«Сер» эчендә ниләр бар?


Гаиләләр нигә җимерелә, бер-берсен өзелеп сөйгән, әле кайчан гына гомергә бергә булырга вәгьдә бирешкән парлар нигә аерылыша? Моның җитди бер сәбәбе – ир белән хатынның бер-берсен җенси яктан канәгатьләндерә алмаулары, диләр сексологлар. Аерылышуларның 75 процентын нәкъ менә шуңа бәйләп карыйлар. Әйе, әйе! Чөнки шашып сөяргә, әмма яраткан кешеңә, бигрәк тә хатын-кызга, бәхет китермәскә мөмкин икән. Җенси канәгатьсезлек хатын-кызларыбызны психиатрия хастаханәсенә китерә, невроз һәм башка бик күп төрле авыруларга дучар итә. Бүгенге көндә хатын-кызларыбызның өчтән бере, (республикабызда 90 проценты), ирләребезнең яртысы диярлек сексопатолог ярдәменә мохтаҗ. Гаилә консультациясенә мөрәҗәгать итүче ирләрнең 70 проценты ялган импотенциядән (җенси көчсезлек) газаплана.

Әгәр аерылышулар саны буенча илебезнең дөньяда икенче урын тотуын исәпкә алсак, җенесләрнең бер-берсенә тартылуы, тән ләззәтенең кеше өчен әһәмияте турында сөйләшүләрдән «сер» ясап, читләшеп без үзебезгә үзебез никадәр зыян китерәбез икән?! Моны танымый мөмкин түгел. Социологлар да шушы фикерне куәтли. Алар аерылышкан парларның яртысыннан артыгының кешегә табигать тарафыннан бирелгән бу бәхеттән мәхрүм икәнлекләрен ачыклаганнар.
Болар барысы да безнең гомуми, шул исәптән җенси культурага ия бул- мавыбызны күрсәтә. Нәтиҗәдә җенси канәгатьсезлек кешенең бөтен го мерен агулый, аның рухи дөньясына, акыл һәм физик эшчәнлегенә тискәре йогынты ясый.
Яшь парларга бу уңайдан ничек ярдәм итәргә? Балигъ булган кыз баланы җенси якынлык кылуга ничек әзерләргә? Ир белән хатынның бер-берсен җенси канәгатьләндерә алуына ничек ирешергә? Өлкәнрәк яшьтәге парларга җенси тормышның, бертөрлелегеннән    ничек котылырга? Җенси теләк, тән төзелеше бер-берсенә туры килмәгән очракта нишләргә?

«Сөембикә» журналы «Ярату сәнгате» дигән баш астында боларның барысы турында да җитди сөйләшүләр башлап җибәрә. Беренче итеп сүзне Ижевскида яшәүче социолог Л. МИРОНОВКА бирәбез.

«МИҢА СИНЕҢ БЕЛӘН РӘХӘТ...»


Кешенең биопсихологик тормышында өч ихтыяҗ хакимлек итә:    ашыйсы килү (ачлык), эчәсе килү (сусау) һәм җенси таләп (либидо – латинча теләк, дәртне аңлата). Болар өчесе дә кеше организмы өчен бик зарури нәрсәләр. Ачлык коры сөяккә калдырып, фәкать ашау хакында гына уйларга мәҗбүр иткән кебек, җенси якынлык кылуга сусау да кешенең рухи кыйммәтләргә булган омтылышын чикли, аны исәпсез күп авыруларга дучар итә. Һәм, киресенчә, күп ашау бирән авыруына китергән кебек, җенси тайпылышлар да кешене имгәтергә, аның рухи һәм акыл тормышын җимерергә мөмкин. Организмның бу ихтыяҗлары табигый төстә канәгатьләндерелгәндә генә кеше үзен бәхетле хис итә ала.
Ир һәм хатын-кызларның психофизик тойгылары төрле асылда чагыла һәм алар төрлечә гамәлләштерелә. Шуңа күрә җенси халәт тә төрлечә бара. Бу бигрәк тә якынлык кылганда үзен бик нык сиздерә.
Бу аермалар нидән гыйбарәт соң? Галимнәр аның дүрт төп үзенчәлеген күрсәтәләр.
Беренчесе ир белән хатын организмына табигать тарафыннан салынган үзәк каршылыкны тәшкил итә. Ул ир белән хатынны күптөрле психологик кичерешләргә, авыруларга дучар итә, аерылышуга китерә.
Бу каршылыкны киметү өчен башта аның турында барысын да белергә кирәк. Кызганыч, безнең ирләр күбесенчә хатын-кызның сексуаль тойгылары үзләренеке кебек үк дип исәпләп, аларның ифрат дәрәҗәдә үзгәлеге турында уйлап та карамыйлар. Җенси тормышны белмәүнең төп билгесе менә шуннан гыйбарәт.
Гинекологлар һәм сексологлар мәхәббәттә ике нәрсәэне: бер-береңне  аңлау һәм җенси якынлыкка омтыл у н ы бик яхшы аера белергә кирәк, диләр. Аның беренчесе хатын-кызда шактый көчле чагыла, һәм икенчесенә бәйләнмәгән хәлдә дә, мөстәкыйль рәвештә яши һәм үсә ала.

Ирләрдә исә, киресенчә. Җенси өлгерү чорында үсмер егет организмы гормоннарны күпләп бүлеп чыгара, шул сәбәпле аңарда бик көчле җенси киеренкелек хасил була. Һәм аңа вакыт-вакыт бушанып алу таләп ителә. Бу киеренкелекне киметү өчен акыл һәм физик хезмәтне чиратлаштырып алып бару, спорт белән шөгыльләнү дә җитә икән.
Кызлар күбрәк тәэссорати якынлыкка омтыла. Җенси теләк аларга кияүгә чыккач, хәтта бала тапканнан соң гына туарга мөмкин. Ләкин кайберәүләрдә аның бөтенләй үк сизелмәве ихтимал. Менә шушы нәрсә өйләнешеп яши башлауның беренче елларында ук гаиләдә җәнжал чыгуга китерә дә инде.
Өйләнешкәч, беренче айларда җенси якынлык, гадәттә, бик еш кабатлана. Ир кеше яшьрәк булган саен аның җенси теләкләре көчлерәк була. Һәм ул тизрәк бушанырга ашыга, җенси якынлык кылу вакыты да кыска була.
Әмма табигать бу турыда алдан ук бик акыллы кайгырткан. Нәкъ менә шул вакытларда яшь хатыннар җенси якынлыктан бигрәк рухи якынлык, иркәләүне өстенрәк күрәләр. Җенси тормыш өчен аларны башта «уятырга», әзерләргә кирәк була. Һәм бу һәр ир кешенең изге бурычы булып тора.

 (Дәвамы бар.)

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Оясында ни күрсә... Оясында ни күрсә ...Очканында шул булыр. Халкыбызның буыннан-буынга күчеп килгән әлеге мәкале бүген дә үзенең актуальлеген югалтмый. Ә очар өчен һәр кешегә ныклы канатлар, кайтырын сагынып көтә торган нигез кирәк. Бала өчен ул башта ата-ана йорты булса, үсә төшеп насыйбын очраткач, үз өенә әверелә. Бүгенге геройларыбыз Земфира һәм Рамил Әхмәтшиннарның йорты да хәзер туганнарны гына түгел, балаларны, оныкларны бергә туплый торган җылы учак булып тора.
    1711
    26
    194
  • Үгиләр... Илзирә бүген әбисенә төшеп китте. Әнисенә үпкәләде. Үз әтисе үлеп, икенче иргә кияүгә чыкканнан соң әнисе ике арада өзгәләнә: бер яктан балалары, икенче яктан яңа ире. Ир – ир инде ул. Ничек Илзирәгә ышанмый әнисе?! Ана кеше иренә түгел, кызына ышансын өчен нәрсә эшләргә кирәк бу Хариска? Башка чыдар хәле калмады бугай кызның...
    5358
    2
    74
Реклама
Соңгы комментарийлар
  • 16 октябрь 2021 - 22:17
    Без имени
    Илдя чыпчык улми. Тукмалып торырга ярамый.
    Мәхәббәттән нәфрәткә бер адым икән
  • 17 октябрь 2021 - 07:44
    Без имени
    Яшьлэр монда ни причём. Халыкнын дини наданлыгыннан килэ бу хэллэр. Дини агарту эшлэре алып барырга кирэк. Семьядан башлап, диния нэзэрэте дэ яшьлэргэ тэрбия биру остендэ эшлэргэ тиеш, мячетлэр салалар, э яшьлэрне мэчеткэ Тарту эшлэрен тиешенчэ кутэрмилэр...
    Кызыбыз өйләнә – улымны киленгә бирәм!
  • 17 октябрь 2021 - 19:39
    Без имени
    Әтисез читен була дигәнсез?Ә әнисез?Лилия исемле бер җырчы интервью бирде,сездә тыңнагансыздыр бәлки.Әниемә әти җайсыз сукты ди,35 яшендә мәрхүм булды әнием ди.Кабатларга уйлыйсыңмы?Ноги в руки и бегом ул тиледән....
    Мәхәббәттән нәфрәткә бер адым икән
  • 15 октябрь 2021 - 11:55
    Без имени
    Минем уйлавымча. хыянэтне. гафу итэрге. ярамый. минем дэ баштан утте. эле. мин. бала авырып. больницада яттым. э ул. жилбэзэк кызны. ойге керткен. ир атнын. башы. юк анын. алар. узлэре очен гене. яшилэр. бала да. кирэкми. хатын. да. картайганчы. хыянэт итэ. минеке. шулай булды.
    Нигә мине чүпрәк итәләр?!.
  • 15 октябрь 2021 - 15:13
    Без имени
    Бик матур,тату,тырыш,тэуфикле гаилэ - Эхмэтшиннар гаилэсе.Алдагы коннэрдэ дэ матур,тату,бэхетле булып яшэгез! Зур унышлар сезгэ!
    Оясында ни күрсә...
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан