Каһвәне башкача кулланабыз!

Каһвә чүбен биткә дә сылыйбыз, бакчага да сибәбез
Күпләрегез каһвә кайнатып эчәргә ярата торгандыр. Ә аның чүбе файдалы икәнен белә идегезме? Каһвә чүбен кайда һәм ничек кулланып була – бу язма шул турыда.

КОСМЕТОЛОГИЯ
Каһвә тән тиресен тонуста тотарга булыша, үлгән күзәнәкләрдән чистарта. Шуңа күрә каһвә чүбеннән тоник ясарга мөмкин. Каһвәне эчкәч, чүбен киптерегез. 2 бал кашыгы кипкән каһвә чүбенә ярты бал кашыгы виноград төше мае кушыгыз һәм өстенә кайнар су салыгыз. Катнашма суынгач, аның белән юыныгыз. Виноград төше мае урынына көнҗет мае да салырга ярый. Көнҗет мае тән тиресен ультрашәмәхә нурлардан саклый.
Каһвәдән целлюлитка каршы скраб та ясарга мөмкин. Моның өчен каһвә чүбен һәм балны тигез күләмдә кушып болгатыгыз, шул катнашмага берничә тамчы цитруслы эфир мае кушыгыз (эфир маен аллергия бирү-бирмәүгә тикшереп карарга онытмагыз!).

ДАЧАДА ЯКИ БАКЧАДА
Каһвәдә бик күп күләмдә микро һәм макроэлементлар бар, өстәвенә аның исе дә көчле. Ул ис бөҗәкләрне куркытырга да ярап куя. Әгәр бакчага кырмыскалар ияләшкән икән, алар йөргән түтәлләргә коры каһвә чүбе сибеп чыгыгыз. Бер кырмыска да, башка вак бөҗәк тә калмас! Ә менә яңгыр суалчаннары, киресенчә, каһвәне ярата.
Каһвә менә дигән ашлама да әле ул. Мәсәлән, кишер чәчкәндә түтәлгә коры каһвә чүбе дә сибеп чыксаң, кишерләр тигез һәм матур булып үсәчәк.

ХУҖАЛЫКТА
Каһвә начар исләрне «йотарга» сәләтле. Суыткычка төнгә кипкән каһвә чүбе салынган савыт куеп калдырсагыз, бөтен начар исләр дә юкка чыгачак. Шулай ук шкафларга кую өчен дә каһвәле сашелар ясарга мөмкин.
Каһвә чүбе ярдәмендә пыяла савыт-сабаны да чистарталар. Бернинди химик чистарткычлар да кирәкми!

фото: https://pixabay.com

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Реклама
Хәзер укыйлар
  • «Таккан белән теккән кебек без...» – Кайнана белән ничек торасың син? Минем сыман гомер буе бием белән яшәгән, башкалар кайнаналарын сөйләгәндә сүзгә кушылмаган кешегә бу сорауны бик еш бирәләр. Җавабым гел бер була минем: – И-и, рәхәт бит аның белән! – дим. Чын күңелдән әйтәм! Бер риясыз...
    4619
    11
    115
  • Гомерем усал кайнана, исерек ир белән үтте 8   Рәфис тә, кайнатам да туасы баланың малай булуын  бик тели иделәр.  Ирем: «Малай тусын, Алладан сорап дога кыл әле», – дип, авылдагы сукыр Фәния карчыкка сәдака да илтеп бирде. Ул заманда туасы баланың кызмы, малаймы икәнен алдан белеп булмый иде шул...
    13229
    2
    90
  • «Ирең яратсын дисәң, кайнанаңны ярат» – Бу – төп нигез. Ишле гаилә! Эшле гаилә! Монда килгән-киткән кеше дә бик күп булыр. Ә син шушы йортның хуҗабикәсе булырсың! Әнинең – кайнанамның туйда әйткән бу сүзләре бүгенгедәй колагымда яңгырап тора. Ул көнне ишеткән теләкләрнең бик күбесе күптән онытылды, ә әнинекеләрне гомерлеккә хәтерләп калганмын. Матур тормышның башы шушы сүздән үк башлангандыр.
    2866
    9
    88
  • Гомерем усал кайнана, исерек ир белән үтте 11 Көн артыннан көн, ай артыннан ай узды. Икенче балама көмәнле вакытымда без, кайнана белән кайната яшәгән йорттан башка чыгып, үз йортыбыз белән яши башлаган идек...
    11449
    13
    76
  •  Гомерем усал кайнана, исерек ир белән үтте 10  Мин, иремне уятмаска тырышып, куенымда мыш-мыш килеп йоклаган баламны саклык белән агач караватка китереп салдым. Өстемдәге пальтомның төймәләрен чишеп, чөйгә өлдем. Урамда апрель башы булуга карамастан бик суык иде шул, кар да эреп бетмәгән. Салкын төндә печән өстендә баламны кысып кочаклаган килеш төн кундым бит.
    13873
    4
    73
Реклама
Соңгы комментарийлар
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда