​Зөләйха тырунда... Израильдән шалтыраттылар

 Гүзәл Яхинаның Мәскәүдә рус телендә басылып чыккан «Зулейха открывает глаза» романы бер ел эчендә шактый укучыны үзенә җәлеп итте.
Шау-шу, бәхәсләр дә кузгатты. Иң мөһиме: әсәрне яратып кабул иттеләр. (Китап чыгу белән үк, «Сөембикә» журналы Гүзәл Яхинаның үзе белән таныштырып, әсәрдән өзекләр биреп, узган елның сентябрендә үк укучыларны ымсындырып куйган иде инде!)

Беренче тапкыр 3 мең тираж белән дөнья күргән китап, яңадан берничә тапкыр нәшер ителеп, 60 мең тираж белән таралды. Романны күп телләргә тәрҗемә итәргә алындылар.  Татарстан китап нәшрияты бу көннәрдә әсәрнең татарчага тәрҗемәсен – «Зөләйха күзләрен ача» романын укучыларга тәкъдим итте.

Шул уңайдан Бауман урамындагы 19 нчы йортта, тарихи Тукай залында яңа китапны тәкъдим итү чарасы оештырылды. Анда әсәрнең авторы Гүзәл Яхина, татар теленә тәрҗемә иткән язучы Флера Тарханова, Татарстан китап нәшрияты директоры Илдар Сәгъдәтшин, язучылар, журналистлар, китапханәчеләр, китап сөючеләр килгән иде. Китап тиз арада тәрҗемә ителеп, ике ай эчендә басылып та чыга. Әсәрнең татарчасын укып чыгучылар, теле матур, бизәлеше күңелгә ятышлы, диләр. Рәссам Ринат Хәсәншин бизәлешендә ул тагын да җылырак, милли төсмерләр белән баеп кабул ителә.

Гүзәл Яхина әсәрнең татар теленә – үз туган теленә тәрҗемә ителүенә бик сөенгән. Әсәрне укыган, үз фикерен җиткергән һәркемгә рәхмәтле булуын әйтә. Хәтта кайбер тәнкыйть сүзләренә дә үпкәләми. Дәү әнисе Рәисә Шакирова язмышына багышланган романны кулдан-кулга йөртеп укыйлар. Язучыга әсәрнең язылу тарихы, персонажларның исемнәре, төп герой Зөләйханың прототибы кем булуы турында сораулар бирәләр. Милли китапханә хезмәткәрләре әлеге әсәрне укучылар аеруча яратып, сорап, эзләп табып укый торган популяр роман, дип билгели. Гомумән, әсәргә карата да, китап авторы адресына да җылы сүзләр яңгырый. Әнә, «Чаян»ның элеккеге баш редакторы, танылган журналист Рәшит Зәкиев нәрсә ди: «Миңа Зөләйха турындагы әсәр турында иң беренче булып... Израильдән шалтыраттылар. Күптән аралашкан коллегам: «Гүзәл Яхина сезнекеме ул? Искиткеч әсәр язган!» – ди. Китап әле юк. Интернеттан табып укый башладым. Тетрәнеп, сокланып, исем китеп укыдым. Аннары тагын бер коллегам, танылган журналист Болгариядән шалтыратты, «Зулейха открывает глаза»ны яратып укуын әйтте. Гүзәл сеңелем, гаҗәп әсәр язгансыз!.. Китабыгыз килеп ирешкәч туган шау-шуны, кайбер акылсыз, көнче кешеләр әйткәннәрне, зинһар, игътибарга алмагыз!»

Журналист Алсу Бикбаевага әлеге китапны университетта бергә укыган группадашы Татьяна Устиновская бүләк иткән икән. Романның татарчасын сатып алып, ул автордан автограф алырга ашыкты. 

«Зөләйха күзләрен ача» романы инде китап  кибетләренә сатуга чыкты. Ул үз укучыларын табар, китап сөючеләр аны яратып кабул итәр дип ышанасы килә.              

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Реклама
Соңгы комментарийлар
  • 9 август 2022 - 17:46
    Без имени
    Хатын кыйнаган кешенен туктаганын кургэнегез бармы?! Хатынга бер суккан кеше беркайчан кыйнаудан туктамый! Беркайчан! Донья кургэн эти эни буларак сез моны анларга тиеш. Картая картая кул белэн уйный торган кеше эшэкелэнэ генэ сэбэпле-сэбэпсез кул кутэрэ. Сез нинди генэ суз эйтсэгездэ тозэтеп була торган тугел! Кызыгыз яшьлеге белэн генэ белгертмэскэ,ярарга тырыша, тозэлер дип омет итэ. Димэк эти энигэ бергерткэн очен тагын кыйнаган?! Белгертэсе килмэсэ дэ кешегэ беленми кала торган эш тугел бу. Эле кызнын таянырга эти энисе тигез. Шуны белэ торын кияу кыйный. Эти энисез яклаучысыз калгач ни кыланачак бу кияу?! Бу кеше белэн яшэсэ алдагы гомерен кыйналып яшэячэк кыз. Кыйнап имгэтэчэк хичшиксез иртэме сонмы. Имгэнгэн хатын иргэ кирэк тугел! Кешедэн ким булып яшисе килми. Белгертэсе килми. Парлы матур тормышта яшисе килэ. Цена вопроса кызыгызнын сэлэмэтлеге. Эти эни якламаса кем яклар?!
    Кияү кызыбызны кыйный?
  • 9 август 2022 - 23:11
    Без имени
    Кем нэрсэ язасы килэ шуны яза, без укыйбыз вахыт эрэм итеп
    Асылташ
  • 9 август 2022 - 09:35
    Без имени
    Ряхмят!Бик яхшы язасыз
     Гомерем усал кайнана, исерек ир белән үтте 5
  • 9 август 2022 - 11:39
    Без имени
    Бигерәк күп күргән сез. Кайтмаска иде, үсәр иде бала. Ййй язмышлар
     Гомерем усал кайнана, исерек ир белән үтте 5
  • 8 август 2022 - 12:19
    Без имени
    Ирегез белән барып, утырып күзгә күз карап сөйләшәсегез калган.Телефо6ан решать итеп буламыни
    Кияү кызыбызны кыйный?
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда