Татар китабы интернет киңлекләрен яулый

“Татар әдәбияты үзәге” порталы быел Татар китап нәшриятын эшләтеп җибәрергә планлаштыра. Бу хакта бүген "Татмедиа" Республика матбугат һәм массакүләм коммуникацияләр агентлыгының 2015 елдагы эш нәтиҗәләре һәм 2016 елга бурычлар турында"гы киңәйтелгән утырышында нәшрият директоры Илдар Сәгъдәтшин сөйләде.
Ул үз чыгышында, 2015 елда Татар китап нәшрияты 194 китап чыгарды, гомуми тираж 400 мең нөсхәдән артып китте, дип белдерде. 114 китап – социаль әһәмиятле әдәбият, аларның тиражы – 260 мең нөсхә. Китаплар сатудан кергән керем 5 процентка артты, дип билгеләп үтте И.Сәгъдәтшин. Чиста керем үсеш динамикасы 10 процент тәшкил иткән, ә складларда сатылмаган китаплар саны 56 процентка кимегән.
Татар китап нәшрияты директоры татар теле һәм әдәбияты буенча уку әсбапларын электрон формага күчерү, аннары аларны федераль дәреслекләр исемлегенә кертү буенча эш алып барыла, дип сөйләде. Бу исемлеккә 12 дәреслек кертелгән инде. 34 дәреслек экспертларның уңай бәясенә ия булды һәм федераль исемлеккә кертү өчен РФ Мәгариф һәм фән министрлыгына юнәлдерелгән.
Моннан тыш, 2015 елда татар теле һәм әдәбияты буенча 46 электрон дәреслек булдырылган. Алар IOS, Android, Windows операцион системалары булган корылмаларда ачык. “Тагын 13 дәреслек әзерләү һәм федераль исемлеккә кертү планлаштырыла”, - диде Сәгъдәтшин.
Ул шулай ук социаль челтәрләрдә эшләрне активлаштыруга игътибарны юнәлтте, шуннан соң сайтта сатылган китаплар саны 10 тапкыр артты, ә керем - сигез тапкыр.
Аның сүзләренә караганда, Россия төбәкләрендә нәшрият китапларын сату географиясе киңәйгән. Әгәр 2014 елда андый төбәкләр 16 булса, 2015 елда – 37.
Татар әдәбияты белән кызыксынучылар өчен бердәм мәйданчык юк, булган ресурслар нык искергән, дип белдерде нәшрият директоры. Шул ук вакытта татар әдәбияты белән кызыксынучылар Татарстанда да, аннан читтә дә арта. Шуңа күрә Татар китап нәшрияты бердәм мәгълүмат җирлеге булдырырга планлаштыра. “Онлайн-мәйданчык «Таткнигафонд», «Таткнига» сайтлары, интернет-кибетләр һәм бушлай онлайн-китапханәләр мөмкинлекләрен берләштерә һәм татар әдәбиятын популярлаштыру һәм саклау өчен этәргеч булачак”, - дип саный И.Сәгъдәтшин.
Проектны ике этапта тормышка ашыру планлаштырыла. Быел “Татар әдәбияты үзәге” булдыру һәм аның базасында интернет-кибет ачу ниятләнә. Онлайн-китапханә һәм аралашу мәйданчыгы 2017 елда эшли башлаячак.
Порталда төрле телләрдә язылган һәм төрле нәшриятләрдә басылган, татар мәдәниятенә кагылышлы төрле жанрдагы әсәрләр урнаштырылачак. Китапларны бушлай яки компьютергә күчереп алып түләүле укырга мөмкин.
Билгеләп үтик, Республика матбугат һәм массакүләм коммуникацияләр агентлыгы җитәкчесе Айрат Зарипов, 2015 елда әйдәп баручы нәшриятләр чыгарган продукциянең гомуми күләме 457 мең чамасы нөсхә тәшкил иткән, дип хәбәр итте.
http://tat.tatar-inform.ru/ сайтыннан алынды

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Реклама
Соңгы комментарийлар
  • 17 сентябрь 2021 - 07:08
    Без имени
    Астагы фикерләрне укыдым да, язарга булдым әле. Әни кешене бит беренче чиратта кызының никахсыз яшәве борчый. Өйләнмичә генә яшәуне гадәти хәл итеп карый купчелек хатын-кыз. Гражданский брак, дигән булалар. Сожительство ул. Гражданский брак - ЗАГСта теркәлу ул. Дин буенча өйләнешуне тыйган Совет заманында туган суз. Ничек кенә булмасын, официаль рәвештә өйләнмәгән егет уз өстенә җаваплылык алмый бит. Димәк, теләсә кайсы вакытта ташларга мөмкин. Әнине шул борчый. Кызык, , балага узганмын бугай, дисә, егет нәрсә дияр иде икән? Гаилә корырга риза булыр микән? Әллә төшер, диярме?
    Кызыбызны югалтабыз...
  • 15 сентябрь 2021 - 20:54
    Без имени
    Яраббым син тиле мэллэ .Ир диеп кем баласына ташлый Хайваннар да балаларын ташламый
    Булачак иремә мин кирәк, улым кирәкми
  • 15 сентябрь 2021 - 22:03
    Без имени
    Хатынын маржамыни?
    Әнвәр Нургалиев: «Мәхәббәтебез шушы подъездда башланды»
  • 15 сентябрь 2021 - 22:14
    Без имени
    Алла сабырлык бирсен, купме аталы ятим усэ…
     Алиментка бирсәң... 
  • 16 сентябрь 2021 - 05:32
    Без имени
    Ир дип мин баланы беркайчанда ташламас идем ин беренче урында минем балаларым тора
    Булачак иремә мин кирәк, улым кирәкми
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан