Кем төртте?

Ә менә бу вакыйганы миңа бертуган апам сөйләде.
Апа кичке институтта укый торган кызы Гүзәлне көн дә трамвай тукталышында каршы ала иде. Кичке уннар тирәсендә аскы катта янгын чыккан. Эчәргә хирыс күршеләр, күрәсең, тәмәке төпчеге ташлап калдырганнар. Дөбердәтәләр-дөбердәтәләр - ачучы юк. Төтен коридорга сөзелеп чыга башлагач, янгынчылар чакыртканнар. Ишекләрен ватып, дөрләп китәргә өлгермәгән утны сүндереп, матрас, идәннәрне су белән лычкылдатып һәм ватык ишеккә пломба салып, китеп барганнар. Апа, әни кебек, кеше эшенә тыгылып йөрүне сөйми торган кеше,  кем гаепле икәнен тикшерү белән мавыккан күршеләрдән аерылып үзләренә кергәннәр дә, ашап-эчеп йокларга ятканнар.

- Имтиханга барасы булганга Гузәл дә сәгать берләр тирәсендә ятып йоклады, - дип сөйләде апа. - “Таң йокысы татлы була” дип юкка әйтмәгәннәрдер, изелеп йоклап ятабыз. Берзаман кызым торган да балкон ишекләрен ачып йөри. “Әле дүрт тә тулмаган бит, йокла, ник төн ката кеше бимазалап йөрисең?” - дим. “Әнкәй, кемдер мине төртеп уятты, “Торыгыз, янасыз бит! Уят барысын да!” - дигәч, шаккаттым”, - ди. Ут-күз күргән кешемени, куркып калгандыр, шуңа саташа торгандыр дип ачуланып яткырдым. Ярты сәгать уздымы-юкмы, тагын сикереп торган бу. “Йоклама, янып үләсез хәзер!” - дип, кемдер янтыгыма төртә!” - ди бу. Аптырап балконга чыксам исләрем-акылларым китте, икенче каттагы теге бүлмәнең кечкенә тәрәзәчегеннән ургылып төтен чыга. Чынлап та янабыз ләбаса, Ходай шомлыгы. Бишенче ярты булып килә. Йөгереп коридорга чыктым, ишекләрне дөбердәтеп, кыңгыраулар чыңлатып йөрим, беркем уянмый. Чабып урамга чыксам, теге фатирның тәрәзә яңаклары дөрләп яна, утлы кисәү агачлары түшәмгә сикерә. Янгын икенче катта. Без дүртенче катта яшибез. Ярый да үзем урамда, өйдә балалар йоклап ята бит!

Ниһаять! Янгын машиналары килеп җитте. Олы бәладан котылып калдык. Күршеләрне без уяттык бит, рәхмәтләр укыйлар. “Иртәнге дүрттә ничек тора алдыгыз? Янып үләсе булганбыз бит!” - диләр. Шул атнада гына бездән ерак түгел, төнлә аскы каттагы фатирларның берсендә ут чыгып, газ торбалары шартлап, дүртенче, бишенче катларда яшәүчеләр янып та үлгәннәр икән. Дөньяда шаккатырлык галәмәтләр тулып ята, кайчак могҗизага тиң ул вакыйгаларның серен, хикмәтен бик теләсәң дә, аңлый алмыйсың.
Хәер, сер ачылса, могҗиза булмый бит инде ул.

Апаның кызы бу вакыйганы бик гади генә итеп: “Һәркемнең иңендә ике фәрештә бар бит, алар яхшы-яманны, гөнаһ-мазарны теркәп кенә утырмыйлар, ә бәлки кеше бәлага, бәхетсезлеккә юлыкканда аңа мондый хәлдән чыгу мөмкинлеген пышылдап алырга да өлгерәләр" - дип кенә аңлатты. Бәхәсләшмим, бәлки бу чынлап та шулайдыр, ә бәлки әлеге дә баягы йорт иясе тынгысызланып, хуҗаларын кисәтергә өлгергәндер.

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Юлдаш Бүген – 2 гыйнвар. Алиянең генә туган шәһәрен инде өч ел күргәне юк. Күңел ярасы өч ел буе төзәлмәде... Төне буе елап чыкканнан соң кисәк кенә җыенды да, өч ел элек Мәскәүгә чыгып китте ул...
    7913
    1
    76
  • Яңа ел төне сере – Сәлам! Тагын бер ел үтеп китте. Очрашу төне җитте...  Телефон экранында көтелгән һәм таныш сүзләрне күрүгә Ләйлә  елмаеп куйды. Онытмаган! Быел да үзе беренче яза... Яңа ел төнен каршы алганда нәкъ төнге өчтә... Менә инде унынчы ел шулай...
    8959
    2
    66
  • Тапкыр малай Әнисе тиз генә кайтмады. Ул, гомумән, кайтмады. Хәбәре дә юк, үзе дә. «Суга төшкәндәй югалды», – дип пошынып, елап-сыктап йөрде Фатиха апа. Әтисен госпитальдән кабат фронтка җибәргәннәр. «Хәдичә килеп җитә алмады», – дигән ул хатында. Ризык төягән Хәдичә, мөгаен, ач гидайлар кулыннан кичкәндер дигән уйда тукталдылар. 
    6071
    3
    58
  • Хат язучы Көтелмәгән хат Айдарның бөтен күңелен актарып ташлады. Кайтасы көнен минутлап санап көтә солдат. 
    4372
    0
    50
Реклама
Соңгы комментарийлар
  • 28 гыйнвар 2022 - 07:57
    Без имени
    Русчалап.Безумно люблю дигән шул була инде.Шулай тиеш диеп үскән инде ул эгоист булып.Бүген иртәгә ата анасы булмаса нишләр ул Ринат дигән әфәнде! Бер пример языйм әле.Улыбыз өйләнгәч первый взнос бирдек квартирага.Икенче ел үзебез диңгезгә киттек.Туган тиешле берәү аптырады,түләп тә беттегез мени ипотеканы диеп.Ир әйтте,15 ел мин ялда итмәсәм,ком кебек коелып бетәм бит,ярдәм иттек,хәзер инде үзләре диеп.Аллага шөкер тырышып эшләп улым киленем түләп беттерделәр 7 ел эчендэ.Универда түләп укыттык,әйдә инде дальше сами.....Икенче улыбызга да шулай ук, укыттык,ярдәм иттек квартира алганда...
    Үз сөягем үземә авыр түгел
  • 28 гыйнвар 2022 - 07:42
    Без имени
    Чишмә районы Сафар авылына кунакка кайтып йөри идем.Әңкәйнең икетуган апаларына.Шунда улы әйтте,клубка чыгабыз,минем яннан ерак китмә,бездә урлыйлар кызларны диеп.40 ел элек.Әле ничектер белмим.Башка район егетенә кияүгә чыктым.Бер белмәгән кешегә ярәшеп китүләр,ай һай авырдыр.Ә йөрегән егетенә чыкса бу инде урлау түгел,бу алдан уйланган сценарий гына.
    Минем карт әбиемне дә, әбиемне дә, әниемне дә урлаганнар
  • 26 гыйнвар 2022 - 21:41
    Без имени
    Хэзер куп инде андый гаилэлэр,балалар дип яшэуче,куплэре ипотека тули бит,чынлап та берэр башка эйбер алырга уйласалар,эти-эни узлэре ярдэм кулын суза,булыша алганнарына соенэ-соенэ.
    Үз сөягем үземә авыр түгел
  • 26 гыйнвар 2022 - 22:00
    Без имени
    Безнен аниебез гел шулай пешерер иде коймакны без торганчы мичка ягып тамле ислар боронны кытыклап уята иде . И гомерлар анида юк хазер андый мичта юк ...без исанбез
    Мич коймагы
  • 26 гыйнвар 2022 - 12:46
    Без имени
    Сез балалар кеше булсын дип яшэгэн очен алар шундый эгоистлар. Нишлэптер эчеп йоручелэрнен эти-энисе кадерле була, алар узлэре турында уйлыйлар. Ризалашыгыз, тик узегезнен кайтып керергэ урыныгыз булсын.
    Кызларым каршы булса да, кияүгә чыгаргамы?
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда