Блоги
27-28 июль
Иртәнгә Прагага килеп тә җиттек. Монда безне дусларыбыз каршы алды. Аларда ял итеп, хәл-әхвәл белештек. Биредә без 4 көнгә калырга уйладык. Шәһәрдәге беренче көнебез тулысы белән диярлек ялга багышланды. Кичкырын бераз үзәк мәйданнарны әйләнеп, шәһәр белән кыскача танышып чыктык. Алдагы көнгә барасы урыннарны уйлаштык.
Вакыт соң булуына карамастан, үзәктә халык күп. Шаулый шәһәр үзәге! Нинди милләт вәкилләре генә юк биредә?! Соңгы ун ел эчендә туристлар саны кискен артты дип хәбәр иттеләр безгә. Ә шәһәр, чыннан да, кызыкмаслык түгел. Бу хакта инде без тулырак икенче көнне белдек. Дөресен әйтим, Прагадан мин бу кадәрле тәэсирләнермен дип көтмәгән идем... Бу шәһәр турында башлангыч мәктәптә укыган вакыттан ук ишетеп үстем. Прагага 90 елларда эше белән бәйле минем әни барып кайткан иде. Аның берничә альбом тулы фотоларын без даими актара идек. Архитектурасына бәйле бик серле, сихри шәһәр булып тоела иде ул миңа...
Иң элек Иске урын мәйданына (Староместская площадь) бардык. Атаклы астрономик сәгатьне карадык, биналар карап сокландык. Прагада тарихи биналар искитәрлек күп, үзара яраклашкан, зәвыкълы, уйланып, бер стильдә төзелгән. Мәйданнан бераз атлагач, Карл күперен уздык. Аннан Пражский град комплексына киттек...
Без шәһәрне тулысынча күрдек, аңладык, өйрәндек дип әйтә алмыйм: бирегә килгән һәр кунак күрергә тиешле урыннарны карап уздык. Болардан тыш күпме парк, матур урамнар, тарихи биналар, гасырлар буе сакланган урыннар бар бит әле...
Бу юлы без гизгән урыннарның саны артыннан куарга түгел, үз җаебызга атлап, шәһәр сулышын тоярга теләдек...
-
Күңелеңә җыйма
Алып китмәгез әткәйне!
Моннан тугыз ел элек булган бу кайгылы вакыйга турында язарга мин бик озак җыендым. Баштарак кечкенә идем. Сөйләп чыгарга көчем җитмәс дидем. Хәзер менә миңа 20 яшь тулды. Дөньяга карашым, язмышларны аңларга акыл-аңым да үсте.
-
Проза
Рәхмәтле тынлык (дәвамы)
– Ильясны беркая да бирмибез. Үзебез үстерәбез! – Җиңел булмаячак, Мират. Әмма бер уйда булуыбыз ярдәм итәр.
-
Язмыш
«Синнән башка...»
«Синнән башка» дигән бу җырның язылу тарихы турында аның авторы Динә ханым Мөхәммәтҗанова менә нәрсәләр сөйли.
-
Күңелеңә җыйма
Килен күңеленә ничек юл табарга икән?
Баштан ук әйтеп куям, дөрес аңлагыз – бу зарлану түгел, бары күңел бушату. Дус кызларыма да, туганнарымның берсенә дә болар хакында сөйлисем килми. Белеп торам, әгәр барысын да сөйләсәм, алар шундук киленемне хурларга тотыначаклар. Миңа исә бу кирәкми. Ул очракта киленемнән күңелем бөтенләй кайтачак, аннары аның белән ничек аралашырмын? Алда гомер озын бит әле. Ят кешеләр түгел, газиз, бердәнбер балаңның тормыш иптәше ләбаса. Араларны берничек тә кырт итеп кенә кисеп куя алмыйсың.
-
Сәламәтлек
Варикоздан, герпестан, хатын-кыз чирләре һәм кан басымыннан шифа бирә торган үлән
Әгәр берәр тапкыр өегездә бу үләнне киптергән булсагыз, бу сезнең гомерлеккә истә калачак. Аның исенә кашык манып чәй эчәрлек, шулкадәр хуш исле, баллы.
Комментарий юк