Татарстанда урып-җыю – финиш сызыгында

Бүгенгә суктырып алынган ашлыкның күләме 4 миллион тоннадан артып киткән. Татарстан буенча уртача уңыш гектарыннан 27,1 центнер тәшкил итә. Буа, Азнакай, Сарман, Арча, Зәй, Актаныш районнары - алдынгылар рәтендә.


24 август мәгълүматларына караганда, 28 район урып-җыю эшен тәмамлаган. Әгерҗе, Аксубай, Әлмәт, Баулы, Бөгелмә, Чүпрәле, Яшел Үзән, Кама Тамагы, Лаеш, Менделеевск, Мөслим, Яңа Чишмә, Питрәч, Чирмешән, Ютазы районнарында да урак төгәлләнү алдында.

Кемдер тырыша, кемдер кул селти...

Марат Әхмәтов, Татарстан авыл хуҗалыгы һәм азык-төлек министры:
- Урып-җыюны сузу, һичшиксез, югалтуларга китерәчәк. Хуҗалыклар моны аңлап, бушаган һәр техниканы үз территориясенә кертергә тырыша. Әгәр хуҗалыкларның күпчелеге игенчелек культуралары технологияләренә битарафлык күрсәтмәсә, уңыш тагын да күбрәк булыр иде. Бер үк һава шартларында бер хуҗалык гектарыннан 35-37 центнер уңыш алуга ирешсә, икенчеләре көч-хәл белән 22 центнер җыя. Моның сәбәбе – безнең шартларга яраклашкан орлыкларны сайлауда, дым саклау элементларын гамәлгә кертүдә йомшаклык күрсәтүгә бәйле.
 
Мисал өчен, Чирмешән, Лениногорск, Яңа Чишмә районнарында 100-130 миллиметрга кадәр явым-төшем булса да, уңыш гектарыннан 24-26 центнердан артмый. Зәй районында 61 миллиметр гына явым-төшем күзәтелгән, әмма уңыш гектарыннан 37 центнерга кадәр җиткән.


Бер кискән икмәк кире ябышмаган кебек, быел урып-җыюда артта калучыларның алдынгыларны куып тота алмавы көн кебек ачык. Тик Марат Әхмәтов фикеренчә, бүген – хаталарны төзәтер өчен иң кулай вакыт.


Быел Татарстанда ашлык балансын кукуруз исәбенә тулыландырырга җыеналар. Әлеге культура республикада 100 мең гектар мәйданда чәчелгән. Зәй, Мамадыш районнарында аны инде суктыра да башлаганнар. “Күп кенә районнарда комбайннар өчен махсус ургычлар җитми. Бөтен Татарстанга нибары 163 шундый ургыч бар”, – ди министр.  Быел шулай ук көнбагыш басулары да күзләрне иркәли. Бу төр культураның майлылыгы да югары булуын билгеләп узалар.

Мөслимлеләргә активлык җитми
Бу атнада Татарстан Президенты Рөстәм Миңнеханов Мөслим районына сәфәр кылды. 2013 елдан бирле әлеге районда авыл хуҗалыгы техникасын яңарту эшләре бара. Бу максатларга инде 340 миллион сумга якын акча тотылган: барлыгы 39 комбайн сатып алынган. Авыл хуҗалыгы комплексы биналарын төзекләндерүгә дә зур игътибар бирелә. Мисал өчен, 2016 елда бу юнәлештә 162 миллион сумлык ярдәм күрсәтелгән. Татарстан Президенты Мөслим районы хезмәтчәннәренә  активлыкны тагын да арттырырга чакырды.


˜ – Мөслим районының мөмкинлекләре бик зур. Ләкин алар әле тулысынча ачылып бетмәгән. Сез күп кенә күрсәткечләр буенча эшегезне яхшырта аласыз. Без, үзебезнең чиратта, тиешле ярдәм күрсәтербез, – диде Рөстәм Миңнеханов.


Президент мөслимлеләр алдыда 2020 елга кадәр авыл хуҗалыгы продукциясе җитештерү буенча беренче унлыкка керү бурычын куйды.


Соңгы елларда һава шартлары артык сөендермәсә дә, игенчелек тармагында Татарстан илебез төбәкләре арасында бишенче урынны били. Республикабыз төп азык-төлек продуктлары буенча үз-үзен тәэмин итә, артыгын күрше төбәкләргә дә чыгара.

сылтама - http://intertat.ru/tt

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Кар патшабикәсе Билгеләнгән вакытта кафеда иде инде кыз. Ишекне ачып керде дә, ярым буш залга күз йөртеп, үзенә кирәкле кешене эзләде. Гомерендә беренче күрүе булса да, ул аны әллә каян таныды. «Снежная королева!» – дигән уй сызылып үтте кабат. Ханбикәләрдәй затлы иде ханым.
    8665
    1
    115
  • Хәшәрәт – Әни, без Фәридә белән өйләнешергә булдык. Син каршы түгелсең бит, әйеме? Зөлфия, улының бу хәбәренә күптән әзер булса да, каушап калды. Бу минутта теленнән нинди генә сүз төшсә дә, ничектер урынсыз, ялгыш булыр кебек тоелды.
    7722
    1
    112
  • Тапшырылмаган имтихан Без еш кына: «Күргәннәрдән китап язырлык, кино төшерерлек», – дибез. Беркемнең дә язмышы ал да гөл түгел. Тик кайберәүләр, аның кире якларын оста итеп яшерә,
    5642
    4
    80
  • Гомернең ике яры Бездә бүген – дебют! Гөлнур Сафиуллинаның дебюты! Ниһаять!.. Аның хикәяләр яза башлавын бик көткән идек без. Хәер, Гөлнурның журналист язмалары ук чын хикәя итеп кабул ителә: йә елмаеп, йә күз яшьләрен тыярга тырышып укыйсың... Ә геройлары үзенә охшаган: тыйнак, акыллы, сизгер күңелле, серле... Кечкенә генә бер сүзе, карашы, хәрәкәте белән дөньяларны үзгәртә, гап-гади тормышны ямьгә төрә белгән... Менә шулай! Хикәяләрендә – фәлсәфә, хисләр, сизгер хатын-кыз йөрәге, тагын әллә ниләр – кыскасы, өр-яңа халәт!
    4721
    6
    53
  • Карындашым – көндәшем  Язын чәчәк аткан алмагачның чәчәкләре ап-ак, бик матур. Ләкин нигә соң алмаларының тәме бертөрле түгел? Берсе баллы, ә икенчесе, карар күзгә матур булса да, эчендә – корт. 
    8152
    2
    48
Реклама
Соңгы комментарийлар
  • 5 март 2021 - 19:29
    Без имени
    Балага 40 конда юк,азырак саклау карактер ул
    Гүзәл Уразова сабые белән хастаханәдә
  • 5 март 2021 - 20:03
    Без имени
    Куз тиядер тугач та фотасын куя башлыйлар бит 40 консез чит кешегэ курсэтмилэр иде бит элек
    Гүзәл Уразова сабые белән хастаханәдә
  • 5 март 2021 - 21:25
    Без имени
    Нинди генә җуләрлекләр эшләми адәм баласы.
    Җиңгәм: «Чибәр ирләр уртак булалар», – диде...
  • 5 март 2021 - 10:20
    Без имени
    Минем кызым да кияүнең беренче хатыны 2 яшьтә ташлап киткәнбаласын тәрбияли (икенче баласын икенче иренә ташлап китте). Ташлап китсә дә интернет челтәрендәге сайтларда "Минем өчен иң кадерле кешеләрем -улларым. Алар өчен генә яшим",-дип яза. Ә үзе бер ирдән икенче иргә йөри. Менә шундый тормыш.
    Әллә?!
  • 5 март 2021 - 11:13
    Без имени
    Мокшы икенче торле эйткэндэ мордва буламы?
    Мокшыларда туйда булдык
Реклама
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...