Тәрәзә төбем – түтәл

Кичә күрдем бугай, «Фейсбук»та берәү язган: кибеттән укроп, петрушка алдым, тәме юк, дигән. Тәрәзә төбендә укроп үстерү сере белән дә кызыксынган.

Укропны, дөрестән дә, кыш көне тәрәзә төбендә үстерүе кыен. Моның сәбәбе – укропның бик тә яктылык яратуында. Тәрәзәдән генә төшкән яктылык җитми аңа, бигрәк тә кышкы һәм иртә яздагы кояшсыз көннәрдә.

Укропны өйдә үстерергә булсагыз, иң мөһим кагыйдәсе – 10-12 сәгать өстәмә яктырту. Әле анда да лампаның көчлерәге кирәк.

Икенче кагыйдә: укропның тамыры тирән китеп үсә. Шуңа күрә утырта торган савыт ким дигәндә 15 см биеклектә булырга тиеш. Сай савытта укроп үсми. Ә менә гөл чүлмәгендә үстерә аласыз.
 Өченче кагыйдә, тишелеп чыкканда җылыны яратса да, өегездә бик эссе икән, укроп шулай ук үсешен туктата. Артык эссе җәйдә ачык туфракта да начар үсә ул.

Дүртенче кагыйдә, укроп озак тишелә – ике атна чамасы вакыт кирәк. Орлыгында эфир майлары булган теләсә-кайсы яшелчә озак тишелүчән. Тизрәк тишелсен дисәгез, орлыкларны ике көн җылымса суда тотыгыз. Суны бер-ике тапкыр алыштырыгыз. Иң соңыннан 1 сәгатькә «Эпин» эремәсенә батырып торырга була.

Менә шушы кагыйдәрләрне истә тотсагыз, тәрәзә төбендә укроп үстерергә була. Анда да бик тиз өлгерә торган сортларына өстенлек бирегез.
Мин сезгә тәрәзә төбендә кресс-салат үстерергә тәкъдим итәм. Ул бик тиз үсә, яктыга да талымлы түгел. Әле мин аны, киресенчә, караңгырак җирдә яхшырак үсәме, дим.
Дөрес, файдалы булса да, аның тәмен бөтен кеше дә яратып бетерми. Шәхсән үземә бик тә ошый, балачакта ашап үскән какыны хәтерләтә ул.

Кресс-салат үстерү өчен зур савыт та, күп туфрак та кирәкми. Хәтта юеш тастымалга гына чәчсәң дә үсә.
Укроп кебек, бу үлән дә артык эссене яратмый. Температура 15-16 градустан артмаган күләгәлерәк тәрәзә төбегез булса, бу нәкъ менә аңа тәгаенләнгән урын!
Кресс-салат тиз тишелеп чыга. Биеклеге 8-10 см булгач, төптән кайчы белән кисеп, уңышын җыялар. Урынына яңасын чәчәләр.

Кресс-салат чи килеш кенә ашала. Салатларга салырга мөмкин, вак итеп турап, атланмайга кушарга – витаминлы май ясарга була. Үзен генә каймак белән болгатып ашарга да тәмле.
 
фото: https://pixabay.com
 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Оясында ни күрсә... Оясында ни күрсә ...Очканында шул булыр. Халкыбызның буыннан-буынга күчеп килгән әлеге мәкале бүген дә үзенең актуальлеген югалтмый. Ә очар өчен һәр кешегә ныклы канатлар, кайтырын сагынып көтә торган нигез кирәк. Бала өчен ул башта ата-ана йорты булса, үсә төшеп насыйбын очраткач, үз өенә әверелә. Бүгенге геройларыбыз Земфира һәм Рамил Әхмәтшиннарның йорты да хәзер туганнарны гына түгел, балаларны, оныкларны бергә туплый торган җылы учак булып тора.
    2708
    28
    251
  • Үгиләр... Илзирә бүген әбисенә төшеп китте. Әнисенә үпкәләде. Үз әтисе үлеп, икенче иргә кияүгә чыкканнан соң әнисе ике арада өзгәләнә: бер яктан балалары, икенче яктан яңа ире. Ир – ир инде ул. Ничек Илзирәгә ышанмый әнисе?! Ана кеше иренә түгел, кызына ышансын өчен нәрсә эшләргә кирәк бу Хариска? Башка чыдар хәле калмады бугай кызның...
    7233
    2
    106
Реклама
Соңгы комментарийлар
  • 27 октябрь 2021 - 02:02
    Без имени
    Рэхмэт🙏🙏🙏👍👍👍
    "Хатын-кызларны күралмый башлаган идем..."
  • 26 октябрь 2021 - 21:51
    Без имени
    Урыс, татар, дип аермау - диннән ерак булудан килә. Милләт тә шулай югала инде.
    Язмыш шаяруы
  • 26 октябрь 2021 - 19:22
    Без имени
    Гомер буе үзе дә буталчык яшәгән, язма да шулай. Һәр кемнең үз юлы, язмышы. Киңәш сорар киләләр дип арттырып та җибәрәсез. Кем кемнән сорап чыга соң ул?! Сез ханым үәегезне бик диндар, акыллы, гел хәзрәт белән генә киңәш итеп яшәгән кеше шикелле кыланасыз. Язмагыз ышандырмады. Бәлки башка кешеләр язарлар
    Язмыш шаяруы
  • 26 октябрь 2021 - 15:49
    Без имени
    Экият
    Җәннәт... Иреңнең аяк астында
  • 26 октябрь 2021 - 12:46
    Без имени
    Нәфисә ханым да август аеннан бирле караңгы гүрдә..... Кабере нур белән тулсын.Бездән риза булып ятсын.
    Сыналган мәхәббәт
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан