​Шаккаттыра актанышлар!



«12–14 майда Казанда Актаныш театры көннәре узачак» дигән игъланнар башта ук күңелне кытыклап куйган иде инде. Җитмәсә, редакциябезгә Актаныш муниципаль районы башлыгы Энгель Фәттахов исеменнән хат килеп төште. Актаныш халык театры өч көнлек гастрольләр белән башкалага килә, Камал театры сәхнәсендә чыгыш ясый, легендар коллективның чыгышын карарга чакырабыз, дигән. 

Спектакль Актанышского народного театра

Актанышлар килсәме!.. Бөтен Казанны шаулатып китәчәк! Алар башлаган, алар оештырган чара, концертлар, чыгышлар берәүне дә битараф калдырмый инде. Шаккаттыра белә шул алар! 

Районның Киров халык театры Валентин Распутинның «Рәнҗетелгән язмыш»ын, Иске Кормаш халык театры Мостай Кәримнең «Айгөл иле»н, Әлфия Афзалова исемендәге Актаныш мәдәният йорты каршында эшләп килүче Актаныш халык театры Нурихан Фәттахның «Итил суы ака торур» романы буенча куелган спектакльне күрсәтәчәк икән. 

Авылга кайткан арада да Әнвәр Вәлиев, үзебезчә әйтсәк, Әнвәретдин (мәдәният йортының алыштыргысыз кешесе), шалтыратып, тамашага махсус чакырды.  Нурихан ага Фәттахның хатыны Руфина апа да чакырып шалтыраткач, кызыксынуым тагын да көчәйде. (Ул Актанышныкы да түгел бит!) 

Камал театры янында авылдашым һәм туганым Илсөяр көтеп тора иде инде. 

...Ха-аа-лык!.. Театр фойесында «Агыйдел» дәүләт җыр һәм бию ансамбле чыгыш ясый. Ул бию-җырлар, ул костюмнар! Күз явын алырлык! Бер якта атаклы Актаныш чәкчәкләрен, Актаныш ипиен саталар. 

Югары зәвык белән ясалган баннерлар, ачылган китап рәвешендә куелып, алардан районның ярты гасырлык театр тарихы белән танышып була. Ерактан гына Киров, Богады, Пучы, Сәфәрләрнең баннерын күреп алам да, Илсөярне әйдәклим: «Безнең Байсарныкы да бардыр, бәлки, әйдә, якынрак барыйк әле», – дим. Бар шул! Авылыбыз «артистлары» Әминә апа Асылова, Мәшүдә апалар әнә фотолардан карап тора... Минем әти дә спектакльләрдә катнаша иде бит. Юк микән, дип эзли башлыйм. Илсөяр: «Әнә Мизхәт абый утыра! Кара, безнең әти дә...» – дип кычкырып җибәрә. Әйе шул, әти дә бар, Рәүхәт абый да... Фото астына: «Таҗи Гыйззәтнең «Изге әманәт» спектакленнән соң. 1986 ел» дип язылган. Без, бик канәгать калып, тамаша залына ашыгабыз. 

Спектакль Актанышского народного театра

Нурихан Фәттахның без мавыгып укыган романын сәхнәдән күрсәтә алырмы Актанышлар? Җиңелчә дулкынланып (халык күп бит, сер бирәсе килми!), тамашаны күзәтәбез. Сәхнә бизәлеше, декорацияләр, музыкаль бизәлеш, костюмнар... Бар да матур. Артистларның уены да! Атаклы Камал театры сәхнәсеннән профессионалларча уйнаган үзешчәннәргә сокланмый мөмкин түгел! Спектакльдә 60 ка якын үзешчән артист катнаша. Эпизодларда Әнвәрне күреп сөендек. Ә менә төп рольләрнең берсендә – Алмыш ханның кызы Аппак ролендә үзебезнең Байсар кызы Айзирәк Локманова уйнады! Аның ире Илнур  Локманов баш рольдә иде: ул Тотыш образын гаҗәп оста итеп ача алды! Алмыш хан ролен башкарган Татарстанның атказанган мәдәният хезмәткәре Нур Хөсәенов исә спектакльнең режиссеры да әле! Дәүләтчелек темасы, ислам динен кабул итүләр шулкадәр аңлаешлы да, тирән дә итеп яктыртылган. Әсәрне бер тынга кабул итеп, соклануыбызны, горурлануыбызны яшерә алмый утырдык. 

Спектакль Актанышского народного театра

Алкышлар! Чәчәкләр! Җылы тәбрик сүзләре!.. Район башлыгы Энгель Фәттахов якташыбыз, Татарстанның Беренче Президенты Минтимер Шәймиевнең Рәхмәт хатын укыды. Башкаладагы Актаныш якташлык җәмгыяте рәисе Вәсим Вахитов театр коллективына һәм әсәрне сәхнәгә куйган режиссер Нур Хөсәеновка сәнгать өлкәсендә ирешкән уңышлар өчен махсус булдырылган алтын медальне тапшырды. «Итил суы ака торур» тарихи романы авторы, олы әдип Нурихан Фәттахның хатыны Руфина ханым Актанышларга чиксез рәхмәтен җиткерде. Бу минутларда аның үзен дә үзебезнеке, Актанышныкы кебек итеп якын кабул итеп (Руфина апа үзе Башкортстанның Яңавылыннан) яраттык. 

Спектакль Актанышского народного театра

Менә шундый ул Актанышлар: эшли дә, ял да итә белә! 
     
Фотограф: Александр Эшкинин

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Үги әнкәйнең җылы йөрәге «...Үги ананың бик әйбәтләре була. Гадәттә, алар турында гел яман сөйлиләр, ләкин алар турында юньле сүзне күбрәк сөйләргә кирәк. Чит канга ана булырга тырыша бит ул. Мәҗбүри яратып булмый бит. Ә ул рольгә кереп «уйнарга» тиеш. Бала исә рольгә керми, «уйнамый». Ике артистның берсе уйнап, икенчесе уйнамаса, спектакль туа алмый. Үги аналы гаиләдә әнә шуңа күрә җылы, уңай тормыш коруы бик кыен. Үги аналарны кызганырга, ихтирам итәргә кирәк...» Мөхәммәт Мәһдиев «Мәңгелек яз» әсәрендә үги әниләр турында әнә шундый уйлануларын язып калдырган. Үги тормышны үз башына төшкәннәр генә аңлыйдыр, мөгаен. Үги ананың да, үги баланың да үз хәле... Әмма гомер уртасына җиткән ир балачагын искә алганда «Үги әниләргә һәйкәл куярга кирәк», – ди икән, димәк, барлык үги әниләр дә, халык телендәге кебек, явыз түгелләр. Чит балаларны карап үстерә икән, димәк, алар олы йөрәкле... Үги әни белән үскән Татарстанның халык артисты Җәвит ШАКИРОВ үзе сөйләсен әле...
    8755
    10
    103
  • Бәхетле булырга хакым бар!  Мин кияүгә 25 яшемдә чыктым. Яратып чыктым...
    8849
    8
    69
  • Өч кенә көнгә... – Кирәкми. Кешечә түгел бу. Шалтыратмагыз. Өметләнеп көткәнче, алдан ук барысын да аңласын. Башка бер сүз дә әйтмичә, нянечка балалар янына кереп китте. Ишек тавышы йөрәкне сызып үткән кебек булды. Бар да тынып калды. 
    4535
    4
    50
  • Сөеп, сөелеп яшисем килә-2 «Таһирә өстеннән жалу язганнар» дигән хәбәр авылда таралганга да бер айга якын вакыт үтте. Тегеләй дә, болай да дип тикшергәннән соң: «Фактлар ачыкланмады», дигән.
    5781
    2
    26
Реклама
Соңгы комментарийлар
  • 23 июль 2021 - 18:22
    Без имени
    Мене шулай кысылып купме бала бехетсез шул.Узебезнен баштан утте
    Кемнәрдән бәйләтим яраны?
  • 25 июль 2021 - 19:20
    Без имени
    Ай, рәхмәт яугырлары!!!!! бик тә нык сөендем бала өчен! Нянечкага рәхмәт!!! Йөрәкләренә, бәгырьләренә үтә торган итеп аңлатып әйтә белгәне өчен! Аллаһы Тәгалә аның аша, ир белән хатынга туры юл күрсәткән, гомерлек үкенечкә юл куймаган.
    Өч кенә көнгә...
  • 24 июль 2021 - 15:57
    Без имени
    Уф.... Йорэккэемне....
    Өч кенә көнгә...
  • 26 июль 2021 - 14:07
    Без имени
    Нәкъ шулай . Тик партнер бер генә булырга тиеш , югыйсә , хатын - кыз үзенең тәнендәге җепселләрен башкаларга таратып , үзе авыру булып калачак .
    ​Назлану өчен алты медицина сәбәбе
  • 22 июль 2021 - 16:52
    Без имени
    Мондый язмаларны еламыйча укый алмыйм,чонки минем бабамда узган ул концлагерларны,9май житсэ бакча артына чыгып жылый иде, соныннан Аны оправдали, ещё орден бирделэр,Бер солдаты коткарган очен,рэхмэт Ана,онытмаган...
    Ева-Мөслимә
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан