ХОТТАБЫЧ ӘБИ

 

Бу араларда Равилә дустым әллә нишләде. Эшен ташлады, өен ташлады, авылын ташлады. Көн саен «Ак бүре» спорт комплексына китә дә югала бу. Футболга ияләште. Үзе генә түгел, бөтен нәсел-нәсәбе, улы, килене, кызы, кияве, тагын җиде оныгы белән. Дөресрәге алты оныгы белән. Чөнки җиденче онык – Самир үзе туп тибә. Уйный торган командасында һөҗүмче санала ул. Равилә ханым, минем дустым, командаларның исемнәрен генә түгел, уенчыларын да әйтеп сөйләшә. Бер көнне гомумән дә тантана булды – 9 яшьлек Самир «дошман» капкасына гол керткән. Ул матчтагы бердәнбер гол аныкы –Равилә ханым оныгыныкы. Өйдәге шатлыкның чиге-чамасы юк инде. Бөтен кавемнәре белән сөенешәләр болар. Иртәгәсен икенче матчта Самир уйнаган команда капкасына җиде гол кергән булып чыкты. Траур!

И балакайларым елашалар. Жәлләдем шуларны, – дип сөйли дустым. –Кичә теге җиңелгән команданы жәлләгән идем. Елый-елый кочаклашалар, кара-каршы команда малайлары куллар кысышкан булалар. Тәмам рәвешен китерәләр.

«Бала-чага уенында сиңа ни калган инде?» дигәнемә алган җавап кызык булганга күрә генә язам бу футбол уеннары турында. Ярый инде, нәселдән бер малай тормышындагы бу вакыйга олы гаиләне бер йодрыкка тупласын да ди. Соң җаваплы эшләре баштан ашкан дәү әнигә ни калган футбол кырында. Җитмәсә турнир көннәрендә соңарган җәйнең кояшы да чамасыз кыздырды. Дустым көне буена футбол артыннан йөргәннән соң кайта да егыла. «Бармый ярамый. Мин бит менә шушы сары шарфымны болгап, аларга ерактан ук көч биреп торам. Мине күргәч, алар рухланалар. Капкалар тарафына догаларымны җибәрәм. Ике капкага да җиңү телим.«Гол!» дип кычкырам. Чат Хоттабыч карт кебек өйрәтеп, куәт биреп торам.Хәзер инде мин матчка килмәсәм, малайлар даулаша башлыйлар икән: «Самир, кая дәү әниең? Килсен! Алайса без җиңеләбез», – дип. Уен кагыйдәләрен дә белеп бетердем. Талисманга әйләнгән сары шарфымны да бер дә калдырмыйм. Ярар, ашыгам, бүген соңгы уен. Безгә җиңәргә кирәк! Җиңелсәләр, юатасы да бар бит әле. Сау булып тор.»

 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Балдаклар, туй күлмәге калды, ә мин... Сүземне ерактанрак башлыйм әле. Әти үлгәндә мин әле тумаган да булганмын – әни 7 айлык корсаклы килеш калган. Аңа бу вакытта нибары 21 яшь булган...
    7475
    2
    51
  • Рәхмәт, әнием! Аның ирен үтереп ташладылар. Дөресрәге, үләр дәрәҗәгә җиткәнче кыйнап ыргыттылар... Аңсыз гәүдәсен өйләреннән ике йөз метрлар чамасы җирдә, барак кебек шыксыз йортларның пычрак ишегалдыннан таптылар...
    4341
    0
    34
  • Бар җылымны сиңа бирәм, әни... Әнигә бар җылыңны да, назыңны да, яратуыңны да бирәсең, чөнки ул әни, һәм башкача уйлау, яшәү мөмкин түгелдер... Ә үз әниең булмаса?! Кемгә бүләк итәргә? Сине ничек бар шулай кабул итә торган кем бар тагын?! Әни бар! Иремнең әнисе!
    2254
    0
    33
  • Синнән башка беркем кирәкми Нурзидә белән Рәдиснең балалары юк. Күп еллар юк инде. Нурзидә моның белән күптән килеште. Рәдис тә килешкән кебек булган иде... 
    3041
    1
    31
  • Бергә булырга язмаган безгә... Хәзер аңлыйм: мин бик тырыш, яхшы укучы бала булганмын. Һәм шуның өстенә соң өлгергәнмен. Мәктәптә кайберәүләр бишенче класстан ук егетләр белән аралашып, егет сөйгәнгә исләрем китеп карый идем. Артык хисләнеп тормыйча гына дөньяны җигелеп тартучы әти-әни үрнәге дә шул булгандыр. Алар артык мәхәббәт маҗараларыннан башка гына, димләп өйләнешкән кешеләр иде. Егет сөю бер оят эш төсле тоелган миңа.
    2555
    0
    16
Реклама
Соңгы комментарийлар
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда