Төньяк башкалада - татар рәссамнары

Татарстан Республикасының Санкт-Петербург һәм Ленинград өлкәсендәге Даими вәкиллегендә "Туган як киңлекләре" дигән күргәзмә ачылды. Күргәзмәнең төп максаты - авторларның туган яклары белән бәйле татар темасын бар матурлыгы белән чагылдыру, дип хәбәр итә вәкиллекнең матбугат хезмәте.

Күргәзмә экспозициясендә Петербургта гомер итүче татар рәссамнары Илдус Вахитов, Роберт Мифтахетдинов, Лариса Әхмәдиева, Эльмира Мостафина, Екатерина Чиханова һәм скульптор Әхнәф Зыякаев әсәрләре урын алган. Анда 30дан артык картина тәкъдим ителгән.

Ачылыш тантанасында Татарстан Республикасының Санкт-Петербург һәм Ленинград өлкәсендәге Даими вәкиле Ренат Вәлиуллин, дизайн һәм декоратив-гамәли сәнгать факультеты деканы Екатерина Чиханова, графика һәм сынлы сәнгать кафедрасы укытучылары Людмила Корюкова һәм Борич Берсенадзе катнашкан. Шулай ук чарага күп санлы иҗат әһелләре, милли-мәдәни һәм яшьләр оешмалары вәкилләре дә килгән.

Күргәзмәдә урын алган картиналарның күбесе авторларның туган ягына багышланган. Аларда чәчәкле болыннар, авыл күренешләре, татар халкының гадәти көнкүреше сурәтләнгән.

Биредә эшләре тәкъдим ителгән Лариса Әхмәдиева 1994 елда Н.И.Фешин исемендәге Казан училищесын тәмамлаган. Аның биографиясе Швейцариянең «Who is who» энциклопедиясенә кертелгән. Рәссамның эшләре Россия һәм чит илләрнең шәхси һәм дәүләт коллекцияләрендә, "Зөя шәһәр-утравы" Дәүләт тарихи-архитектура һәм сәнгать музеенда саклана. Россия шәһәрләре һәм чит илләрдә халыкара күргәзмәләрдә катнашкан.

Роберт Мифтахетдинов исә "Санкт-Петербург ирекле рәссамнары вернисажы" иҗтимагый оешмасы, Санкт-Петербург Татар милли-мәдәни мөхтәрияте карамагындагы "Алтын" иҗат секциясе һәм Санкт-Петербург Рәссамнары берлеге әгъзасы. Казанда туып-үскән, башлангыч сәнгать белемен Татарстанда алган, аннары Төньяк башкалага килеп В.И.Мухина исемендәге Санкт-Петербург сәнгать-сәнәгать академиясен тәмамлаган.

Илдус Вахитов 2012 елда Төбәкара икътисад һәм хокук институтының "Декоратив-гамәли сәнгать һәм халык кәсепчелеге" факультетын тәмамлаган.  "Петербург шәхесе" Тарихи-мәдәни үзәге премиясе лауреаты. 2013 елдан Россия Рәссамнары берлеге әгъзасы.

Эльмира Мостафина Чистайда туган. Республика, Россия һәм халыкара күргәзмәләрдә катнаша. 1998 елда Н.И.Фешин исемендәге Казан сәнгать училищесын тәмамлаган. 2004 елда И.Е.Репин исемендәге Санкт-Петербург дәүләт академия сәнгать, скульптура һәм архитектура институтының графика факультетын бетергән. Рәссамның эшләре Төньяк башкаладагы Пушкин йортында, Россия һәм башка илләрдәге шәхси коллекцияләрдә саклана.

Екатерина Чиханова М.Акмулла исемендәге Башкорт дәүләт педагогика университетының сәнгать-графика факультетын, Санкт-Петербург дәүләт университеты аспирантурасын тәмамлаган, психология фәннәре докторы, дизайн һәм декоратив-гамәли сәнгать факультеты деканы. Халыкара һәм Бөтенроссия күргәзмәләрнендә еш катнаша.

Әхнәф Зыякаев - Россия Рәссамнар берлегенең Санкт-Петербург бүлегендә скульптура секциясе әгъзасы. Шәһәрдә Габдулла Тукай һәм Муса Җәлилгә куелган һәйкәлләр авторы. Аның эшләре Дәүләт Рус музее, Татарстанның беренче Президенты Минтимер Шәймиевта, Россия һәм чит илләрдә шәхси коллекцияләрдә саклана.

Күргәзмәне оештыручыларның берсе Илдус Вахитов билгеләп узганча, күргәзмәне башта Кронштадта оештырырга теләгәннәр. Әмма Татарстанның Даими вәкилллеге ярдәме белән аны Санкт-Петербургка күчергәннәр. "Күргәзмә белән кызыксынучылар күп. Бүгенге тантанага да алтмышлап кеше килде. Киләчәктә дә мондый чаралар оештырырга ниятлибез", - дип белдерде ул. Сүз уңаеннан, аңа милли мәдәниятне саклап калу һәм популярлаштыруга керткән өлеше өчен Татарстан Республикасы Мәдәният министрлыгының "Мәдәнияттәге казанышлары өчен" дигән күкрәк билгесе, ә күргәзмәдә катнашучыларга Рәхмәт хатлары тапшырылды.

Татарстанның Санкт-Петербургтагы Даими вәкиле Ренат Вәлиуллин сүзләренчә, алар элегрәк тә Төньяк башкалада яшәп иҗат итүче Сания Бәхтиярова, Рәшит Гыйләҗев, скульптор Венера Абдуллиналарның күргәзмәләрен үткәргән. "Бу бер яктан җәмәгатьчелекне милләттәшләребез иҗаты белән таныштыру булса, икенче яктан сәнгать әһелләренә ярдәм итүнең бер юлы. Алга таба да бу юнәлештә эшләрбез", - дигән ышаныч белдерде ул.

чыганак: http://tatar-inform.tatar/news

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Син минем балам! – Нихәл, улым! – Айдар Фидаилевич ак биләүдәге бәбине күтәреп, битенә үк терәде. Үз гомерендәге иң шатлыклы көне бүген аның! – Рәхмәт сезгә, Ләйлә! Бу бәхетне бүләк иткәнегез өчен. – Ир баланы күтәргән килеш Ләйләгә борылды. Хатын елый иде. Башта яшерен генә тамган күз яшьләре тора-бара тоташ үксүгә әверелде.  – Ай-дар... Фи-даи-левич... ба-ла-ны бир-мим... Бирә... ал-мыйм... – Ләйләнең бу сүзләре иңрәү булып чыкты. 
    11245
    5
    141
  • Бозым Сихерчеләр, имчеләрне никтер картаеп-бирчәеп беткән карчыклар кыяфәтендә генә күзаллый иде моңарчы Галия. Аларның яшәгән йорты да каядыр бер читтә, аулакта булырга тиеш иде кебек. Ул йорт үзе үк күңелдә шик уятырга, шом кертергә тиеш...  Ачык йөзле, ак яулыклы апа каршы алды аларны.
    6874
    1
    91
  • 7857
    2
    52
  • Ялгыш очрашу Инде ничә ел үткән, әмма аны күргән саен, атлап барган җирдән адымнарын әкренәйтә, йөзенә иңгән гаепле елмаюын махсус җыерылган кашлары астына яшерергә тели. Оныта алмый бугай шул...
    8902
    1
    49
Реклама
Соңгы комментарийлар
  • 25 сентябрь 2020 - 01:53
    Без имени
    Мин Дэ нэкъ шулай 32 яшемдэ 2 кызым белэн ялгыз калдым,ирем бер хатын бн чыгып китте ,1 елдан кире кайтты, гафу итэ алмадым,шартлатып араны оздем.Ул хатыннан-хатынга йореп,45 яшьтэ асылынып улде,чыгып киткэн хатын 10 еллап, психбольницада яши.Э мин ,Аллага шокер ,ирлэр булдыра алмаган ирлэр эшен эшлэп,кызларымны устереп,эле Дэ исэн- сау эшлэп ятам.Хатын-кыз ялкау булмаса,беркайчан да югалмый,аларга АллахеТэгалэ безгэ коч бирэ.
    Бәясен белгән хатын-кыз көчле ул...
  • 25 сентябрь 2020 - 02:10
    Без имени
    Минем кияу Дэ нэкъ шулай качып-посып ,никах укытып,узенен классташы белэн 5 ел инде яшэп ята.10 еллык классташлар очрашуыннан сон айный алмады.Бик тырышып яшерсэ дэ,тэжрибэле кузгэ куренеп тора.Ул да шуннан сон дин юлына кереп китте.Имеш диндэ 4 хатын да рохсэт ителэ.Узлэре бугенге кондэ БИК рэхэт яшэсэлэр дэ,ата-ананын азгынлыгы очен балалар узлэренен авырулары,газаплы тормышлары ,улемнэре белэн жавап бирэ.Чонки рэнжу,куз яшьлэре узенэ тошмэсэ,балаларга тошэ.Хэр кеше шуны онытмасын Иде.Алар бит ойгэ кайтасы акчаны,гаилэнен зур ойлэр салып,иркен тормышта яшисе доходларын илтеп икенче хатынга бирэ.Гаилэдэ беркайчан да артык акча булмый.Ойдэге хатын белэн бергэлэп эшлэп,чит хатынны содержать итэлэр.2 нче хатын булып яшэргэ ризалык бируче хатыннар,акылыгызга килегез,ул ирлэрнен акчасы тозлы куз яшьле,рэнжешле акчалар,беркайчан сезгэ бэхет китермэячэк,авырлык,авырулар белэн корэшу очен тотылып бетэчэк.
    Бәясен белгән хатын-кыз көчле ул...
  • 23 сентябрь 2020 - 15:08
    Без имени
    👍👍👍
    ​ Адашкан шәүләләр
  • 23 сентябрь 2020 - 19:18
    Без имени
    Великовозрастный балаларны карарга жигелергэ кем кушты? Узегез гаепле бит!!!
    Ана рәнҗүе төшәргә дә мөмкин
  • 23 сентябрь 2020 - 15:25
    Без имени
    Шундый тәрбияви әсәрләр иҗат итүчеләр бик сирәк шул.Урының җәннәт түрләрендә булсын иде,Туфан абый
    Сиңа дигәне...
Реклама
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...