​​​​​​​Баланы кулыңа алма!

«Баланы кулга ияләштермә!» «Баланы гел кулыңда күтәреп йөрмә, үзе генә дә торырга өйрәнсен!», «Елый-елый да туктый ул!»

Бала табу йортыннан кайтканнан соң, һәр яшь әни ишетәдер бу сүзләрне. Кулга ияләштермә, аннары үзеңә кыен була, имеш. Дөресен әйтәм, мин үзем бу теориягә башта ук каршы булдым. Менә кечкенә генә төенчек, нәни йөрәк пәрасе мыс-мыс итеп ята. Сизеп торам, калын юрган астында булса да, аңа әни җылысы җитми. Сабыемны алам да, күкрәгемә кысам. Ашаганда, сөтле чәй эчкәндә, әтисен каршы алганда да ул һәрвакыт минем белән. Кочагымда изрәп йоклаулары, иркәләнеп кенә нәни авызын бөреп тартылып куюлары... Шуңа күрә, «кулга ияләштерәсең» диючеләргә җавабым бер була торган иде: «ияләшсен, җан җылысын тоеп үссен».

Олы кызымның төнге елауларын, өчәр сәгать кулда күтәреп йөрүләремне сөйләгәч, бер танышым «беренче көннән үк баланы дөрес режимга ияләштермәгәнсең», – дигән иде. Үрнәк итеп үзенең бер танышлары турында сөйләде. Алар менә туганчы ук балага аерым бүлмә, карават әзерләп куйганнар икән. Баланы ашаталар да шунда куялар һәм калдырып чыгып китәләр, ди. Елаганга да игътибар итмиләр, кереп йөрмәскә тырышалар. Өч көн елаганнан соң, бала ияләшә икән үзе, кулга да сорамый башлый. Аннары инде артыгын еламый да икән. Кулга алмыйсыларын белә... Вакытында ашый, эчә, йоклый. Алар үзләре бу турыда зур ачыш ясагандай сөйләгәннәр, әлбәттә. Мин генә котым очып тыңладым. Нәни килеш елаган чагында да әни куенына сыена алмый инде...

Күп кенә халыкларда шундый гадәт бар икән – әни кешегә кырык көн буена баланы бер генә мизгелгә дә калдырырга ярамый. Ул әниләр балаларын күкрәк турына бәйләп кую җаен тапканнар. Кырык көн буе әле бала «дөньяга килүен дәвам итә» дип кабул ителә икән, шуңа ул әнисенең йөрәк тибешен, җылысын, тавышын ишетеп торырга тиеш. Һәм андый балаларның инде үсә төшкәч, тормышта шактый мөстәкыйль булуларын, психологик яктан да сәламәтрәк булуын исбатлаганнар. «Кулга ияләшмәсен» дип әнисеннән ялгыз йоклаучыларның әнигә бәйлелекләре, зур үскәч тә әнине таптырулары ешрак күзәтелә икән. Чөнки алар күңеленә әни җылысына туенмау, игътибарга мохтаҗлык халәте кереп урнашкан була.

«Баланы кулыңа ияләштермә, үзеңә кыен була!», «Ияләшмәсен!» Ике-өч айдан соң, баланы яслеләргә калдырып, эшкә чыккан совет заманы әниләренең кырыс тәрбиясе бу. Алар өчен шулай җайлы булган. Ә хәзер әниләрнең бала тәрбиясенә карата фикере үзгәрә бара. Психологлар да иң зур дәва – әни кочагы дигән фикерне ешрак кабатлый башлады. Әнә бит, дәү әниебез дә, бала елый башлады исә, тизрәк кулга ал, күкрәгеңә кыс, йөрәк тавышыңны ишетсен, дип киңәш бирә иде. Гаеп итсә ителер, әмма мөмкинлек булганда кызларымны кулдан төшермәдем. Шулай рәхәт иде. Сыенып үстеләр. Ю-у-ук, үкенмим. Куып та тотып булмый хәзер үзләрен, бер кочыйм дисәң дә. Исән генә булсыннар!

...Елыймы, әллә көйсезләнәме? Кулыгызга алыгыз да, рәхәтләнеп тибрәтегез. Иң мөһиме – әни җылысын тойсын!

Реклама
Ошый
Поделиться:
Комментарийлар (1)
Cимвол калды:
  • 17 декабрь 2019 - 23:15
    Без имени
    Бик дерес сузлэр. Баланы соеп,яратып устерергэ кирэк дигэн фикер белэн килешэм.
Хәзер укыйлар
  • 8050
    10
    252
  • ТУГАН ЙОРТ БУСАГАСЫ  Җиңел велосипедының бер як мөгезенә аскан авыр сумкасын йорттан-йортка йөри-йөри бушатып бетергәч, Гүзәлия өенә табан атлады. Замана үзгәрү белән, кеше белән кеше арасындагы элемтә чаралары арта бара...
    8480
    9
    198
  • Бәхет шәүләсе ​​​​​​​Тиранның төрлесе була. Кул күтәреп, җәберләп кенә торучыны түгел, кешене рухи яктан басып, иреген чикләп яшәүчеләргә карата да әйтелә ул. Карап торышка менә дигән ир, кайгыртучан әти дип уйларлык кешеләр дә гаиләдә тиран булып чыгарга мөмкин.
    8457
    6
    129
  • Ике туй – бер ир «Ике тапкыр кияүгә чыгарсың», – диде миңа чегән хатыны. Күзләремә яшь килде...
    7391
    3
    115
  • Кардагы эзләргә ни булыр?!  Урамда кар-буран уйный. Әллә быелның беренче бураны инде?! Юл кырыйларында кар эскерте өелеп тормаганга шулай тоеламы соң, әллә яуганы да эреп бетә баргангамы. Һәр яуган кар, сукмакларны тутырып бөтерелгән буран бу кышның беренчесе сыман... 
    7012
    0
    106
Соңгы комментарийлар
  • 29 гыйнвар 2020 - 09:03
    Без имени
    Зур рәхмәт Сезгә матур фикерләрегез өчен! Быел сабакташлар белән очрашуга кайткач, "ияреп" килгән хикәяләремнең берсе. "Сынау", "Рәнҗеш" дигән хикәяләремнең дә сюжетлары шушы очрашу мизгелләрендә туды. Алар "Сөембкә" сайтында басылдылар. Укучыларым белән бәйләнештә тоткан өчен "Сөембикә" кызларына олы рәхмәтләремне белдерәсем, сәламәтлек, иҗат уңышлары теләсем килә. Үрнәк булырлык та, сабак бирерлек тә, файдалы һәм кирәк язмалары белән "Сөембикә" алдагы көннәрдә дә барыбызны да куандыоып торсын! Люция Әблиева
    Кайтаваз
  • 29 гыйнвар 2020 - 10:19
    Без имени
    Әйе, сүзне әйткәнче уйларга кирәк тә, кайчак авыздан чыгып оча шул! "Каргышның тиешлесе дә уртак төшә" дия иде әнием. Шуңа күрә каргау түгел рәнҗергә дә куркам, Алла сакласын каргыш- рәнҗешләрдән. Бик гыйбрәтле язма, рәхмәт, ошады.
    ​Каргыш – каргыштан аерыла
  • 29 гыйнвар 2020 - 12:34
    Без имени
    Гыйбрәт!!! Аллам сакласын дияргә генә кала монда. Рәхмәт, уйландыра торган, тәрбияви , тирән эчтәлекле.
    Кичерү
  • 28 гыйнвар 2020 - 19:42
    Без имени
    Юк, хозай курхэтмэсен, ошондай азымга этэргэн Ир менэн бер кондэ тормас инем...
    ​Ачы көнбагыш
  • 29 гыйнвар 2020 - 03:22
    Без имени
    Бик матур язма! Дорес язылган.Узе сайлаган хонэргэ гомер буе тугры булган,яратып башкарган ,ярдэмгэ килергэ хэрвакыт эзер булган медицина кешелэренэ дан!!! Мин дэ язмадагы Рэшидэ гэ ошаган фельдшерны белэм.40 елдан артык бер авылда яшэп,эшлэп тирэ-яктагы 6 авылга медицина ярдэме курсэтуче Зилэ Кинзяшева хакында язасым килде.Зилэ узе Башкортостаннын Авыргазы районында туып ускэн.Кырмыскалы районынын Тансаит авылына медучилищены беткэч эшкэ жибэрелэ 1978 елда .шул елдан башлап элеге конгэ кадэр , пенсиядэ булуына карамастан,Зилэбез хэрбер ярдэмгэ мохтаж кешегэ медицина хезмэте курсэтэ.КЕМ.кайсы авылда,жэйме,кышмы ,буран,янгырмы -йогереп ярдэмгэ килэ. Шулай ук ул узенен тормышында кешелэр конлэшерлек итеп алып бара.Тормыш иптэше Анур белэн якты матур йорт салып кереп ике эзмэвердэй егет устереп ,аларны ойлэндереп ,оныкларына шатланып яшилэр.Зилэбез авылда гына тугел район кулэмендэ хормэтле кеше. Чын кунелемнэн килэчэктэ дэ аларга исэнлек саулык белэн озын гомер,шатлык телим!
    Кайтаваз
Реклама
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...