К. Тинчурин исемендәге татар дәүләт драма һәм комедия театры театраль сезонны премьера белән башлый. Сентябрь башында алар Айгөл Әхмәтгалиеваның «Йөрәккә дә ремонт кирәк!..» комедиясен чыгара. Аны чакырылган режиссер сәхнәләштерә. Бу уңайдан матбугат очрашуы узды.
Башкортстанның Заманча драматургия һәм режиссура үзәгенең сәнгать җитәкчесе Зиннур Сөләйманов моннан җиде ел элек тинчуриннар белән эшләгән иде инде. Бары дүрт актер – Зөлфия Вәлиева, Ирек Хафизов, Гөлчәчәк Хафизова, Рөстәм Гайзуллин катнашында «Нәзер» спектакле куйды. Ул тамашачылар тарафыннан бик җылы кабул ителде. Режиссер кабат әлеге актерлар тандемы белән эшләячәк. «Мин инде әлеге актерларны беләм.», – дип аңлатты ул сайлавын.
«Ялгызлык турындагы лирик комедиядә тамашачы үзе тирәсендәге кешеләрне танымый калмас. Актуаль темага багышлаган», – дип кызыксындырды театры директоры Фәнис Мөсәгыйтов.
Ул аның кранын төзәтә, ә ул исә аны, өметсезлектән аралап, аның тормышын көйли… Спектакльнең эчтәлеген кыскача әнә шулай тасвирлап булыр иде дип язылган театрның рәсми сайтындагы афишада. Ирек Хафизов әнә шул сөюгә сусаган бер сәгатькә ир образын уйнаячак. Ә Зөлфия Вәлиева таза хатын ролендә. Рәссам аңа тазалыкны катлы-катлы итеп киендереп түгел, башка технология белән ясаган. «Муенга кадәр үзгәреп, сәхнәдә тирләп-пешеп йөриячәкмен», – диде актриса.
«Бу спектакльне карагач һәр ялгыз үз парын табачагына ышаначак. Халык күңеленә хуш килә торган комедия», – ди тинчуринлылар
Фото: театрның рәсми сайтыннан.
Следите за самым важным и интересным в Telegram-каналеТатмедиа
Чулпан ГАЛИӘХМӘТОВА,
Комментарий юк