Август - 2015

Кучкар

 

Эшегез һәм бурычларыгыз күбәеп китәр. Көтелмәгән эшләр килеп чыгу ихтималы зур. Талантыгызны ачу өчен бик яхшы ай. Ниндидер бер очраклылык тормышыгызны үзгәртеп җибәрер. Гаиләгезне игътибарсыз калдырмагыз.


Үгезбозау

Үзгәрешләр күп, ләкин аларның барысы да сезнең өчен файдалы түгел. Иркенәергә җай чыкмас. Җитәкчеләр белән бернинди дә бәхәскә кермәгез. Тыныч кына яшисегез килсә, күндәмлек күрсәтегез. Яңа эш башлау өчен җайсыз вакыт.

 

Игезәкләр

 

Теләсә кайсы бәхәстән җиңеп чыгачаксыз. Бу айда җиң сызганып эшләсәгез, киләчәктә моның файдасын күрерсез. Тормыш биргән мөмкинлекләрне файдаланып калырга тырышыгыз – отарсыз. Эшегездә күтәрелер өчен дә яхшы ай.


 Кысла


 

Тоткан юлыгыздан бераз читкә каерырга туры килер. Тормыш гел үзгәрештә шул, кичә яраган бүгенгә ярамаска да мөмкин. Элек бик кызыксыз тоелган нәрсәләр белән мавыга башлавыгызны үзегез дә сизми калмагаегыз. Иске гадәтләрдән җиңел генә котылырсыз.



 Арыслан


 

Мәшәкатьле, ыгы-зыгылы ай булырга охшаган. Проблемаларны хәл итү өчен чып-чын актерлык осталыгы күрсәтергә туры килер. Дусларыгызның ярдәмен тоярсыз, алар сезне кирәкле вакытта кирәкле кеше белән таныштырырлар.


 Сөмбелә

Әлегә кадәр сез гел саклык күрсәтә килдегез. Инде аяк терәп, үз сүзегезне әйтер вакыт җитте. Сезгә тәвәккәл булырга, кыю гамәлләр кылырга туры килер. Яңача яши башлау өчен кулай вакыт. Эштәге авырлыкларны җиңеп чыгачаксыз.

Бизмән

Тормышка яңалык һәм үзгәреш кертү өчен кулай ай түгел. Барлык мәсьәләләрне дә гадәти юл белән хәл итегез, ниндидер мөгез чыгару сезгә файда китерми. Өйдән читтә тукланырга туры килсә, сак булыгыз, агулану ихтималы зур.

 Чаян

Хыялларга чумарсыз. Шушы хыялый халәтегез тирә-юньдәге мәшәкатьләргә күз йомдырачак. Ә бит мәсьәләне вакытында хәл итү кирәк, югыйсә ахырдан сезне гаепләүчеләр табылачак. Җитәкчеләр белән уртак тел табу өчен яхшы вакыт.


Укчы

Кайсы да булса бер өлкәдә үсеш кичерерсез. Бу карьера үсеше дә, рухи үсеш тә булырга мөмкин. Элек бик катлаулы тоелган вакыйгалар да хәзер җиңел генә хәл ителер. Сентябрь – тормышның яңа этабын башлар өчен уңай ай.

Кәҗәмөгез

Нәрсәнедер үзгәртер өчен башка бер вакытны көтегез. Ә менә яңа планнар корыр өчен шәп ай, башыгыз бик яхшы эшли. Эштә көтелмәгән «урак өсте» башланыр. Тәкъдимнәрегез булса да, аларны берәүгә дә белдерми торыгыз, вакыты ул түгел.


Сукояр

Бу айда үз-үзегезгә генә ышаныгыз. Бер егылып, бер торырсыз – катлаулы чор. Шулай да өметсезлеккә бирелмәгез, иң кирәкле вакытта көтмәгән җирдән ярдәм ирешер. Һәр карарны мең кат үлчәгәч кенә кабул итегез, ялгышу ихтималы бик зур.

 

Балык

 
 

Баштарак уңышсыз ай кебек тоелса да, соңга таба яхшы нәтиҗәләр күренә башлаячак. Әллә кайчаннан ияреп килгән эшләрне менә дигән итеп башкарып куячаксыз. Яңа тәкъдим һәм идеяләрегезне яшереп яткырмагыз. Җитәкчеләр дә бәяләрләр үзегезне.


фото: pixabay.com
 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Реклама
Соңгы комментарийлар
  • 29 октябрь 2020 - 12:06
    Без имени
    Алланын кахаресе тошкэн нэрсэ ул сихерчелэр йорэк бэгерлэргэ утте алар ..тэмуг кисэулэре..узлэре ясый белмэгэне ясатып кайта белмэгэне улэ бетэ интт..ан ойрэнэ ..
    «Сихер бозды...»
  • 29 октябрь 2020 - 09:35
    Без имени
    Әдәби. Әсәр шундый була ул. Кайберәүләр көнаралаш гаибәт язалар да, оялмыйча хикәя дип куялар. Укыган, талантлы кеше язган әдәби әсәр ичмасам. Рәхәтләнеп укыдым. Ике авыл хатыны көтү куганда сөйләшеп торган гаибәт тибындагы нәрсәләрне чыгармасагыз яхшы булыр иде. Менә шушындый әсәрләр чыгарыгыз!
    Умырзая
  • 29 октябрь 2020 - 17:45
    Без имени
    Уйлый белмилэрдер, Уйлый белсэлэр энилэре бауга менмэс иде.
    Үкенечләр - урман...
  • 29 октябрь 2020 - 20:22
    Без имени
    Аллага тапшырдык донья ни кадэр рэхэт булса да кешелэр каты бэгъерле
    Үкенечләр - урман...
  • 29 октябрь 2020 - 21:32
    Без имени
    Сез нигэ балаларын гына гаеплисез олы кешенен акылыда китергэ момкин бит Белмичэ кешегэ гаеп ташламагыз елауларында гаепкэ алмагыз узегезне алар урыны на куеп карагыз башта
    Үкенечләр - урман...
Реклама
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...