​Тынычлыкны югалтканчы кадерен белмибез: “Мөхәммәдия”дә экстремизмга каршы лекция укылды

Мөселманнар теленнән һәм кулыннан бер мөселман да зыян күрергә тиеш түгел - лекциядә шул хакта билгеләп үттеләр.

Бүген Казанның “Мөхәммәдия” мәдрәсәсендә экстремизмның зыяны турында дәрес бирделәр. Аны быел укырга кергән 64 шәкерт, шулай ук өлкәнрәк курс укучылары да тыңлады. “Экстремизмга – юк!” айлыгы кысаларында мондый лекцияләр барлык ислам уку йортларында уза.

“Мөхәммәдия” мәдрәсәсе директорының укыту-тәрбия буенча урынбасары Зөлфәт хәзрәт Габдуллин мондый чараларның үзебезнең арада экстремизм күренешләренә юл куймау өчен әһәмиятле булуын билгеләп узды. Гомумән, ул экстремизмның ни белән янавы турында һәр дәрес башында искәртелүен белдерде.


Мөгаллим Габделмәлик хәзрәт Сәмигуллин Исламның тынычлык дине булуын ассызыклады. “Тынычлыкны югалтканчы аның кадерен белмибез. Тынычлык какшаган башка төбәкләрдә, илләрдә халыкның нинди михнәт кичерүен күреп кенә тынычлыкның нинди кыйммәтле төшенчә булуын аңлыйбыз”, - дип ул шәкертләргә моны һәрвакыт истә тотарга киңәш итте. Габделмәлик хәзрәт мөселманнар теленнән һәм кулыннан башка мөселманнар зыян күрергә тиеш түгеллегенә басым ясады. “Мөселман тату яшәргә тиеш. Болгавыр, буталчык күренешләргә юл куелырга тиеш түгел. Иблис кешеләрне юлдан яздырырга тырыша, аларның бер-берсе белән дошманлашуын тели. Барлык мөселманнар үзара тату яшәсен иде”, - дигән теләктә калды Габделмәлик хәзрәт.

Сириядән күчеп килгән остаз Гадел әл-Хөсәен тынычлыкның кадере турында берничә сүз белән мөрәҗәгать итте. Качак булып килгән бу мөгаллим тынычлыкның нинди кыйммәтле булуын бик яхшы белә, чөнки сугыш, тынычсызлык аның үзәгенә үткән. Бирегә ул хәләл җефете белән күченеп килгән. Өченче кызы да Казанда тормышта. Ул шәкертләргә Ислам һәм террор төшенчәләренең бер-берсенә каршы килә торган булуын билгеләп үтте.


“Мөхәммәдия” мәдрәсәсе директоры урынбасары Наил хәзрәт Яруллин да, тынычлыкны югалтканчы аның кадерен белмәвебезгә игътибарны юнәлтте. “Без гел шулай булачак дип уйлыйбыз, ләкин җәмгыятьне какшатырга омтылган төрле оешмалар бар, алар бөтенесе көнбатыш ягыннан килә. Мөселманнарны котырталар , аларга ят фикерләр тагалар, шул фикерләрне хак дип уйлап, фетнә күтәрәләр. Шулай итеп, ислам дәүләте төзеп, гаделлек урнашачак дип уйлый алар. Фирка һәр проблеманы хәл итәргә вәгъдә бирә, торак һәм башка мәсьәләләрне дә. Шулай итеп, кешене алдыйлар. Кайвакыт ул “Хизб-ут Тахрир”, мәсәлән, дәүләт булмаса, ислам кануннарын үтәмәсәк тә була, дип әйтә иде. Кайвакыт алар ураза да тотмый, намаз да укымый, янәсе ислам дәүләте юк. Шулай итеп, кешеләр алдана”, - дип сөйләде Наил хәзрәт. Ул шәкертләргә аларның китапларыннан ерак торырга киңәш итте. “Алар кешеләрне гаиләләре белән үзләренә җәлеп итә, ләкин алар сүзенә ышанып китүчеләр берсе дә баемады, бәхетле дә булмады”, - ди Наил хәзрәт.

“Мөхәммәдия” мәдрәсәсе директорының укыту-тәрбия буенча урынбасары Зөлфәт хәзрәт Габдуллин шәкертләргә мәдрәсәдәге кагыйдәләргә буйсынып укырга тиешлекләрен искәртте. Беренче чиратта, бу тышкы кыяфәткә кагыла. “Без кием белән дә үзебезне дөрес тәкъдим итәргә тиеш. Шушы җәмгыятькә туры килә торган мөселман булырга тиешбез. Киемебез эчке халәтебезне, ислам нормаларын чагылдыруы зарур. Бу җәмгыятьтә яшәүче башка кешеләр мөселманнар, ислам дине хакында дөрес күзаллаулы булырга тиеш”, - дип мөрәҗәгать итте.


Златоустьедан килгән Андрей (Абдурахман) Негребецких быел шушы мәдрәсәгә танышлары тәкъдиме белән укырга кергән. “Әнинең танышы шундый киңәш биргәч, Казанга килергә уйладым. Әтием – рус, әнием – татар, әтием христиан динендә булса да, кечкенәдән ислам динендә тәрбияләндем. Тугач та, миңа ислам динендәгечә исем кушканнар. Балачактан дин белән кызыксындым, ислам тарихы турында да, Коръәнне дә рус телендә укыдым”, - дип сөйләде ул “Татар-информ” агентлыгы хәбәрчесенә.

Сылтама: http://tatar-inform.tatar/news/2017/09/20/148628/

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Оясында ни күрсә... Оясында ни күрсә ...Очканында шул булыр. Халкыбызның буыннан-буынга күчеп килгән әлеге мәкале бүген дә үзенең актуальлеген югалтмый. Ә очар өчен һәр кешегә ныклы канатлар, кайтырын сагынып көтә торган нигез кирәк. Бала өчен ул башта ата-ана йорты булса, үсә төшеп насыйбын очраткач, үз өенә әверелә. Бүгенге геройларыбыз Земфира һәм Рамил Әхмәтшиннарның йорты да хәзер туганнарны гына түгел, балаларны, оныкларны бергә туплый торган җылы учак булып тора.
    2708
    28
    251
  • Үгиләр... Илзирә бүген әбисенә төшеп китте. Әнисенә үпкәләде. Үз әтисе үлеп, икенче иргә кияүгә чыкканнан соң әнисе ике арада өзгәләнә: бер яктан балалары, икенче яктан яңа ире. Ир – ир инде ул. Ничек Илзирәгә ышанмый әнисе?! Ана кеше иренә түгел, кызына ышансын өчен нәрсә эшләргә кирәк бу Хариска? Башка чыдар хәле калмады бугай кызның...
    7230
    2
    106
Реклама
Соңгы комментарийлар
  • 27 октябрь 2021 - 02:02
    Без имени
    Рэхмэт🙏🙏🙏👍👍👍
    "Хатын-кызларны күралмый башлаган идем..."
  • 26 октябрь 2021 - 21:51
    Без имени
    Урыс, татар, дип аермау - диннән ерак булудан килә. Милләт тә шулай югала инде.
    Язмыш шаяруы
  • 26 октябрь 2021 - 19:22
    Без имени
    Гомер буе үзе дә буталчык яшәгән, язма да шулай. Һәр кемнең үз юлы, язмышы. Киңәш сорар киләләр дип арттырып та җибәрәсез. Кем кемнән сорап чыга соң ул?! Сез ханым үәегезне бик диндар, акыллы, гел хәзрәт белән генә киңәш итеп яшәгән кеше шикелле кыланасыз. Язмагыз ышандырмады. Бәлки башка кешеләр язарлар
    Язмыш шаяруы
  • 26 октябрь 2021 - 15:49
    Без имени
    Экият
    Җәннәт... Иреңнең аяк астында
  • 26 октябрь 2021 - 12:46
    Без имени
    Нәфисә ханым да август аеннан бирле караңгы гүрдә..... Кабере нур белән тулсын.Бездән риза булып ятсын.
    Сыналган мәхәббәт
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан