«Сак-Сок»ны бергәләп чыгарыйк

«Юлбасма» нәшрияты 1990 елда чыккан легендар «Сак-Сок» китабын яңадан басмага әзерли. Бу китап танылган Казан рәссамы Тавил Хаҗиәхмәтовның күпләргә таныш булган иллюстрацияләре белән баетылган.

«Сак-Сок», белгәнебезчә, ике игезәк малай турындагы татар халык бәете. Сүз тыңламаганнары өчен, аналары аларны каргый һәм малайлар кошларга әверелә. Балалары күккә очып киткәч, ана кеше үзенең зур хата ясавын аңлый, ләкин эш инде узган – соң була. Ул көн саен урманда улларын эзли, тик Сак белән Сокка кош кыяфәтендә мәңгегә аерым яшәргә язган шул...



Бу тетрәндергеч риваять гасырлар буе халкыбызның хәтерендә, телендә саклана. Аның барлыкка килүе, ана кешенең балаларын ни өчен каргавы турында төрле карашлар яши. «Сак-Сок» – әхлакый кыйммәтләр, кешелек мөнәсәбәтләре, ялгызлык, мәхәббәт һәм узган эшне кайтарып булмаслыгы хакындагы хикәят. Ул – өлкәннәр өчен дә, балалар өчен дә гыйбрәтле тарих.

«Юлбасма» нәшрияты әзерләгән «Сак-Сок» китабы каты тышлы булачак, рус һәм татар телләрендә, тыгыз кәгазьдә бастырылачак. Әсәрнең рус телендәге варианты буларак Казан шагыйрәсе Роза Кожевникова тәрҗемәсе кулланыла.

Хәзерге вакытта авторлык хокуклары хәл ителгән, иллюстрацияләр әзер, китапның оригинал-макеты эшләнә.

Китапны типографиядә бастыру өчен, «Юлбасма» нәшрияты битараф булмаучыларны финанс ярдәме күрсәтергә чакыра. Моның өчен «Сак-Сок» китабына алдан заказ бирергә, нәшриятның башка китапларын сатып алырга яки иганәче булырга мөмкин. Әлеге проектка ярдәм итәргә теләүчеләр тулырак мәгълүматны Planeta.ru краундфандинг мәйданчыгында https://planeta.ru/campaigns/sak_sok сылтамасы буенча махсус сәхифәдә таба ала.


Мәгълүмат өчен:

Краудфандинг – халык тарафыннан финанслануның бер төре: төрле кешеләр социаль әһәмияткә ия булган проектлар өчен бер урында акча туплый.

Planeta.ru - Россиядәге иң эре краудфандинг мәйданчыкларының берсе.

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Оясында ни күрсә... Оясында ни күрсә ...Очканында шул булыр. Халкыбызның буыннан-буынга күчеп килгән әлеге мәкале бүген дә үзенең актуальлеген югалтмый. Ә очар өчен һәр кешегә ныклы канатлар, кайтырын сагынып көтә торган нигез кирәк. Бала өчен ул башта ата-ана йорты булса, үсә төшеп насыйбын очраткач, үз өенә әверелә. Бүгенге геройларыбыз Земфира һәм Рамил Әхмәтшиннарның йорты да хәзер туганнарны гына түгел, балаларны, оныкларны бергә туплый торган җылы учак булып тора.
    2511
    28
    243
  • Үгиләр... Илзирә бүген әбисенә төшеп китте. Әнисенә үпкәләде. Үз әтисе үлеп, икенче иргә кияүгә чыкканнан соң әнисе ике арада өзгәләнә: бер яктан балалары, икенче яктан яңа ире. Ир – ир инде ул. Ничек Илзирәгә ышанмый әнисе?! Ана кеше иренә түгел, кызына ышансын өчен нәрсә эшләргә кирәк бу Хариска? Башка чыдар хәле калмады бугай кызның...
    6423
    2
    94
Реклама
Соңгы комментарийлар
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан