​Айгөл + Линар – 5

Айгөл Бариева


(Безнең гаилә тарихы) 

Дәвамы. Башын биредә укыгыз: http://www.syuyumbike.ru/blogs/?blogger=16&id=321 

 

1997 елның 5 ноябре.  

Без әкияти Италиягә килеп тә җиттек. Очкыч һавага күтәрелгәнче, мин чемоданымда Линардан тагын бер сюрприз «таптым»: кечкенә генә йомшак уенчык – куян. Аңа исә «Мин сине сагынам» дип язылган иде...  

Кесә телефоннары, интернетлар юк заман: Казанда ниләр булып ята – берни белмим. Бер нәрсәне генә тәгаен беләм – алдан билгеләнгән көнне мине әнидән «сорарга» һичшиксез киләчәкләр. Анысын аңларга өлгердем – Линар сүзендә тора торган кеше.  

Шул көнгә туры китереп, әни белән телефоннан сөйләшергә заказ бирдем. Инде көтәсе генә калды... Дөрес, сагынып, боегып утырырга вакыт юк: «Хыял» кызлары миңа боегырга ирек бирәме соң?! Аннан көннәребез минутына кадәр бүленгән: репетицияләр, чыгышлар, экскурсияләр, очрашулар... Без бит Италиядә! Римның үзендә! Әкияткә тиң бит бу! 1997 елда ук мин анда булдым, барысын да шул чакта ук күрдем дип уйласам, әле дә йөрәгем кысыла... Рим папасының үзе белән аудиенция булды бит әле! Ул безне үзе кабул итте! Күз алдына китерәсезме?! Аның фатихасын алу өчен католик динендәге кешеләр Римга бөтен дөньядан киләләр. Без бу аудиенция вакытында хәтта «Хыял» белән аңа татарча җыр да җырладык!  

Бөтендөнья хор фестивалендә катнашып, хәтерем ялгышмаса, без икенче дәрәҗә лауреат дипломына ия булдык.  

...Линар әти-әнисе белән мине сорарга килергә тиеш булган көнне җаным урынымда булмады. Башта мең сорау: «Килделәрме икән? Ничек узды икән?  Әни нәрсә дип җавап бирде икән? Бер-берсен ошаттылармы икән?» 

Кичне көчкә көтеп җиткездем. Сөйләшү пунктына йөгердем. Ниһаять, безне тоташтырдылар. 

– Алло! Әни, нихәл? Килделәрме? – дим. 

– Әйе, кызым, килделәр! Мин сине саттым! 20 ноябрь көнне синең никахың, кызым!  

Үзе сөйли, үзе елый. Аннан көлә...  

Егерменче ноябрь? Ничек инде? Мин бит Италиядән 17се генә кайтам! Күлмәк кайчан алам? Туфли? Тагын әллә никадәр әйбер кирәк бит әле... Моңа шул арада өлгереп буламени?!  

Чыбыкның икенче очындагы әни мине тынычландырырга кереште:  

– Кызым, бер дә борчылма, иң мөһим әйбергә мин инде заказ бирдем! Кайтуыңа калфагың әзер булачак! Күлмәк алырга да  өлгерербез. Линар безгә көн саен килеп йөри. Әкерен генә әзерләнәбез. Иң якын кешеләребезне генә чакырырбыз. Ә туй соңрак булыр... 

Кунакханәгә ничек кайтып җиткәнемне белмим: әллә җирдән атлап бардым, әллә күктән очып... Кызлар мине каршыма чыгым каршы алдылар: «Йә, ничек?» 

– Кызлар, саттылар мине! Саттылар... 

Язмышым минем шулай хәл ителде... 

Инде тизрәк өйгә кайтыр көнне, аннан да бигрәк дулкынланып 20 ноябрьне көтә башладым.  

Никахымның ничек узуын беләргә телисезме? Дәвамын көтегез!  
Поделиться:
Комментарийлар (0)
Cимвол калды:
Хәзер укыйлар
  • Балан ачылары Әйдәгез, без бу хатынның исемен күрсәтмибез. Шулай исемсез генә булсын ул. Аның ни атлы булуы мөһим дә түгел бит. Ул – шушы көндәлекләрнең хуҗасы.  Теләсәгез, бастырыгыз, гыйбрәт булсын дип, егерме ел элек язылган дәфтәрләрне, миңа биргән иде.
    8440
    1
    56
  • «Насыйбың булыр әле!» Әдибә эштән кайтып керде дә, бермәлгә ишек төбендә тукталып, йорт эченә күз салды. Их, күңелгә рәхәт тә соң нур бөркеп торган өеңә кайтып керүләре! Бар җирдә дә тәртип,
    6139
    3
    55
  • Югалткан мәхәббәт Фәридә Казандагы сәүдә йортында йөргәндә үзенең яшьлек мәхәбәтен очратып, имәнеп китте. «Айрат!» – дигән cүз әйтерсең хатынның теленнән кош кебек чыгып атылды.
    4525
    1
    48
  • SOS! Җанымны коткарыгыз! Бу язма – Бөек Ватан сугышы фронтларының алгы сызыгында көн саен үлем белән очрашып та исән-сау әйләнеп кайткан, ләкин гаиләдә икенче сугышка, ир тарафыннан җәбер-золымга эләгеп, дөньядан вакытсыз китеп барган хатын-кыз язмышы турында...
    5016
    1
    39
Реклама
Соңгы комментарийлар
  • 8 май 2021 - 11:40
    Без имени
    Аллам сакласын инде,якыннарына сабырлыклар бирсен, Аллахы тагалэ ярдэменнэн ташламасын.
    Илсөя Бәдретдинова авыр кайгы кичерә
  • 13 май 2021 - 05:26
    Без имени
    энисе бер кабатта охотага бармаган малайны нинди охотага бара ник кызыксынмаган.
    Илназ Галәвиевнең әнисе: «Берни белмәдем...»
  • 12 май 2021 - 23:16
    Без имени
    Мәктаптан ерак булмаган фатирда үзе генә яшәгән дип язылган бит. Төрле җирдә төрлечә.
    Илназ Галәвиевнең әнисе: «Берни белмәдем...»
  • 12 май 2021 - 21:39
    Без имени
    Барысыда тормыштан алып язылган хикэя
    «Насыйбың булыр әле!»
  • 13 май 2021 - 07:38
    Без имени
    Бу ханым без әйткәннәрне ишетми дә, аңламый да. Теләмәгәннән түгел, аның акылы томаланган әле. Йөргән кешеләр алар менә ул мине генә ярата, хатынын яратмый, без бәхетле булабыз, сез ул яратуны төшегездә дә күргәнегез юк, вәт мине сөяләр дип уйлый. Ә бер көнне теге ир(күбрәк алалр әйтә) бу вакытлыча гчына иде, әйдә туктыйк ди икән, бу ханым ярык тагарак янында калачак. Менә шунда гына иренең кадерле булганын аңлыячак, ну эш үткән. Ә ватык тәлинкә яңа булмый бит инде. Гаилә тормышы чатнаган. Бу ханым шуны үтмичә анламый. Кешенең табигате шулайдыр инде. Югалтмыйча булмыйдыр..
    Хисләремне ничек йөгәнлим?