Кредитны түли алмаганда нишләргә?

Күңелсез, ә кайчак фаҗига белән тәмамлана торган аяныч хәлләргә юлыкмас өчен ни эшләргә? Кредит түләргә акчаң булмаса, нишләргә? Кредит түләүне кичектерүгә ирешү өчен үзеңне ничек тотарга? Суд приставлары белән ничек сөйләшергә?
Сорауларыбызга «Ваш правозащитник» компаниясе юристы Мария БОРИСОВА җавап бирә:
– Кызганычка каршы, мондый мисаллар белән еш очрашабыз. Кредитка әйбер алганда килешү шартларына бик сирәгебез игътибар итә шул. Ә бу – бик мөһим. Еш кына килешүдә күрсәтелгән, әйтик, 35 процент еллык ставка, чынында, тора-бара 79-80 процентка җитә. Ә кайвакыт ул хәтта 100 проценттан да артып китә. Банк безгә «өстәмә хезмәт күрсәтү» дип бөтенләй кирәк булмаган хезмәтне зур акчага сата. Мәсәлән, «заемщикның тормышы һәм сәламәтлеге иминияте», «эш югалту иминияте» һәм башкалар. Моннан тыш, банк килешүгә «кредит биргән», «агымдагы кредитка хезмәт күрсәткән өчен» дип аталган бер кирәкмәгән өстәмәләр кертә. Кыскасы, бусы килешү төзүче хезмәткәрнең фантазиясенә бәйле.

Югары Арбитраж Суды Президиумы кредит оешмаларының исәпне ачкан һәм алып барган өчен заемщиклардан комиссия түләтүнең законлы булмавын таныды. Ә күбебез әле бу хакта белеп тә бетерми. Исегездә тотыгыз: килешү нигезендә банк яки кредит оешмасы кредит алучыга килешүдә каралган күләмдә акча бирергә, ә тегесе аны процентлар белән кире кайтарырга йөкләмә ала. Банк өстәмә комиссия сыйфатында бары кредит буенча процент ставкаларын гына алырга хаклы.

Әгәр дә алынырга тиеш булмаган комиссияләрне кире кайтарасыгыз килә икән, ул чагында банкка язма рәвештә дәгъва белдерегез, акчагызны (суммасын күрсәтегез) кире кайтаруны таләп итегез. Кайтармый икән, судка мөрәҗәгать итегез. Бу очракта инде комиссия акчасын гына түгел, штраф та түләтә аласыз.

Шулай да кредитны түли алмаганда нишләргә соң? Шундый ситуациядә калырга да мөмкин бит кеше. Кайберәүләр кредитны туганына, дустына, хәтта күршесенә алып бирүдән дә курыкмый. Нәтиҗәдә, үзен кыен хәлгә куя. Чөнки килешүгә кул куйганда, ул кредит түләү бурычын үз өстенә ала. Акчаның кемгә һәм кая китүе банк өчен барыбер. Түләп кенә барсыннар. Вакытында түләмисең икән, банк бары сездән сораячак, сезнең белән судлашачак. Дөресен әйткәндә, суд аша эш итү дә иң начар вариант түгел.

Судның акчаны приставлар аша кайтарырга кушуы да бар. Ә менә бурычны кайтаруны коллекторларга тапшыру белән процентлар шундук яшен тизлегендә үсә башлый. Заемщик, коллектор белән беренче мәртәбә очрашканда ук, аннан бурычны таләп итү хокукының аларга күчүен раслаучы документ күрсәтүләрен сорарга тиеш.

Андый документсыз коллекторның сездән берни таләп итәргә хакы юк. Банк мондый җаваплы эшне лицензиясе булган кешегә генә тапшыра ала. Димәк, коллектор сезгә шундый документ та күрсәтергә тиеш әле.

Коллекторның кредит түли алмаган кешене, аның якыннарын мыс-кылларга хакы юк. Банк, коллектор оешмалары вәкилләре милекне конфискацияләү эшләре белән дә шөгыльләнә алмый. Әгәр дә шундый хәлгә юлыксагыз, полициягә хәбәр итегез! Ә инде нинди дә булса сәбәпләр аркасында банк каршындагы йөкләмәгезне үти алмыйсыз икән, иң беренче эш итеп, банкка хәбәр итегез! Качып йөрүләр, шалтыратуларга җавап бирмәүләр файдасыз. Сез, фактларга таянып, банкка үзегезнең авыр матди хәлегез турында мәгълүмат бирергә һәм кредитыгызны кичектереп торуны үтенеп, гариза язарга тиеш.

Кредит түләүдән читләшүнең икътисадый җинаять булып исәпләнүен онытмагыз!

фото: https://pixabay.com

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Реклама
Хәзер укыйлар
  • «Таккан белән теккән кебек без...» – Кайнана белән ничек торасың син? Минем сыман гомер буе бием белән яшәгән, башкалар кайнаналарын сөйләгәндә сүзгә кушылмаган кешегә бу сорауны бик еш бирәләр. Җавабым гел бер була минем: – И-и, рәхәт бит аның белән! – дим. Чын күңелдән әйтәм! Бер риясыз...
    4113
    10
    111
  • Гомерем усал кайнана, исерек ир белән үтте 8   Рәфис тә, кайнатам да туасы баланың малай булуын  бик тели иделәр.  Ирем: «Малай тусын, Алладан сорап дога кыл әле», – дип, авылдагы сукыр Фәния карчыкка сәдака да илтеп бирде. Ул заманда туасы баланың кызмы, малаймы икәнен алдан белеп булмый иде шул...
    12348
    2
    90
  • «Ирең яратсын дисәң, кайнанаңны ярат» – Бу – төп нигез. Ишле гаилә! Эшле гаилә! Монда килгән-киткән кеше дә бик күп булыр. Ә син шушы йортның хуҗабикәсе булырсың! Әнинең – кайнанамның туйда әйткән бу сүзләре бүгенгедәй колагымда яңгырап тора. Ул көнне ишеткән теләкләрнең бик күбесе күптән онытылды, ә әнинекеләрне гомерлеккә хәтерләп калганмын. Матур тормышның башы шушы сүздән үк башлангандыр.
    2516
    9
    86
  •  Гомерем усал кайнана, исерек ир белән үтте 10  Мин, иремне уятмаска тырышып, куенымда мыш-мыш килеп йоклаган баламны саклык белән агач караватка китереп салдым. Өстемдәге пальтомның төймәләрен чишеп, чөйгә өлдем. Урамда апрель башы булуга карамастан бик суык иде шул, кар да эреп бетмәгән. Салкын төндә печән өстендә баламны кысып кочаклаган килеш төн кундым бит.
    12865
    4
    72
  • Гомерем усал кайнана, исерек ир белән үтте 7 Туасы сабый дөньяга барыбер туа, дип юкка гына әйтмәгәннәрдер. Хәзер узган гомеремне уйлыйм да, җүләрлегемә исем-акылым китеп утырам…
    15874
    1
    69
Реклама
Соңгы комментарийлар
  • 23 сентябрь 2022 - 03:35
    Без имени
    Ати анисе бирган акчагада хужа булмый а, биграк инде. Ул хадаре йыуаш булып ни. Ати анисе, акча бирган е, лучше диваны узларе алып бирсен нар иде дип та уйлап куйдым. Ул бианай оялмыйча шул акчаны алып, узена Яна диван алган что-ли? Ансын анламадым.
    Гомерем усал кайнана, исерек ир белән үтте 11
  • 23 сентябрь 2022 - 11:05
    Без имени
    25 яшендэ кияугэ чыккан, 10 ел баласыз торган, бэхетен 35 яшьтэ тапкан, а Айнурга 30 яшь. Барда дорес язылган бит?)))
    Бәхетле булырга хакым бар!
  • 23 сентябрь 2022 - 11:17
    Без имени
    шулай мыскыл итәләр шул үзләреннән артык уңган, булган киленне. Мине кайната белән кайнана малайлары үлгәнче, малайларыннан мыскыллатып тордылар. Малайларын аракы эчереп миңа каршы котырталар иде. Нормальный кеше малаен аракы эчәргә өйрәтми бит инде?! Малайлары эчеп кайтып тавыш чыгара иде, мин тормышны тартып яшәдем. Мин аллага шөкер, намазлы булып гомеремне дәвам итәм, малайлары үлде. Мин котылдым аллага шөкер, алар баласыз калды.
    Гомерем усал кайнана, исерек ир белән үтте 11
  • 22 сентябрь 2022 - 22:32
    Без имени
    Фагыйлэ остэп тэ жибэрэ ахры, купертеп арттырып жибэргэн урыннары бар.
    Гомерем усал кайнана, исерек ир белән үтте 11
  • 23 сентябрь 2022 - 18:07
    Без имени
    Автор "ыштанга ябышып " узен генэ мэсхэрэлэу тугел, балаларнын да жэллэмэгэн. Балалары кимсетелеп, комплексы булып ускэннэрдер. Авторы жэллэмим, отвращение.
    Гомерем усал кайнана, исерек ир белән үтте 11
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда