Их, машина-машина!..

Казан шәһәре матурая-үсә. Җитәкчеләр бу җөмләне еш кабатларга ярата. Тик аларның читтәрәк урнашкан йортларның ишегалларына кергәне юктыр! 

Безнең ишегалдында берни «үсми дә, матураймый да». Андагы юлларның исеме генә «юл» – асфальт җимерелеп, чокыр-чакырга әверелеп беткән. Тирән-тирән ул чокырлар яңгырдан соң күлгә әйләнә. Җитәкчеләр безнең ишегалларына керми шул, каян белсен­нәр! Башка төшкәч, җимерек юлдан да йөрербез – безне алай гына куркытып булмый! Теңкәгә тигәне башка. Машиналы күршеләр канны боза!

Беренчедән, машиналарын җәяүлеләр сукмагына куялар. Коры көнне куйсалар – бер хәл, ничек булса да урап үтәрсең. Ә менә яңгырлы көнне?! Ни сулдан, ни уңнан урап узмалы түгел. Йә су җыелган, йә куаклар баскан. Үзең генә булсаң, тәвәккәллисең инде. Ә минем ише бала арбасын тарткан әниләргә нишләмәк кирәк?! «Күлне» ерып кереп китми хәлең юк. Тубыктан суга чумып, аякларны чылатып чыгасың. Машина хуҗалары үзләренә яудырган ул каһәргә ничек чыдап бетәрләр! Ишегалды­быздагы яшеллекне корытучылар да шул машина хуҗалары. Ишегалды дигәнебез яртылаш парковка инде ул. Балалар шушы газ исен сулап йөгереп йөри. Чирәмлек әсәре дә юк. Кайсыбер оятсызлар машиналарын балалар мәйданчыгына терәп үк куя!

Элек бу хәлгә нәфрәтләнсәм дә, алдыма карый идем дә чаба идем. Хәзер, үзем әни булгач, күз йомып китә алмыйм – мондый юньсезлекләр белән үземчә көрәшәм. Тәртип бозучы машиналарны, номерлары күренерлек итеп, телефонга төшереп алам, хәлне тасвирлап, www.gibdd.ru/letter/ адресы белән ГИБДД сайтына урнаштырам. Мөрәҗәгатем җавапсыз калмый тагын үзе, бераздан җавап хәбәре килеп ирешә – килгәннәр, тикшергәннәр, беркетмә төзегәннәр. Дәгъвамны җибәрүен җибәрәм дә бит, ишегалдындагы хәл генә үзгәрми. Әллә штраф салынмыймы? Салынып та, бик арзанмы? Аңламыйм.

Автомобиль ияләренең дә хәленә кереп буладыр – машина куярга урын җитми, парковкалар йә юк, йә алар бик ерак, йә кыйммәттер инде. (Югыйсә тәртип бозучылар хәерче түгел – балалар уйный торган мәйданчыкта иномаркалар гына.) Ник автомобиль ияләре парковка проблемаларын миңа һәм балама төкереп хәл итәләр икән соң?!

Кыскасы, без машиналарын тротуарга куеп, узарга урын калдырмаучыларны «Народный инспектор» приложениесе ярдәмендә видеога төшереп, кирәкле урынга җибәрә башладык. Берникадәр вакыттан соң күршеләребезгә штрафлар килә башлады. Әз түгел - 1 000 сум. Конфедициальность сакланмады, күршеләр төшерүчеләрнең кем икәнлеген белде. Күршеләрнең берсе хәтта янады да. Үзенең алга таба да машинасын ничек тели шулай куячагы турында сөйләде - янәсе, машинаның номерын борып ала да, куя. Шулай эшләде дә ул.
Аның каравы, мисал өчен, бүген, подъездыбыз янындагы машиналарын тротуарга пешеходлар уза алырлык итеп куйды. Алга таба ни булыр...

фото: pixabay.com

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Реклама
Хәзер укыйлар
  • «Таккан белән теккән кебек без...» – Кайнана белән ничек торасың син? Минем сыман гомер буе бием белән яшәгән, башкалар кайнаналарын сөйләгәндә сүзгә кушылмаган кешегә бу сорауны бик еш бирәләр. Җавабым гел бер була минем: – И-и, рәхәт бит аның белән! – дим. Чын күңелдән әйтәм! Бер риясыз...
    4334
    10
    113
  • Гомерем усал кайнана, исерек ир белән үтте 8   Рәфис тә, кайнатам да туасы баланың малай булуын  бик тели иделәр.  Ирем: «Малай тусын, Алладан сорап дога кыл әле», – дип, авылдагы сукыр Фәния карчыкка сәдака да илтеп бирде. Ул заманда туасы баланың кызмы, малаймы икәнен алдан белеп булмый иде шул...
    12774
    2
    90
  • «Ирең яратсын дисәң, кайнанаңны ярат» – Бу – төп нигез. Ишле гаилә! Эшле гаилә! Монда килгән-киткән кеше дә бик күп булыр. Ә син шушы йортның хуҗабикәсе булырсың! Әнинең – кайнанамның туйда әйткән бу сүзләре бүгенгедәй колагымда яңгырап тора. Ул көнне ишеткән теләкләрнең бик күбесе күптән онытылды, ә әнинекеләрне гомерлеккә хәтерләп калганмын. Матур тормышның башы шушы сүздән үк башлангандыр.
    2691
    9
    87
  •  Гомерем усал кайнана, исерек ир белән үтте 10  Мин, иремне уятмаска тырышып, куенымда мыш-мыш килеп йоклаган баламны саклык белән агач караватка китереп салдым. Өстемдәге пальтомның төймәләрен чишеп, чөйгә өлдем. Урамда апрель башы булуга карамастан бик суык иде шул, кар да эреп бетмәгән. Салкын төндә печән өстендә баламны кысып кочаклаган килеш төн кундым бит.
    13342
    4
    73
  • Гомерем усал кайнана, исерек ир белән үтте 11 Көн артыннан көн, ай артыннан ай узды. Икенче балама көмәнле вакытымда без, кайнана белән кайната яшәгән йорттан башка чыгып, үз йортыбыз белән яши башлаган идек...
    10682
    13
    73
Реклама
Соңгы комментарийлар
  • 29 сентябрь 2022 - 14:49
    Без имени
    Очень жизненно интересная история!👏👏👏
    Үз кызы итеп кабул итте
  • 29 сентябрь 2022 - 13:17
    Без имени
    Искиткеч шагыйрэ!
    Лена Шагыйрьҗан шигырьләре
  • 29 сентябрь 2022 - 20:53
    Без имени
    ФӘгыйләүүүүү, сез кая?) дәвамын көтәбез бит, һаман язмыйсыз. Языгыз инде, тизрәк укыйсы килә биииииит!!!!😻
    Гомерем усал кайнана, исерек ир белән үтте 11
  • 28 сентябрь 2022 - 08:57
    Без имени
    Эчә инде ул,туктамый хәзер.Алма агачыннан ерак төшми шул.Ераграк тәгәрәгәне бик сирәк аның.Бер ни эшли дә алмыйсыз,кызганыч.Ә кызыгыз,нәрсә булса да булыр инде диеп,буйсынган тормышы белән....
    Бүре баласын бүреккә салсаң да...
  • 27 сентябрь 2022 - 18:49
    Без имени
    Кияугэ чыкканда баласы бар икэнен белмэдегез мени? Ул беренче хатыны хэм баласы янына кире китэргэ дэ момкин, беренче хатын Аллахтан
    Баладан көнләшәм
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда