Мин – сөяркә булган хатын. Гаепләргә ашыкмагыз. Мин дә сезнең арадан. Сөяркә дигәч тә, тормыш юлыннан түбән тәгәрәгән, оятсыз, юньсез, кара йөзле, мәкерле хатын-кызлар дип уйлый күбегез. Ләкин юк, без дә сезнең арада яшибез, сезнең белән бер эштә эшлибез, кафеларда очрашабыз, дуслар булып аралашабыз, бәйрәмнәр үткәрәбез, бала тәрбиялибез... Әйе, кунакка килгән дустыгызның кайсыдыр ир өчен сөяркә булганын белмисез дә...
