Безнең редакция календаренең үз кызыл көннәре бар. 24 август шундый көннәрнең берсе. «Сөембикә» журналының баш мөхәррире
Ләйсән Рәфикъ кызы Юнысова Туган көне ул!
Безнең ул шундый инде: Арыслан йолдызлыгының бар егәрен, батырлыгын, тәвәкәллеген, ханбикәләр вәкарьлеген үзенә эләктереп калган да, сылу, тынгысыз, хыялый, аксөякләрдәй затлы Кыз йолдызлыгына күчкән. Үзенчәлекле холкы, нәфислеге, затлылыгы, матурлыкка табынуы – һәммәсе йолдызлардан. Татар хатын-кызлары журналын җитәкләве дә – югарыдан тапшырылган олы вәкаләт.
Бездә – Ләйсән августы: алмалар алланган, чәчәкләр – диңгез, һәр тарафта – Кояш, төннәрен – йолдыз атыла... Искиткеч! Менә шулар барысы Ләйсән исемле кызның аерылмас төсе, билгесе, талисманы.
Ихластан котлыйбыз! Яратабыз! Сөенечләр, уңышлар, елмаюлар, рәхәт иҗат газаплары, сәях җанына хуш килердәй эш-гамәлләр телибез!
Ихтирам белән – «Сөембикә»ләр
Комментарий юк