Һәр кешенең тормышында зур эз калдырган вакыйгаларның берсе – туй. Берәүләр әлеге мәҗлескә бик зур әһәмият бирә. Төптән планлаштырып, аңа алдан ук әзерлек башлый. Икенчеләре исә зурдан кубып бәйрәм итүне кирәксенми, акча туздыру итеп кенә кабул итүчеләр дә бар. Күңелдә үзеннән-үзе сорау туа: туй үткәрү мәҗбүриме? Туй мәҗлесе гаилә мөнәсәбәтләренә йогынты ясыймы?
