декабрь 2014

Кучкар.

Артык уңай ай дип әйтеп булмаса да, әллә ни катлаулы хәлләр дә килеп чыкмаска тиеш. Сез үзегез артык кызу, хисле, шуңа күрә юктан да проблема күрәсез.
 

Үгезбозау.

Сезнең өчен уңышлы ай. Ел буена җитәрлек планнар корып куегыз, бу айда ният иткәннәр тормышка ашучан. Һөнәр баскычы буйлап күтәрелү өчен уайлы очрак килеп чыгуы ихтимал.
 

Игезәкләр.

Вазгыять үзгәрүчән. Үзегезгә йөкләнгән вазыйфаларга җитди карасагыз, һичшиксез, уңышка ирешәчәксез. Әмма, ялкаулыкны җиңүе кыенгарак туры килүе бар, ел буена җыелган арыганлык
үзен сиздерә.
 

Кысла.

Бу айда шактый дулкныландыргыч хәлләр көтелә. Артык хисчәнлегегезнең эшләрегезгә аяк чалуы бар. Тәвәккәлрәк, чаярак булсагыз, отарсыз. Ялгыз кыслаларны  олы мәхәббәт хисе бөтереп алачак.
 

Арыслан.

Сезне сынап йөрүчеләр бар – аң булыгыз! Җаваплы, җитди, акыллы кеше дигән тәэсир калдырырга тырышсагыз, бар өлкәдә дә отарсыз. Әгәр дә мондый тәэсир тудыра алмыйсыз икән, бик тә мөһим бер тәкъдимнән колак кагачаксыз.
 

Сөмбелә.

Һәрвакыттагыча, эшегез күп, күп кенәме соң, муеннан! Әмма сездәге үҗәтлек, тырышлык, һәм моңарчы үзегез дә белмәгән иҗат куәсегез, ул эшләрне уңышлы башкарып чыгарга булышачак. Әлбәттә, җиңел булмас. Ләкин сез җиңәрсез
!

Бизмән.

Дөньяда гаме юк кеше кебек кылансагыз да, әллә ниткән эчке бер борчылуыгыз бар. Рухи кыйммәтләргә өстенлек бирерсез, иҗатка, кул эшләренә ихтыяҗ туар. Күңелегездә йөрткән ниятләрегеә күп булса да, аларны тормышка ашыру өчен көчегез җитеп бетмәс кебек күренә.
 

Чаян.

Сездә моңарчы күренмәгән тәвәккәллек, чаялык күзәтелә. Курку белмәс чаянны бернәрсә дә җиңә алмас кебек, әмма сез бер эшне башлыйсыз, икенчесен ташлыйсыз, нәтиҗәдә берни дә барып чыкмый. Моны истә тотып, эшнең иң кирәгенә генә тотыныгыз, ул очракта уңышка ирешерсез.
 

Укчы.

Бәхәсләшүдән туктагыз, бу ай бәхәсләшү өчен түгел. Иң яхшысы – сабыр гына уздырып җибәрү. Кайгырмагыз, әле сезнең вакыт узмаган, нәрсәгә сәләтле икәнегезне күрсәтергә өлгерерсез.

Кәҗәмөгез.

Иң уңышлы айларның берсе. Беркая да ашыгасыгыз юк. Өйдә дә, эштә дә дәрәҗәгез югары. Хәтта акча мәсьәләсе дә борчылырлык түгел. Чыгымнар булса да, алар үзегез өчен файдалы чыгымнар гына.

 
Сукояр.

Кызыклы вакыйгаларга юмарт булса да, бу ай тыныч кына үтеп китәр. Ниндидер яңа һөнәр белән мавыга башлавыгыз ихтимал. Гаиләдәге мөнәсәбәтләр бик җылы, ялгыз сукоярларны  исә мәхәббәтләре сагалый.

Балыклар.

Катлаулы ай. Сез ниндидер бер караңгы бүлмә алдында торасыз кебек. Ул бүлмәдә ниләр барын белмисез, Бәлки, анда сезнең күптәнге хыялыгыз көтәдер...