Серләр янчыгына

- Манный боткасын төерсез пешерү өчен, иң элек аны салкын сөттә болгаткалап алыгыз. Шуннан соң гына кайнап торган сөткә салып болгатыгыз.
- Нинди дә булса ризык пешерү өчен еш кына йомырка сарысын агыннан аерырга кирәк була. Йомырканы чиста бүрәнкә өстендә ватсагыз, сарысы шунда калачак, агы агып төшәчәк. Бүрәнкәне кәгазьдән дә ясарга мөмкин.
- Кулланылмый калган йомырка сарысын да, агын да, өстенә салкын су салып, суыткычта саклагыз.
- Оныгыз яисә дөгегез кортламасын дисәгез, аңа бер теш сарымсак салып куегыз.
- Котлет әвәлисе сохарины төелгән чипсы белән алыштырырга мөмкин.
- Суыткычтагы тәмсез исне бетерү өчен, анда содалы савыт тотыгыз.
- Манный боткасы пешерәсе кәстрүл төбен атланмай белән майласагыз, боткагыз янмас.

-  Яшелтәмләткечләр озаграк саклансын өчен, юып-киптереп, суыткычның иң аскы киштәсенә куегыз, янына чиста целлофан пакет куеп калдырыгыз. Ә иртәгесен яшелтәмләткечләрне шул пакетка тутырыгыз, дымланмас та, бозылмас та.
- Әгәр сөтегез булмаса, бәрәңге боламыгына аз гына газлы минераль су кушыгыз, ул җиңел һәм күперенке булачак.
- Әрчеп туралган алма каралмасын дисәгез, аны ун минут тозлы суга салып тотыгыз.
- Киптерелгән гөмбәне берничә сәгать тозлы суга салып тотсагыз, гөмбәләр, әле җыйган кебек, яңарып китәчәк.
- Туңдырылган пиццаны СВЧ мичендә җылытыр алдыннан, аңа сардина банкасыннан берничә кашык май сибегез. Хуш исле һәм тәмле булыр.
- Дөгедән кызыл яки сары төстәге гарнир әзерләргә теләсәгез, дөге пешерәсе суга бер чәй кашыгы карри яки өч аш кашыгы чөгендер согы салыгыз.

- Пычактан шуып төшмәсен өчен, туңдырылган итне яртылаш эрегән хәлдә кискәләргә кирәк.
- Тапау өчен итне җепселләренә аркылы кискәләгез, ул сусыл һәм йомшак булып пешәр. Буйга кискәләсәң, тапалган ит каты була.
- Читкә чәчрәмәсен өчен итне полиэтилен пакетка салып тапагыз. Итне яртылаш каткан килеш суккалаганда, ул йомшак булып пешәр.
- Тапалган ит йомшак булып пешсен өчен, утка куярга 1,5-2 сәгать кала аны аш серкәсе һәм үсемлек мае белән майларга кирәк.
- Ит табага ябышмасын дисәгез, кыздырылган майга берничә телем түгәрәк кишер салыгыз.
- Тапалган итне уртача утта кыздырыгыз, табадан алып капкачлы кәстрүлдә җылыда тотыгыз. Маенда помидор түгәрәкләре кыздырып, ит өстенә куегыз. Гарнирга бәрәңге бирегез.

Уңмаган ризыкны ничек “коткарырга?”
- Әгәр кыздырасы балык тозлырак булса, аны салкын суда юып, сөзгечтә саркытыгыз да, онда әвәләгез.
- Әгәр томалап пешерелгән итле рагу, гуляш, азу, кәбестә тозланыбрак китсә, аңа табада җиңелчә генә турап кыздырылган помидор өстәгез һәм кайнатып чыгарыгыз.
- Шулпалы аш тозсызрак булган. Бу очракта, мәсәлән: 
– рассольникка, тәмен татый-татый, кайнаган кыяр тозлыгы салыгыз;
– харчога кузаклы ачы кызыл борыч өстәгез;
– борщка аш серкәсе, лимон кислотасы яисә аш серкәле чөгендер шулпасы салыгыз.
- Әгәр борщның төсе тоныграк кү­ренсә, аңа чөгендер төнәтмәсе өстәгез. Аның өчен: җете төстәге чөгендерне юка телемләп кискәләгез дә,  өстенә кайнар шулпа яисә су (1 л суга 0,5 кг чөгендер) һәм 3 процентлы аш серкәсе (1 л шулпага яисә суга 8 г) салыгыз, кайный башлаганчы утта тотыгыз. 
- Макарон, ботка, кәбестә, кишер һәм суган кебек ризыкларыгыз янып китсә, шунда ук аларның янмаган өлешен сак кына икенче савытка алып салыгыз, кайнатып чыгарыгыз.

Салатны тәмләндерү…
- Салатка берничә минутка сарымсак белән уылган кара ипи катысы салып тотыгыз. Табынга биргәндә ипи кисәген алып куегыз.
- Салатка турыйсы бәрәңгене күп сулы кәстрүлдә пешерсәгез, тәмлерәк булачак.
- Табынга куяр алдыннан майонезлы салатка ике-өч минут дәвамында лимон кабыгы салып тотыгыз.

фото: https://pixabay.com/

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Балдаклар, туй күлмәге калды, ә мин... Сүземне ерактанрак башлыйм әле. Әти үлгәндә мин әле тумаган да булганмын – әни 7 айлык корсаклы килеш калган. Аңа бу вакытта нибары 21 яшь булган...
    6695
    2
    46
  • Ялгыз канат Ире чит хатынга чыгып китсә дә, йөрәк болай әрнемәс иде. Хыянәтен кичерә алмый, мендәр кочаклап елар да, мәхәббәтне нәфрәткә әйләндереп яшәр иде. Ә ул хатынына гына түгел, балаларына, әти-әниләренә, диненә, үзенә хыянәт итте. Миләүшә яшь көе ирсез калды.
    7577
    0
    35
  • Рәхмәт, әнием! Аның ирен үтереп ташладылар. Дөресрәге, үләр дәрәҗәгә җиткәнче кыйнап ыргыттылар... Аңсыз гәүдәсен өйләреннән ике йөз метрлар чамасы җирдә, барак кебек шыксыз йортларның пычрак ишегалдыннан таптылар...
    4005
    0
    33
  • Бар җылымны сиңа бирәм, әни... Әнигә бар җылыңны да, назыңны да, яратуыңны да бирәсең, чөнки ул әни, һәм башкача уйлау, яшәү мөмкин түгелдер... Ә үз әниең булмаса?! Кемгә бүләк итәргә? Сине ничек бар шулай кабул итә торган кем бар тагын?! Әни бар! Иремнең әнисе!
    2057
    0
    32
  • Менә шулай... Чәй кайнар суга эләгү белән куе булып чыга башлый. Буяу бит инде. Шайтан алгыры!..
    2199
    0
    19
Реклама
Соңгы комментарийлар
  • 28 июнь 2022 - 10:56
    Без имени
    Сез язманы игътибар белән укымаган, ахры, иптәшләр. Монда бит колхозчы баласының кеше була алмавы турында бармый сүз! Ә ата-ананың баланы аралавы, башкаларга караганда, начаррак мөнәсәбәттә булуы турында сүз бара. Әгәр шартлар булса, бу өлкән кыз да, кече сеңлесе кебек, врач була алыр иде!
    Врач буласы урынга авылда әбиләр карыйм
  • 28 июнь 2022 - 11:47
    Без имени
    Узегез йомшак булгансыз. Чыгып китяргя иде. Нык телясягез врач булыр идегез. Урында утырып , хыяллар белян яшяргя унайлырак булган курясен сезгя. Атиегез гаепле тугел ,а узегез . А хазер барсы да гаепле сезнен очен. Алай булмай шул. Узегез ялгышкансыз. Шуны анлагыз хям яшягез алга карап. Артка карап, барсында гаепляп тугел.
    Врач буласы урынга авылда әбиләр карыйм
  • 24 июнь 2022 - 19:54
    Без имени
    Бик позитив, укып чыккач, кунелгэ рэхэт булып калды
    Галим
  • 24 июнь 2022 - 20:10
    Без имени
    Азаматны ышандырып йорисе тугел иде! Йомшак ирлэр дэ ничектер бэхетле яши бит эле. Кайбер гаилэдэ хатын-кыз эйдэп бара, торле гаилэ бар. Ин мохиме, ир куп эчмэсен, акча тапсын.
    Балдаклар, туй күлмәге калды, ә мин...
  • 24 июнь 2022 - 23:53
    Без имени
    Гаеп синдэ бит
    Аздан гына кылынмаган хата
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда