмакларның
икесе ике юлдан китүе табигый бит инде... Мондый хатын-кызлар тормышта
таянычсыз калудан курыкмый, чөнки нинди генә очракта да алар, беренче
чиратта, үз-үзләренә, үз көчләренә ышаналар.

2. Үз бәясен, үз дәрәҗәсен белүчеләргә

«Мин синнән китәргә булдым», – дигән сүзне беркайчан ишетмәгән хатын-
кызлар үзләренең нәрсәгә лаек булганын яхшы белә. Үзара мөнәсәбәтләрнең
көйсезләнеп китүен, аларның салкыная төшүен сизсәләр, алар беркайчан үз-
үзләрен җиңеп, мәхәббәтне «коткарырга» керешмәячәк. Алар ир-атка чытырдап
ябышмаячак, ялынмаячак, үгетләмәячәк. Мондый хатын-кызларда эчке
горурлык хисе бик көчле: «Китә икән – китсен, димәк, ул миңа лаек түгел», –
дип уйлаячак ул.
Үзен югалтудан курыкмаган хатын-кыздан исә ир-ат китәргә ашыкмаячак.

3. Үз-үзен карап йөргән хатын-кызларга

Теләсә нинди шартларда да, теләсә кайсы яшьтә дә кеше күзе төшәрлек итеп
киенү, үз-үзен карау, зәвыклы булып калу, әлбәттә, үз-үзен яраткан хатын-
кызларга гына хас сыйфатлар. Ир-ат аларга яратып, сокланып кына карарга
тиеш – башкача булырга мөмкин дип алар күз алдына да китерми. Моны рөхсәт
тә итми! Ир-атларның аларның күзенә генә карап торуының бөтен сере шунда...

4. Рәхмәтле хатын-кызларга

Яшерен-батырын түгел, хатын-кызга матур сүзләр әйткәндә, комплимент
ясаганда, ир-ат хатын-кызның боларны колак яныннан гына уздырып
җибәрмәвен, берәр ничек бәяләвен көтә: оялып елмаюын, күзләрендә сөенеч
очкыннары кабынуын, үзенең дә аңа җавап итеп берәр җылы сүз әйтүен...
«Синең яныңда миңа инде рәхәт түгел», – дигән сүзләрне беркайчан ишетмәгән
хатын-кызлар – үзләренә күрсәткән игътибарны матур итеп кабул итә белгән
хатын-кызлар алар. Комплимент ишеткәч, мондый хатын-кызлар «акланырга»
ашыкмый. Тәҗрибә күрсәткәнчә, нәтиҗәдә нәкъ шундый хатын-кызларга ир-
атларның игътибары күбрәк эләгә дә.

5. Гафу итә белгән, күп нәрсәне ничек бар – шулай кабул итә алган хатын-
кызларга

Гади генә нәрсәләрне катлауландырмау, вакыйгаларны ничек бар – шулай
кабул итү – болар көчле һәм зирәк кешеләргә генә хас сыйфатлар. Шушылар
янына тагын чын күңелдән гафу итә белүне дә кушсаң – гаҗәеп хатын-кыз
килеп чыга. Ул негатив уйлар белән үз-үзен «ашамый», һәркемгә карата ачык
чырайлы, йөзендә һәрвакыт елмаю... Ир-ат нигә андыйдан качсың: киресенчә,
якынрак белгән саен, ул аңа күбрәк тартыла.
фото: https://pixabay.com

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (2)
Cимвол калды:
  • 11 май 2020 - 06:43
    Без имени
    Мин килешмим.1.Хэрвакытта уз фикеренне эйткэнне ирлэр яратмый-самая умная что ли ди ул.2.Шулай кирэк,китэ бирсен дигэнне-э минем кирэгем юк икэн диеп чыгып китэ ул.3.Кайсы ирлэр бик аккуратный, хатыны замухрышка гына,ябешеп ята.4.1белэн 2 сыйфатлы хатыннар, бик рэхмэт эйтеп бармыйлар...5.Уз фикерен хэрвакыт эйтеп барган хатын, ничек бар шулай ирен кабул итми бит.Нинди суз ул? Ташламый имеш!Хатын ул ни "вещь".Шаяру чыны белэн яздым сезгэ! Кубрэк ничек хатын узен хормэт итергэ ойрэнсен, шул турыда языгыз эле.Гомер буе хатыннар яши бит юк бар ирне ир итеп..Имеш замужем, героиня мин анардан китсэм, ул мескенне кем жэллэр диеп, гомерен уздырганнар куп .
  • 10 май 2020 - 20:20
    Без имени
    Син гафу итэ торасын, ул уз юлында йори тора, шул да булдымы зирэклек
Хәзер укыйлар
Реклама
Соңгы комментарийлар
  • 21 апрель 2021 - 07:00
    Без имени
    Бу ситуациядә сез үзегез гаепле бит. Дус кызыгызны гаилә арасында үзегез керткәнсез. Безгә гел әйтер киләләр иде. Кияүгә чыккач ир беренче урында булырга тиеш дип. Дус кызлар читтәрррәк. Ә сез икесен дә бер күргәнсез. Мондый ситуациядә киңәш бирергә бик авыр. Ләкин үзегезгә бикләнеп яту, шулай ук дөрес түгел. Ирегез белән сөйләшкәндә дөрес сүзләр кулланырга тырышыгыз.
    Дус кызымның баласы иремә охшаган...
  • 20 апрель 2021 - 22:40
    Без имени
    Балакаем, Аллах ярдэменнэн ташламасын сине. Минем дэ якын иптэш кызым иремне аздыра башлаган иде. Вакытында сиздем.
    Дус кызымның баласы иремә охшаган...
  • 19 апрель 2021 - 18:53
    Без имени
    Аллакаем бирса булыр без 15ел котэбез онык бердэ булмый диеп кул селтэмилэр хэзер эко бар. Унышлар сезгэ. Выше нос и алга.
    Мин бала таба алмаячакмын….
  • 18 апрель 2021 - 20:50
    Без имени
    Изге Рамазан айларында киткән, авыр туфрагы җиңел булсын.🤲🙏
     Габдерәхим соңгы сулышын намазлык өстендә алган
  • 17 апрель 2021 - 21:42
    Без имени
    Жалко, типсэ тимер озэрлек ир- атлар кырыла гына
    «Акчарлак» газетасы журналисты Габдерәхим вафат
Реклама
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»