Каенанам - әнием

Әниемне җирләгәч, яшәвемнең яме, тормышымның кызыгы калмады. Шундый күңелсез көннәрнең берсендә Шамил исемле бер егет белән таныштым. Акыллы, төпле егет булып күренде миңа. Очраша башладык. Бервакыт , ул мине иптәш кызларым белән бергә кунакка чакырды. Килсәк, әнисе зур, матур табын әзерләгән, ачык йөз белән каршы алды.

Мин медсестра булып эшли идем. Шамил - студент, укуын тәмамлагач, армиягә алдылар. Ике ел хат язышып тордык. Хәрби хезмәттән кайткач, эшкә урнашты. Еш кына бергә әнисе янына киләбез, бөтен буш вакытым аларда үтә иде. Аның әнисе белән уртак телне тиз таптык. Шамилнең әтисе күптән вафат булган, әнисе берүзе улын тәрбияләп, укытып кеше иткән. Ул безгә искиткеч матур туй ясады. Туйда миңа багышлап җырлар җырлады. Ул мине үз кызы, ә мин аны үз әнием итеп кабул иттем.

Инде менә җиде ел бергә торабыз. Ике балабыз үсә. Каенанама рәхмәтемне ничек кенә белдерергә дә белмим. Ул безнең белән шатлана, безнең белән бергә кайгыра. Тормыш булгач, төрле хәлләр була. Нинди генә очракта да, гадел, аек акыллы, зирәк булып кала белә. Һәр эшне киңәшеп эшлибез. Мин аның каенана икәнен, ул минем килен икәнне бөтенләй оныттык. Ирем безнең татулыкка сөенеп бетә алмый. Җиде ел гына түгел, туганнан бирле бергә яшәгәнбез кебек тоела. Ирем белән дә, каенанам белән дә горурланам, балаларымның да шундый ук шәфкатьле, кешелекле булуларын телим, шулай тәрбияләргә тырышам да.

Каенанамнан сабырлыкка өйрәнәм. Безгә сабырлык җитеп бетми шул. Күпләр яшьләрне, киленнәрне гаепли. Әдәпсез, рәхимсез дип ачулана. Ләкин безгә олылар үрнәк дип уйлыйм. Мөлаем, итагатьле каенанам янында мин ничек тупас һәм ямьсез була алыйм, ди? Ягымлы йөзен күрәм дә, йөзем яктыра, күңелем үсә, телем тәмләнә. Балалар да Дәү әниләрен бик ярата. Эштән ашкынып өйгә кайтабыз. Ишектән керү белән замана кыенлыклары, эштәге авырлыклар онытыла. Безнең гаилә иминлеге әниебез өчен дә зур бәхет.

Бүген ул безнең киңәшчебез, ярдәмчебез. Киләчәктә без аның таянычы, ышанычы булырбыз дип уйлыйм. Башка киленнәргә һәм каенаналарга әйтәсем килә: берберегезне кадерли белегез!



Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • «Мин синең иреңне бәхетле итәм...» Тормышның яңа борылышында үзебезне нәрсә көткәнен без беркайчан белмибез. Уйламаган җирдән аякка уралган ниндидер борчулармы, әллә бөтенләй көтмәгән сөенечләрме? Тормыш борылышлары безне күкләрдән җиргә төшерә ала. Ә кайчак – киресенчә: бәхетсезлегең бәхет юлына бер адым гына булуын аңлата. Чүпрәле районының «Туган як» газетасы баш мөхәррире Резидә Җамалтдинова һәм аның ире Рамилнең очрашу, танышу, кавышу тарихы – шуңа бер мисал. Ачыктан-ачык сөйләшәбез.
    6271
    7
    62
  • Баллы кирпеч 1861 нче елда Болын-Балыкчы авылында урта хәлле крестьян гаиләсендә Ибәтулла исемле бер малай туа. Язмышына сынаулы еллар кичерәсе сабый чагыннан ук язылган була, күрәсең, Ибәтуллага өч яше дә тулмаган чагында кинәт кенә авырып әтисе үлеп китә. Ялгыз тормыш тарту ул чакта, хатын- кызга имана бае да бирелмәгән чорда, әнисенә авыр булгангамы, әллә инде башка сәбәпләр булганмы, сабыйның әнисе биш яшендәге Ибәтулланы әтисенең абыйсы Зиннурга калдырып, Кормаш авылындагы хатыны үлгән бер татарга кияүгә чыга.
    5674
    3
    49
  • «Хатының кайда – син шунда бул, тормышны бергә тартыгыз» «Тәгәри китте йомгагым, күрмәдегезме, агайлар», – ди Гөлчәчәк татар халык әкиятендә. Гомер йомгагын сүтә-сүтә, көннәр, айлар, еллар үтә... Адәм баласы әллә кайда – офыклар артында көтеп торган бәхетне эзләп бара да бара... Үткәнебезне – бар иткән, киләчәгебезгә нигез салган бүгенгебезне сизми дә калабыз. Мин бүгенгем белән бәхетле!
    4057
    0
    42
  • Өмет белән алга карап яшәргә әнкәйдән өйрәндем 1981 ел. Булачак кайнанам белән мин Казан тимер юл вокзалында таныштым. Төнге сәгать 11 дә! «Төнлә белән беренче тапкыр кайнанаң белән кайнатаңны күрергә вокзалга төшәчәксең», – дисәләр, һич ышанмас идем.
    2679
    4
    36
  • Үтмә, гомер, заяга! Хатынын һәр баганага көнләвенең урынсыз гына түгел, ә тормышларын җимерүче, бер-берсеннән читләтүче гамәл икәнлеген, кызганыч, Гамил һич кенә дә аңларга теләми...
    8926
    6
    35
Реклама
Соңгы комментарийлар
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда