Рөстәм Миңнеханов һәм Игорь Шувалов Лаеш районында өч балалар бакчасы ачты

Татарстан Лаеш муниципаль районында берьюлы өч балалар бакчасы үз ишекләрен ачты. Сокуры авылында балалар бакчасын ачуда Татарстан Республикасы Президенты вазыйфаларын вакытлыча башкаручы Рөстәм Миңнеханов һәм Россия Федерациясе Хөкүмәте Рәисенең беренче урынбасары Игорь Шувалов катнашты.
«Ромашка» балалар бакчасы 140 урынга исәпләнгән. Учреждениедә 1,5 яшьтән алып 7 яшькә кадәрге балалар тәрбияләнәчәк.

Балалар бакчасында музыка һәм физкультура заллары, сенсор бүлмә, методик һәм медицина кабинетлары, азык-төлек блогы, кер юу бүлмәсе, спорт-уеннар мәйданчыгы булачак.

Балалар бакчасы җитәкчесе сүзләренчә, өстәмә мәгариф хезмәтләре күрсәтү планлаштырыла: рәсем ясау, интеллектуаль, музыкаль, бию һәм лингвистик сәләтләрне үстерү.

Районда бер үк вакытта тагын ике балалар бакчасы ачылды: Лаеш шәһәрендә һәм Кабан поселогында. Татарстан Республикасы Президенты вазыйфаларын вакытлыча башкаручы һәм Россия Федерациясе Хөкүмәте Рәисенең беренче урынбасары бу ике балалар бакчасын ачу тантанасын трансляция режимында күзәттеләр. Рөстәм Миңнеханов район кешеләрен шушы вакыйгалар белән котлады һәм ул билгеләп үткәнчә, балалар бакчасы киләчәк мәктәп укучылары өчен мөһим урын. «Мин сезне чын күңелдән котлыйм. Безнең балалар бакчалары үзләренә йөкләнгән барлык вазыйфаларны үтәрләр дип ышанам», - диде Татарстан Республикасы Президенты вазыйфаларын вакытлыча башкаручы.

Аннары Рөстәм Миңнеханов һәм Игорь Шувалов яңа балалар бакчасын карап чыктылар: музыка залында хореография дәресләре бара иде. Мәртәбәле кунаклар шулай ук үсеш төркемендә булдылар һәм ата-аналар, тәрбиячеләр белән аралаштылар. Татарстан Республикасы Президенты вазыйфаларын вакытлыча башкаручы күргәннәреннән канәгать калды һәм төзүчеләргә сыйфатлы эшләре өчен рәхмәт белдерде.

«Быел без барлыгы 75нче балалар бакчасын ачабыз, бу рекорд сан. 10 000нән артык урын төзү планлаштырыла. Республика тарихында беркайчан да бу кадәр төзелмәгән. Хәзер иң мөһиме, бу объектларның буш тормавы», - диде Рөстәм Миңнеханов.

Игорь Шувалов үз чиратында республика җитәкчелеген балалар бакчасына чиратларны корганда инновацияләрне уңышлы кулланган өчен мактады. «Татарстанда илдә беренчеләрдән булып электрон чират системасын куллана башладылар. Бу бик зур казаныш. Миңа республикага килү һәрвакыт рәхәт», - диде ул.

Искәртәбез, Татарстан Республикасында социаль объектлар республика президент программалары буенча төзелә, республика бюджеты акчалары исәбеннән. Барлыгы Татарстанда 30 уникаль социаль программа эшли, аларның күп өлеше авыл җирен үстерүгә юнәлдерелә. Илдәге кризиска карамастан, Татарстан Республикасы Президенты вазыйфаларын вакытлыча башкаручы Рөстәм Миңнеханов кушканга күрә, аларның берсе дә кыскартылмады.

сылтама: http://president.tatarstan.ru/tat/news/view/126369
 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Реклама
Хәзер укыйлар
  • «Таккан белән теккән кебек без...» – Кайнана белән ничек торасың син? Минем сыман гомер буе бием белән яшәгән, башкалар кайнаналарын сөйләгәндә сүзгә кушылмаган кешегә бу сорауны бик еш бирәләр. Җавабым гел бер була минем: – И-и, рәхәт бит аның белән! – дим. Чын күңелдән әйтәм! Бер риясыз...
    4553
    11
    115
  • Гомерем усал кайнана, исерек ир белән үтте 8   Рәфис тә, кайнатам да туасы баланың малай булуын  бик тели иделәр.  Ирем: «Малай тусын, Алладан сорап дога кыл әле», – дип, авылдагы сукыр Фәния карчыкка сәдака да илтеп бирде. Ул заманда туасы баланың кызмы, малаймы икәнен алдан белеп булмый иде шул...
    13170
    2
    90
  • «Ирең яратсын дисәң, кайнанаңны ярат» – Бу – төп нигез. Ишле гаилә! Эшле гаилә! Монда килгән-киткән кеше дә бик күп булыр. Ә син шушы йортның хуҗабикәсе булырсың! Әнинең – кайнанамның туйда әйткән бу сүзләре бүгенгедәй колагымда яңгырап тора. Ул көнне ишеткән теләкләрнең бик күбесе күптән онытылды, ә әнинекеләрне гомерлеккә хәтерләп калганмын. Матур тормышның башы шушы сүздән үк башлангандыр.
    2824
    9
    88
  • Гомерем усал кайнана, исерек ир белән үтте 11 Көн артыннан көн, ай артыннан ай узды. Икенче балама көмәнле вакытымда без, кайнана белән кайната яшәгән йорттан башка чыгып, үз йортыбыз белән яши башлаган идек...
    11324
    13
    75
  •  Гомерем усал кайнана, исерек ир белән үтте 10  Мин, иремне уятмаска тырышып, куенымда мыш-мыш килеп йоклаган баламны саклык белән агач караватка китереп салдым. Өстемдәге пальтомның төймәләрен чишеп, чөйгә өлдем. Урамда апрель башы булуга карамастан бик суык иде шул, кар да эреп бетмәгән. Салкын төндә печән өстендә баламны кысып кочаклаган килеш төн кундым бит.
    13778
    4
    73
Реклама
Соңгы комментарийлар
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда