​Сәфәргә җыенабыз: үзең белән ниләр алырга?

Эльза НӘБИУЛЛИНА

– Чемоданлы кәеф инде хәзер синең, әй!

– Чемоданлы кәеф инде хәзер синең, әй! 
Берничә көннән юлга чыгачагымны белгән кешеләрнең авызында гел шул бер сүз: «Әле чемоданнарыгызны җыйдыгызмы? Нәрсәләр аласыз?» 
Сәяхәт итә башлавыма тиздән 10 ел тулачак. Елдан-ел йөк чемоданнары кечерәеп, уңайлы рюкзакларга (алары да кимеде инде) әйләнә бара. Иң кирәкле нәрсәләрне генә алачагымны хәзер төгәл беләм. Барыбер самолетка яки поездга ашыккан кешенең уеннан бертөрле исемлек кенә уза: паспорт, акча, телефон, фотоаппарат... Иң мөһиме – шушылар. Паспортсыз сине транспортка да, чит илгә дә кертмәячәкләр, ә инде кесәңдә акчаң бар икән, анысына теләгән һәм кирәк булган һәрнәрсәне сатып алырга мөмкин. Дөрес, соңгысын (акчаны) өйдә онытып калдырган вакытлар да булды, шулай да юлны дәвам итәргә бу гына киртә булмады. Беренче елларны юлга тәгәрмәчле, олы, кимендә 30 кг авырлыкта булган чемодан белән йөри идем. Тәүге сәяхәтемдә мин 4 айга Америка Кушма Штатларына юл алдым. Алдан хәстәрләнә торгач, кирәк-яраклар арасына хәтта кайбер ризыклар да кергән иде. «Беренче көннәргә үзегез белән ризыклар: ярмалар, тушенка, сгущенка ише нәрсәләр алыгыз», – дип киңәш бирделәр турагентлык хезмәткәрләре. Америкада яшәячәк гаиләгә килгәч, бу ризыкларын ипләп кенә аларның киштәләренә бушаттым. Хуҗа кеше елмаеп кына болай диде: «О, тушенка-сгущенка, армия сафларында хезмәт иткән чаклар искә төште...» Баксаң, бу ризыкларны шушында ук Рәсәйдән китертелгән товарлар сатыла торган махсус кибетләрдән алырга була. Хәзер ул чакларны елмаеп искә алам. Сүзем йөк (багаж) турында иде бит. Хәер, юлга икенче тапкыр чыгып киткәндә дә чемоданым беренчесеннән бик күпкә аерылмый иде. Ләкин минем өчен шунысы билгеле: яңа җиргә баргач, үзең белән алган киемнең яртысы да киелми, киресенчә, җирле кибетләрдә йөреп, яңаларын аласы килә башлый. Шуңа күрә, алга таба чемоданым тагын да бушый төште. Кайту юлында әлеге буш урыннар яңа кием-салым, хәдия-бүләкләр белән тулган була. 
Кыска вакытлы сәяхәтләргә авыр йөк алу бигрәк тә урынсыз. Иң мөһиме – уңайлы аяк киеме (чөнки күп вакыт җәяүләп озын араларны узарга туры килә, шул исәптән, музей, парклар, һ.б. истәлекле урыннар), өс киеме, алмаш киемнәр. Алмаш кием дигәннән, мин универсаль кием алуны хуп күрәм. Аның белән шәһәрдә дә йөреп, тауларга да менеп булсын. Хәзер инде юлга чыгар алдыннан минем рюкзагымны фотога төшереп элү гадәтем бар. Бөтенесе кечкенә багаж җыю буенча мастер-класс күрсәтүемне сорап шаярыпмы-чынмы яза башлый. Мин дә шаяруын-чынын кушып җавап бирәм. Бер ай дәвамында бу йөкне үз өстеңдә күтәреп йөрүне күз алдына китерәсең дә, үзеннән-үзе кими ул!
Поделиться:
Комментарийлар (0)
Cимвол калды:
Хәзер укыйлар
  • 7688
    4
    107
  • Яңа йорт Әлфия йокысыннан уянуга, янында яткан иренең чигә чәчләренә саклык белән генә кагылды да, аны уятудан куркып, иреннәре
    9029
    5
    68
  • Син мине гафу ит Экраннарга «Зөләйха күзләрен ача» фильмы чыккач, күпләр андагы кайнана образын кабул итә алмады. Татар карчыклары андый усал булмаган, дигән фикерләр дә ишетелде. Бүген язарга теләгән вакыйгам – геройларымның исемнәре үзгәртелсә дә, тормыштан алынган чын хәл. Арабызда Галимҗан Ибраһимовның Сабирасыдай («Татар хатыны ниләр күрми») усал кайнаналар әле дә бармы дигән сорауга җавап табарсыз сез анда.
    8829
    2
    58
  • 7550
    0
    55
Реклама
Соңгы комментарийлар
  • 6 август 2020 - 00:58
    Без имени
    Исән - сау Илдар! Тырыша- тырмаша Рузалиясе белән яшәп ята. Сәламәтлеге алга таба түгел, алай да бирешми. Һәр көнгә сөенеп, Аллага шөкер дип яшиләр. Юмористик хикәяләре һәрдаим "Татарстан яшьләре" битендә дөнья күрә. Биш китабы чыкты, алтынчысының табадан төшкәнен көтәләр.
    Мәхәббәт сурәте
  • 5 август 2020 - 20:19
    Без имени
    Ачыктан ачык ирегезгэ эйтегез, без кем сон сина дип. Нармальный хатын яшь баласы булган килененэ булышыр иде, сездэ узем эзерлэп идем дип. Юбилей бит диеп. Э малае аркылы эш йортмэс иде. Или узегез кайнана бн ачыктан ачык сойлэшегез. Акылы булса анлар. Э болай тавыш тын булмагач, сезгэ ошый дип уйлый. Ир кеше ойдэ нэрсэ бар нэрсэ югын белми ул. Тавыш чыга дип тэ курыкмагыз, бер чыгада бетэ ул. Э бала бн берни эйтмичэ, ачуыгвзны эчкэ йотып кайтып китеп, доресен эйтергэ кирэк. Алар ял итэсе килгэндер дип кенэ уйларга может.
    Көйсез кайнана хикмәтләре
  • 5 август 2020 - 14:02
    Без имени
    Роза апа Камалитдонва мин Фирдания белэн1984 нче елларда ялгышмасам Котлы Бокэш больницасында яттык Фирдания бик матур ,жор телле безнен кунеллэрне кутэреп шул вакытта ук безне колдерэ иде.Мин анын шундый хэлдэдэ авырлыкларга бирешмичэ уз кунелен узе куруенэ исем акылым китте.Мин андый чибэр сылу кыз кургэнем юк иде.Анын кургэннэрен ходай тэгалэ дошманынада курсэмэсен.Фирдания сэламэт бул матур шигырьлэрен матур жырларын белэн безне соендереп тор.Ходай тэгалэ сине рэхмэтеннэн ташламасын.Рафаилгэдэ исэнлек саулык сабырлык бирсен
    ​Бәхетем
  • 5 август 2020 - 13:05
    Без имени
    Фикерегезне калдырыгыз дияседэ бит,узегез язганны бастырмыйсыз
    Көйсез кайнана хикмәтләре
  • 5 август 2020 - 10:40
    Без имени
    Җәннәт аналарның аяк астында, онытма балакаем. Бу хәдис күбесенчә егет кешеләргә кагыла. Сабыр булу кирәк
    Көйсез кайнана хикмәтләре