Помидор төбенә нәрсә салырга?

Күпләр инде помидорларын йә теплицага, йә өстен каплап бакчага утыртадыр. Уңыш мул булсын өчен, помидорларны утыртканда төбенә ниләр салырга була? Бүген сүзебез шул хакта. 

Минераль ашламалар. Сатуда алар күп, сез томат өчен дигәнен сайласагыз, оттырмассыз. Аның урынына һәр төпкә 1 аш кашыгы суперфосфат дигәнне дә куллана аласыз. Утыртасы чокырга ашламаны салып, яхшылап туфрак белән катнаштырырга, су сибәргә, аннан соң гына үсентене утыртырга кирәк. Минераль ашламалардан үсемлекләр яхшы үсә.  Хәзерге гибрид сортлар нәкъ менә минераль ашламалар булганда гына яхшы уңыш бирә дә инде. Ләкин бу төр ашламаларның туфракта яшәүче микроорганизмнарга зыяны да бар, ул туфракны «үтерә».  

Фитоспорин. Әлеге препарат помидорларның черүенә китерүче гөмбәләрне юк итә. Помидорларны утыртырга бер атна кала, 5 г фитоспорин порошогын 10 литр суда сыеклап, үсентеләр өчен ясалган чокырларга сибеп чыгыгыз. Утыртасы көнне туфракны йомшартып җибәрегез. Фитоспоринның паста кебеге дә була. Аны инструкциясендә күрсәтелгәнчә сыеклап кулланырга кирәк. Бер ясап куйсагыз, шул бер сезонга җитә, бозылмый. Аны утыртканнан соң, профилактика өчен дә куллана аласыз. Кешегә дә, туфракта яшәүче микроорганизмнарга да зыянсыз. 

Йомырка кабыгы. Помидор төбенә салыр алдыннан аны башта яхшылап киптереп, төяргә кирәк. Һәр чокырга 2 аш кашыгы салалар. Йомырка кабыгы – кальций чыганагы. Күпләр аны медведка дигән бөҗәктән саклану өчен куллана. 

Кычыткан. Помидор утыртыр вакытта бакчада кычыткан инде тишелеп чыккан була. Һәр чокырга берәр тотам вакланган кычыткан салып калдырсагыз, үсемлекләр өчен азот булып хезмәт итәчәк ул. Помидорны утыртканчы, кычытканны туфрак белән күмдереп калдырырга кирәк. 

Органик ашлама. Дөресен әйткәндә, кычыткан да шул органикага керә. Ләкин бу юлы сүз компост, черемә һәм биогумус турында. Помидор артык күп органика керткәнне яратмый. Дөресрәге, ярата, котырып үсә, яфраклары да зур була, тик җимешләре генә аз булачак. Шуңа күрә органика белән бик  мавыкмаска кирәк. Узган ел туфракка черемә керткән булсагыз, быел аны кулланмаска да мөмкин. 

Бер мөһим киңәш: үсемлекләрне күчереп утырткач та аларны ун көн буена берни дә белән дә ашламый торсаң, тамырлары үзләре азык эзләп, тизрәк ныгый.

Туфракта яшәүче файдалы организмнарны үрчетү өчен, түтәлләрегезнең өстен мүлчәләгез. Салам, кипкән печән, газон үләне, берничә еллык пычкы чүбе – мүлчә өчен менә дигән. Мүлчә куллансагыз, туфак кипми, артык тыгызланмый, үсемлекләрнең тамырлары өчен уңай микроклимат туа.

Фото: https://pixabay.com/ru

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Балдаклар, туй күлмәге калды, ә мин... Сүземне ерактанрак башлыйм әле. Әти үлгәндә мин әле тумаган да булганмын – әни 7 айлык корсаклы килеш калган. Аңа бу вакытта нибары 21 яшь булган...
    7027
    2
    50
  • Ялгыз канат Ире чит хатынга чыгып китсә дә, йөрәк болай әрнемәс иде. Хыянәтен кичерә алмый, мендәр кочаклап елар да, мәхәббәтне нәфрәткә әйләндереп яшәр иде. Ә ул хатынына гына түгел, балаларына, әти-әниләренә, диненә, үзенә хыянәт итте. Миләүшә яшь көе ирсез калды.
    7832
    0
    36
  • Рәхмәт, әнием! Аның ирен үтереп ташладылар. Дөресрәге, үләр дәрәҗәгә җиткәнче кыйнап ыргыттылар... Аңсыз гәүдәсен өйләреннән ике йөз метрлар чамасы җирдә, барак кебек шыксыз йортларның пычрак ишегалдыннан таптылар...
    4112
    0
    34
  • Бар җылымны сиңа бирәм, әни... Әнигә бар җылыңны да, назыңны да, яратуыңны да бирәсең, чөнки ул әни, һәм башкача уйлау, яшәү мөмкин түгелдер... Ә үз әниең булмаса?! Кемгә бүләк итәргә? Сине ничек бар шулай кабул итә торган кем бар тагын?! Әни бар! Иремнең әнисе!
    2129
    0
    32
  • Синнән башка беркем кирәкми Нурзидә белән Рәдиснең балалары юк. Күп еллар юк инде. Нурзидә моның белән күптән килеште. Рәдис тә килешкән кебек булган иде... 
    1925
    1
    23
Реклама
Соңгы комментарийлар
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда