“Сәләт” форумында яңалыклар көтелә

Быелгы “Сәләт” форумы яңалыкларга шактый бай. Мәсәлән, татар “робот”ы, мобиль экологик йорт, экологик белем бирү – боларның барысын да форумга килеп, күреп була.


«Сәләт» V Халыкара яшьләр уку-укыту форумы 9-14 июль көннәрендә Биләр шәһәрендә узачак. Биләрдә уза торган фестиваль 20 нче тапкыр уздырылса, чараның халыкара дәрәҗәсен алуына быел 5 ел була.

Чара масштаблары белән узган елдагылардан калышмый. Мәсәлән, быел Татарстаннан, Россиянең дистәләгән төбәгеннән, чит илләрдән форумга килгән балаларның саны 5 меңгә җитәчәк. Әлбәттә, сан артыннан гына куу яхшы нәтиҗәләргә илтми. Шул сәбәпле быел инде традициягә кергән чаралар белән беррәттән яңаларын да уйлап тапканнар.

Форум һәм экология ничек бәйләнгән?

Шунысы мөһим: быел сәлкешләрнең (“Сәләт” аланнарында ял итүче яшьләр) игътибарын  күңел пакьлеге белән беррәттән әйләнә-тирә мохит чисталыгына да юнәлдерергә җыеналар. Шул сәбәпле, форумда республикабызның Экология һәм табигый байлыклар министрлыгы актив катнаша. Чараның табигать кочагында уздырылуы “Күңел экологиясеннән – табигать экологиясенә” дигән темага туры килеп тора.

- Безнең алга куелган бурычларны җәмәгатьчелек, аеруча яшьләрдән башка башкарып чыгып булмый. Быелгы “Сәләт” форумы дәвамында экологик смена булдырылачак. Әгәр форумда иң кечкенә булышчылар экологик белем ала алса, бераз олыракларны исә үз проектларыбызга җәлеп итәчәкбез, – дип сөйләде Татарстан экология һәм табигый байлыклар министры Фәрит Габделганиев.

Форумга шулай ук Россия Федерациясе табигый байлыклар һәм экология министры Сергей Донскойның да килүе көтелә. Татарстан Президенты Рөстәм Миңнеханов исә форум катнашучыларын 13 июль көнне сәламләячәк.

Белем туплап ял ит!

Татарстан Яшьләр эшләре һәм спорт министры урынбасары Рөстәм Гарифуллин әйтүенчә, форумда сәлкешләрдән кала Татарстан мәктәпләре укучылары, урта һөнәри һәм югары һөнәри уку йортлары студентлары, иҗтимагый оешма лидерлары да катнашачак.

Программа буенча Россия һәм Татарстан белгечләреннән мастер-класслар, Рус география җәмгыяте катнашучылары белән берлектә Кече Чирмешән елгасы киңлекләрен күзәтү – оештыручылар боларның барысын да вәгъдә итә.
 
– “Сәләт” форумының белем бирү программасы биш юнәлештән тора: мәгълүмати технологияләр, шәхси нәтиҗәлелек, карьера һәм уңыш белән идарә итү, үз кулларың белән нәрсәдер ясап карау, “Эко-Татарстан”. Белем бирү программасында катнашкан сәлкешләргә үзләренең активлыгы яки кызыклы соравы өчен махсус йолдызчыкларны тапшырыла. Аннан соң аларны форумның “фирменный” бүләкләренә алмаштырырга мөмкин. Бу шәхси һәм гомумалан исәбе буенча да бәяләнәчәк, – ди “Сәләт” форумының программа директоры Гүзәл Усманова.

Роботлар, эко-йортлар...

Шулай ук робот техникасы мәйданчыгында экороботлар, кояш батареяларындагы су тегермәне, үсемлекләргә су сиптерү системасы тәкъдим ителәчәк.

Татарстанның Фәннәр академиясе “Гамәли семиотика” институты белгечләре белән беррәттән, мастер-класс дәвамында балалар татар “робот”ын булдыруны сынап карый алачак. Институт тарафыннан булдырылган махсус мобиль кушымта татар телендәге сүз, гыйбарәләрне башка телгә тәрҗемә итәргә мөмкинлек бирәчәк. “Шулай итеп, бу юнәлеш турында балалар да күбрәк беләчәк, шул ук вакытта институт белгечләре татар теленең технологияләрдә яши торган тел булуын күрсәтәчәк”, – ди “Сәләт” яшьләр фондының башкарма директоры Тимур Сөләйманов.

Казан дәүләт энергетика университеты белән берлектә форумда “Мобиль экологик йорт” дигән проект та тормышка ашырылачак. Анда түбә урынына – кояш батареялары, тәрәзәләр урынына – мобиль телефоннар өчен зарядка станциясе булачак. Үз телефоныңа “хәл кертәсең” килсә, берничә минут бер рурында торган велосипед тәгәрмәчләрен әйләндерергә туры киләчәк.

http://intertat.ru/tt/

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  •  Гомерем усал кайнана, исерек ир белән үтте 5 Бер көнне иртән торып бәлеш пешерергә уйладым. Бәрәңге турадым, суган әрчедем, камыр бастым. Духовкада кургаш кәгазь астында ике сәгать ярым эчендә бәлешем изелеп пеште. Ләкин хуш исе урамга кадәр чыккан итле бәлешемне ашарга насыйп булмады.
    13171
    4
    112
  •  Исерек ир, усал кайнана белән гомерем узды 3 Рәфис белән 3 ел очрашып йөрсәк тә, мәхәббәтебез үбешүдән ары узмаган иде. Беренче зөфаф төнебезне мин куркып, дулкынланып көттем.
    12008
    5
    80
  • Исерек ир, усал кайнана белән гомерем узды 2 Рәфискә кияүгә чыгарга җыенуымны әнием ошатмады, ул мине кабаттан үгетләргә кереште: «Кызым, тагын бер тапкыр уйлап кара әле! Габдулла белән Сания авылда иң усал гаилә булып санала, Санияне тиккә генә «юха елан» дип йөртмиләр. Алай гынамы, бу гаиләдә эшнең бетәсе юк: 50 сутый бакчалары, абзарларында өч сыер, кырыкка якын сарык...
    9700
    1
    55
  • Юлда кем очрамас... Кичә яшүсмер кызым эштән кайтты да, «Әни, син хәзер мине ачуланачаксың», – ди. Сагайдым. Ачуланасымны алдан ук белеп торгач, нинди ярамаган эш эшләде икән? 
    9018
    1
    55
  • Уеннан уймак Барысы да бәхәсләшүдән башланды. Хатын-кызлар, бигрәк тә йөрәкләре янып торган яшь кызлар бәхәсләшмәсен икән ул. Аларның яшьлек дәрте егетләрне үзләренә карату гына түгел, дөньяны әйләндереп бастыра ала... 
    4544
    0
    49
Реклама
Соңгы комментарийлар
  • 17 август 2022 - 08:30
    Без имени
    Гел дорес сузлэр генэ сойлисен
    Илсөя Бәдретдинова әйтсә, каты әйтә!
  • 16 август 2022 - 17:54
    Без имени
    Мин сезнең өчен бик шатмын, бер-берегезне кабат тапкансыз.
    Ике туй – бер ир
  • 15 август 2022 - 20:31
    Без имени
    Уземнең телем сынып бетте моны укыганда.
    Баланы сөйләшергә өйрәтәбез! 
  • 14 август 2022 - 12:38
    Без имени
    Менә болай яшәү сабырлык дип аталмый,куркаклык,хакларыңны өйрәнмиче таптату дип атала Гөмер бер генә,тазалык бер генә,бала хакы бер генә яшәү хакы бер генә бирелә.тормышыңда авырлыкны да,җиңеллекне дә только кеше үзе сайлый,славыйлыгын күрсәткән килмиче,кемнедер гаеп итеп күрсәтә, ә башы бары үзендә дөрес сайламаган өчен ,болар барысыда ТҮЛӘҮле АЛЛАһ каршында котылгысыз хакларны таптаткан өчен.Акыл алырдай хәлләр дә, гыйлемен (психология)дә биреп тора,гел шулай тормоз да торучыларны куатләп иии мескенем,түз инде,нишлатәсең язмышыңдыр диеп,чыгыш юлы барлыгын күрсәтмичә тилмереп үлүен көтеп торган кебек.Хатыннар исегезгә төшерәм тиран авыру, ирләр б н тору катгый тыела КОРЬӘНдә.Талак сүрәсен АЛЛАһ,бу хәлләр буласын белеп, кешеларне кисәтү өчен җибарде.Бу темага китеп язып була,язганнардан да мәгьнә эзләп гыйбрәт алып бик була.
     Исерек ир, усал кайнана белән гомерем узды 3
  • 13 август 2022 - 23:40
    Без имени
    Искиткеч. Үземнең әтием күз алдыма килеп басты. Бик сагынам әтиемне
    Әткәем
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда