Шул чакларның моңлы ядкаре

Гыйнварның салкын киче булуга карамастан, Татарстан Республикасы Милли Китапханәсенең «Дәрья» әдәби кунакханәсе тамашачылар белән шыгрым тулы! Утырырга түгел, басып торырга да урыннар җитми! Татарстанның халык шагыйре, язучы, җәмәгать һәм дәүләт эшлеклесе Разил Вәлиев белән очрашу булачак дигән хәбәр бөтен Казанны айкаган, ахрысы. Зал тулы язучылар, шагыйрьләр, артистлар, студентлар, иҗатташ дуслар...

«Бу дөньяның мин бер кисәкчеге» дигән шигъри-музыкаль кичә китап подиумын күрсәтүдән башланды. Разил Вәлиевның шигырь җыентыклары, драма әсәрләре, повестьлары, әдәби томнары, башка телләргә тәрҗемә ителгән китаплары, балалар өчен язылган әсәрләре... Разил Вәлиевнең якташы, күрше авыл егете, җырчы Рафаэль Сәхәбиев, Рабит Батулла, Марсель Галиев, Рәдиф Гаташ, Рафикъ Юнысов... Һәркайсы кызыклы истәлекләр сөйләде. Казандагы 65 нче мәктәп укучылары шагыйрьнең шигырьләрен 5 телдә яңгыраттылар. Ул мәктәп, гомумән, Разил Вәлиев иҗатын һәм иҗтимагый эшчәнлеген җентекләп өйрәнә. Әнә, мәктәп директоры аның «Зинһар өчен кермә төшләремә» җыры турында матур бер хатирә сөйли... Һәм Альбина Мөхәррәмова әлеге җырны башкара... Рамил Миндияр башкаруында  «Кышкы учак», «Яшьлегем канатында» яңгырый. Рәхәт, җылы бер мохиттә, дуслар җыелган җирдә, шигырь бәйрәме, җыр бәйрәме дәвам итә. «Әйдә барыйк, кызлар карыйк», «Язмышым юллары» спектакльләреннән өзекләр кичәне тагын да ямьли. Ихтыярсыз, Разил Вәлиевнең Фасил Әхмәт белән бергә иҗат иткән җыры күңелдә яңгырый:
                        Күптән инде, күптән очрашкан юк,
                        Хәтерлимсез бергә чакларны?..


Разил Вәлиевның иҗаты, гаилә тормышы турында тулырак «Сөембикә» журналының 2012 елның гыйнвар саныннан укый аласыз.

 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Реклама
Соңгы комментарийлар
Реклама
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»