Сансевиерия

Сансевиерия гөлен сан-севьера («чуртан койрыгы») дип тә атыйлар. Аның шулай ук «калын камыш» дигән исеме дә бар. Бу гөлнең яфраклары тире шикелле итләч, озын булып үсә. Яфрак-сабагында бизәкләр бар. Төренә карап, ул бизәкләр аркылы да, буй да була.
Әлеге үсемлекнең туган җире — Көнбатыш Африка. Ул саванналарда, елга үзәннәрендә, комлы һәм ташлы тау битләрендә үсә. Цейлонда исә йорт тирәсендә койма урынына да үстерәләр.

Сансевьера — күпьеллык, итләч үсемлек. Көньяк Африкада аны каты тукыма, аркан һәм бау ясау өчен кулланалар. Ә кайбер төренең яфрак очындагы үткен «чәнечке»сен граммофон инәсе итеп тә файдаланырга була. Хәзерге көндә безнең өйләрдә үсә торган бу гөл ераклардан алып кайтылган. Аның тамыры кызгылт, тыгыз, тармаклы.

Гөл кояшлы якларда яхшы үсә. Көмешсыман бизәкләре аның тагы да җетеләнә. Үсемлеккә ямь һәм күркәмлек өстәлә. Аны март, апрель айларында    тамырын    бүлеп утырту юлы белән үрчетәләр. Яфрак үсентеләрен тамырландырып утыртырга да була. Моның өчен яфрак-сабакны 8-10 см озынлыгында кисәләр дә, 2 см тирәнлектәге дымлы комга    утыртып,    өстен пыяла белән каплыйлар. Күп тә үтмәс, анда үсентеләр яшәрер. Гөл утырту өчен сай савыт алына. Чөнки    тамыры    тирәнгә китми, өстә була. Шуңа күрә чүлмәк төбенә эре ком салалар. Гөлне утырту өчен кәс туфрагы, урман туфрагы, черемә һәм ком (3 : 1 : 1 : 1) алына.

Сансевьераны гөл яратучылар бик теләп үстерәләр. Аның аксыл-яшькелт, хуш исле чәчәкләре үзенчә бик матур. Ул озын сабакның очында урнашкан була.

Бу үсемлеккә әледән-әле су бөркеп торырга кирәк. Болай эшләгәндә тәрәзә төбендә, китап киштәсе янында, махсус шүрлекләрдә үсүче гөл һәрчак күркәм булыр. Г өлнең туфрагы өстенә вак кына кабырчыклар тезәргә мөмкин. Бу — үсемлек Яфракларын тагын да бизәп күрсәтә. Янына тар яфраклы камыш гөле утыртырга да ярый.

Сансевьера яфрагы чәчәк бәйләме, композиция өчен менә дигән үсемлек. Аны һәвәскәр бакчачыларга да тәкъдим итәбез. Чәчәклектә дә ул күзләрне куандырып, күңелләргә күтәренкелек өстәр.

фото: https://pixabay.com/

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Шушы ук темага
Хәзер укыйлар
Реклама
Соңгы комментарийлар
  • 5 август 2022 - 21:22
    Без имени
    Хикәянең теле матур.Минемчә,төп тема--мәхәббәт.Ул яшәешнең нигезе. Яратмаган кеше белән гомер кичерү--бәхет түгел инде. Шулай ук яшьләр белән өлкән буынның аңлашып яшәве дә мөһим.Балалар да алар үрнәгендә тәрбия ала.
    Кешенеке – кештәктә
  • 7 август 2022 - 06:12
    Без имени
    Сокланып ,соенеп укыдым. Алдагы гомерегездэ бэхеттэ ,тынычлыкта утсен.
    Бәхет йорты
  • 7 август 2022 - 17:50
    Без имени
    Узебез белу турында суз дэ юк, улыма да анлата алмадым...
    Башыңны сакла, балам...
  • 5 август 2022 - 14:06
    Без имени
    Бик дөрес, язса👍
    Ата белән бала
  • 7 август 2022 - 19:14
    Без имени
    Шундый матур язылган! Рәхмәт! Бу язманы күбрәк кеше укысын иде! Бәхетле гаиләләр дә күбрәк булыр иде...
    Ата белән бала
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда