Чынмы, ялганмы яки косметика турында 9 миф

Бер үк кремны көндез дә, төнлә дә кулланырга ярый


Бу дөрес түгел. Көндез тире дымландыруга һәм кояш нурларыннан саклауга мохтаҗ. Төнгә исә биткә тукландыручы кремнар ягыла. Алар составындагы витаминнар, органик кислоталар кояш яктысында бик тиз таркалып, файдасын күрми дә калуың ихтимал.

 

Битне тире шыгырдый башлаганчы юарга кирәк


Бер мөһим кагыйдә бар: әгәр дә юынганнан соң бит тиресе тартылып, тизрәк майлы крем тидерәсе килеп кала икән, димәк, бу юыну чарасы сезгә туры килми яисә инде сез чамадан артыгын тырышып ташлагансыз. Юынганнан соң тиредә бернинди дә дискомфорт булырга тиеш түгел.

 

Майлы тире дымландыруга мохтаҗ


Бу дөрес. Тире күзәнәкләре суга мохтаҗлык кичергәндә, күп итеп май бүлеп чыгара. Моннан котылу өчен гидрофиль майлар һәм дымландыргыч кремнар кулланырга кирәк.

 

Еш кырсаң, төкләр юанрак булып чыга


Юк ла, бу – мифның мифы. Аякны кырганнан соң бер-ике көннән кабат үскән төкләр, чынлап та, юан булып күренә. Бу киселгән төкләрнең тупыйк башлы булуы аркасында гына шулай күренә.



 

Кара чәй күз төбендәге капчыкларны бетерә


Менә монысы дөрес. Чәйдәге танин дип аталган матдә лимфа агышын тизләтә, шул рәвешле күз төбендәге шешенкелек тә бик тиз юкка чыга. Кара чәй генә түгел, яшеле дә бу җәһәттән бик файдалы.

 

Лак белән буялган тырнаклар суламый


Тырнаклар үле мөгезкатлам күзәнәкләренннә тора. Алар болай да суламый, үле күзәнәккә сулау нәрсәгә? Ә менә хәзерге лаклардагы кайбер витаминнар, минераль матдәләр тырнаклар өчен хәтта файдалы да булырга мөмкин, чөнки тырнак пластинкасын ныгыталар.

 

Буялган чәчләрне балалар шампуне белән юсаң, буяу озаграк тора


Балалар шампуне сабыйларның юка, йомшак чәчләрен юар өчен генә ярашлы. Әйе, чәчнең буявын алмас ул алмавын. Ләкин чәчкә сиптергән лаклар, муссларны да юып бетерә алмас.

 

Фен белән киптергәндә, чәчкә махсус спрей сиптерергә кирәк


Чәчләргә фен белән киптерү генә түгел, урамдагы салкын яки эссе һава да зыянлы. Үтәли кояш нурлары да чәчне матурламый. Шуңа күрә мондый спрейны фен белән киптергәндә генә түгел, башка вакытта куллану да зыян итми.

 

Чәчне йөз тапкыр тарарга кирәк


Чәчне тарау – баш тиресенә массаж да ул. Тараганда баш тиресендәге кан әйләнеше тизләнә, май бизләре яхшырак эшли, тарак белән тарап, без аны бөтен чәчкә тигезләп таратабыз, чәчләр дымланып калган кебек була. Әгәр дә артыгын тарап җибәрсәң, май бизләре тагын да куәтлерәк эшләп, чәчләр майланачак кына. Тарак белән чәчне биш-алты тапкыр тарау да җитә.

 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Мәмдәлнең катлаулы гаиләсе – Өйдә сигез көн авырып ятты. Температурасы төшмәде... Шул инде, коронавирус. Балалар Казанга алып киттеләр. Сыгылып кына төшеп калдым. Төяп алып кайтсалар дим... Бик курыктым! Аннан ике операция кичерде. Әй, берсе минеке инде аның... Барыбыз да рәхәтләнеп көлешәбез.  Әмма Гөлсия апа ялгышып әйтсә дә хагын әйтте: береңнең тәне авыртканда икенчеңнең җаны авырту шушы була инде. Сулар һаваң кебек кадерлегә әйләнгән кешең бит ул...
    2114
    10
    126
  • Гөр-гөр килеп яшәү «Бар әле...» дигән эш барлыгын беләсезме? Без белми идек, Актаныш районы Пучы авылында аңлаттылар.
    3848
    5
    125
  • Дуслыкның чиге бармы? Искән җил аның күлмәген тәненә сылады да, түгәрәкләнеп килгән корсагы сизелде. Ир моны күреп, тетрәнеп китте. Ул сүз әйтә алмаслык дәрәҗәгә җитте. Хатынының корсагыннан күзен ала алмады.
    6468
    1
    64
  • Көнче киленем Берничә көннән соң Алсу миңа үзе шалтыратты. «Әни, мин өй җыештырыр идем, Булат белән урамда йөрергә килә алмассыңмы», – диде. Ярты сәгать эчендә аларның ишек төбендә идем.
    4735
    1
    51
Реклама
Соңгы комментарийлар
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан