Сез кем: аудиал, визуал, кинестетик?


Монысы нәрсә инде тагын, диярсез. «Хатын-кызлар колак белән ярата» дигән гыйбарәне ишеткәнегез бардыр. Ә менә колак белән генә түгел икән. Төрле кешеләр бар. Үзегезне белер өчен кечкенә тест узып карагыз әле.  


Күз алдыгызга ДИҢГЕЗне китерегез.
Аның биш сыйфатын язып чыгыгыз: 
1.
2.
3.
4.
5.
 Ә хәзер барысын да ачыклап, аңларга тырышып карыйк. 
Һәр кешенең сизү органнары төрлечә үсеш алган. Һәрберебезнең мәгълүматны кабул  итү каналлары төрлечә. Галимнәр берничә категорияне бүлеп карый:  аудиал, визуал, кинестетик һәм дигитал. 


Аудиаллар
Аудиаллар мәгълүматны ишетеп кабул итүчеләр.   Алар сөйләшкән дә,  гадәттә,  «Тыңла әле…», «Сине ишетүемә шатмын…», «Ишеттеңме…» дигән сүзтезмәләрне еш кулланалар. Аудиаллар әңгәмәдәшенең күзләренә туры карамый, чөнки игътибарлары югала. Аларга туган көннәренә дә  ләззәтләнеп тыңлый торган бүләкләр бирә аласыз. Гомумән, аудиаллар, колак белән ярата. 
Диңгезне сурәтләгән биш сыйфат арасында «шаулы», «тыныч» сүзләре беренчерәк тора икән, димәк, сез аудиал булырга мөмкинсез. Тавыш төшенчәсен билгеләгән берничә сүз бар икән, димәк, сездә ишетү каналы нык үскән.  Сүз уңаеннан, аудиаллар, сирәк очрый. 


Визуаллар
Үзенең тышкы кыяфәтенә бик нык игътибар итүчеләр – визуаллар. Алар тыңлаганда график ясап отып калалар.   Кием-салым алганда да уңайлы түгел, ә матур әйбергә кызыгалар.  Сөйләшкәндә  «Күрәсеңме…», «Карале…», «Бик матур күренә…», «Бигрәк ямьсез» кебек сүзтезмәләрне күп кулланалар. Визуаллар әңгәмәдәшенең  авызын күрмиләр икән, аның ни сөйләгәнен аңламаска да мөмкиннәр. Жестлар белән сөйләшергә яраталар. 
 Диңгезне «матур», «зәңгәр», «чиксез»  дип тасвирлагансыз икән, сез – визуал.

Кинестетиклар
Иң киң таралган тип. Аларны дөньяны тотып карап таный.  Йомшак свитерлар,  пледлар, арома шәмнәр, майлар  —  болар барысы да кинестетиклар өчен. Сөйләмнәрендә «Сизәм…», «Эшләрбез…», «Тоям...» сүзтезмәләрен еш кабатлыйлар. Кайберчакта кинестетикларны әңгәмәгә «кушар» өчен  аңа тиеп алу, кочаклау мөһим. Бу вакытта аларның ниндидер кнопкалары эшли башлый – сезне игътибар белән тыңлый башлаячак. Кинестетикларга рәхәт тойгылар бирә торган бүләкләр сайлагыз. Ә мәхәббәттә алар өчен тиеп алу, кочаклау,  куллар мөһим. 
Диңгезне сурәтләгәндә   «җылы», «тозлы», «рәхәт»  сыйфатларын куллангансыз икән, димәк, сез – кинестетик.


Дигиталлар
Бу тип артык популяр түгел. Дигиталлар мәгълүматны цифрлар, логик фикерләү, төгәл дәлилләр  аша кабул итәләр.  Аларның сүзләре:  «Нигә…», «Бәлки…», «Уйлыйм…». Дигиталларны үзгәргән кинестетиклар дип тә атыйлар. Кичерешләр авыр икән, уйланулар өстенлек итә башлый. Аларга  бирелгән бүләкләрнең файдалы булуы мөһим. Ә мәхәббәттә – исәп-хисап. 
Диңгез сурәтләгәндә  «тирән», «кара», «корабльләр йөрешле»  сыйфатларын куллансагыз, дигитал булуыгыз мөһим.  Тест нәтиҗәләре менә шундый.
 Шуны да әйтергә кирәк «чиста» типлар булмый.  Сурәтләгән сыйфатларыгыз кайсы типка  күбрәк караудан,  кем икәнегезне ачыкларга мөмкин. 


Бу тест ни өчен кирәк?
Аудиаллар, визуаллар, кинестетиклар һәм дигиталлар һәрвакыт  бер-берсен яхшы аңлый алмый. Шуңа кеше белән  «үз телендә» сөйләшү мөһим. Аудиаллар  белән тавыш тембрларын үзгәртеп, визуаллар белән жестикуляция кулланып, кинестетикларга тиеп алып,  дигиталлар белән төгәл фактлар әйтеп. 
Мәктәптә укыган балагызның да нинди канал аша мәгълүмат кабул итүне белү мөһим. Аудиал язып, визуал графиклар ясап, кинестетиклар кат-кат язып, дигиталлар мантыйкый чылбыр төзеп мәгъүмат кабул итсә, нәтиҗәлерәк булыр. 


 Гомумән, үзеңне өйрәнү мөһим. Чөнки сезнең белән Сезгә яшисе.

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • 7902
    1
    69
  • Балан ачылары Әйдәгез, без бу хатынның исемен күрсәтмибез. Шулай исемсез генә булсын ул. Аның ни атлы булуы мөһим дә түгел бит. Ул – шушы көндәлекләрнең хуҗасы.  Теләсәгез, бастырыгыз, гыйбрәт булсын дип, егерме ел элек язылган дәфтәрләрне, миңа биргән иде.
    7884
    1
    55
  • «Насыйбың булыр әле!» Әдибә эштән кайтып керде дә, бермәлгә ишек төбендә тукталып, йорт эченә күз салды. Их, күңелгә рәхәт тә соң нур бөркеп торган өеңә кайтып керүләре! Бар җирдә дә тәртип,
    5802
    2
    53
  • Югалткан мәхәббәт Фәридә Казандагы сәүдә йортында йөргәндә үзенең яшьлек мәхәбәтен очратып, имәнеп китте. «Айрат!» – дигән cүз әйтерсең хатынның теленнән кош кебек чыгып атылды.
    4154
    1
    46
Реклама
Соңгы комментарийлар
  • 12 май 2021 - 11:54
    Без имени
    Дура - бердэнбер туры килгэн суз. Ничек шулкадэр узенне яратмаска була ул,анламыйм
    Сабыр төбе – кара упкын
  • 11 май 2021 - 13:31
    Без имени
    Нигэ мэктэпкэ кереп балаларны.атып ктергэч кенэкуркыныч чаралары курелэ?Кая булган охрана?
    «Әни, аталар, без парта астында....»
  • 11 май 2021 - 14:59
    Без имени
    Аллаһы тзгалә сабырлыклар юирсен. Сабыйларга шифа бирсен Раббыбыз.
    Террорист кулыннан зыян күрүчеләр арасында хәзрәт балалары да бар
  • 11 май 2021 - 23:40
    Без имени
    Аллаһ ярдәменнән , рәхмәтеннән бер мизгелгә дә калдырмасын! Балалар исән - сау терелеп чыксыннар! Бик авыр кайгыгыз белән уртаклашам..Аллаһ Раббым сабырлык, түземлек бирсен. Әмин!
    Террорист кулыннан зыян күрүчеләр арасында хәзрәт балалары да бар
  • 12 май 2021 - 11:24
    Без имени
    Бик кызганыч.Яшь кыз баланың гомере өзелде.Ата- анасы,туганнары өчен бик зур кайгы. Хезмәт юлын күптән түгел генә башлаган укытучы,мәктәпне,балаларны яратып эшләгән бит ул. Авторга әйтәсе сүзем шул- Эльвира чын укытучы,шуның өчен үзенә авыр булса да мәктәбен,укучыларын калдырып китә алмаган.Мәктәп тормышы белән яшәгән,укучылары ,аның өчен,иң кадерле кешеләр булганнар.Ул җаны,тәне,йөрәге белән тырышып эшләгән.Эх,Эльвира кебек укытучылар күбрәк булсын иде.
    Эльвира Игнатьева: «Май аеннан яши башлармын...»
Реклама
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»