Рөстәм Миңнеханов: “KazanSummit-2015” Россиядә Ислам дөньясы белән сәүдә-сәнәгать һәм инвестицияләр, банк өлкәсендә хезмәттәшлекне ныгытуга ярдәм итәчәк”

Казанның “Корстон” комплексында Россия һәм Ислам хезмәттәшлеге оешмасы илләренең “KazanSummit-2015” VII Халыкара икътисади саммиты эшен башлады.
Быел анда катнашырга теләк белдергән илләр һәм вәкилләр саны узган елгыдан күбрәк булып чыккан: былтыр форумга 25 илдән 500ләп кеше килсә, быелгы чарада Россия, Төрекмәнстан, Таҗикстан, Казакъстан, Латвия, Әзербайҗан, Төркия, Согуд Гарәбстаны, Мисыр, Пакьстан, Берләшкән Гарәп Әмирлекләре, Сомали, Иран, Малайзия, Бөекбиртания, Люксембург, Италия, Марокко, Палестина, Маврикий, Катар, Нидерланд, Нигерия, Бруней-Даруссалам һ.б. – барысы 45 илдән 746 вәкил катнашырга теләк белдереп теркәлгән. Шушы халыкара чарада катнашучылар арасында илебез һәм чит илләр финанс оешмалары вәкилләре, дәүләт корпорацияләре һәм эре бизнес җитәкчеләре, дәүләт эшлеклеләре бар. “KazanSummit-2015” чараларында ТР Президенты вазифаларын вакытлыча башкаручы Рөстәм Миңнеханов та бар.

“Әлеге форум бездә 7 нче тапкыр уздырыла һәм ул Россия Федерациясе һәм аның төбәкләренең Ислам дөньясы белән хезмәттәшлеккә юнәлдерелгән. Бу безнең зур илебезнең икътисади һәм инвестицион мөмкинлекләрен Татарстан мисалында күрсәтү өчен зур ярдәм”, - дип сүзен башлады ТР Президенты вазифаларын вакытлыча башкаручы Рөстәм Миңнеханов.

Ул шулай ук Россиянең Ислам дөньясы белән мөнәсәбәтләрне ныгытуын искәртте. Мөселман дөньясы илләренең Россия белән күпкырлы хезмәттәшлек итүенә һәм бернинди дә санкцияләргә  иярмәвенә дә басым ясады республика лидеры. “Дөнья үзара бүленергә түгел, ә берләшергә тиеш. Бу берләшүнең мөселман илләрендә булуы да мөһим”, - диде ул һәм Россиянең бу процесска зур урын бирүен, моңа мисал буларак, “Россия — ислам дөньясы” стратегик төркемен булдырылуын китерде. Әлеге төркемнең төп максаты дип, ТР Президенты вазифаларын вакытлыча башкаручы Ислам дөньясы дәүләтләре белән элемтәләрне ныгыту, инвестицияләр һәм икътисад өлкәләрендә аларны үстерүне атады.

Рөстәм Миңнеханов фикеренчә, дөнья икътисадында булган соңгы үзгәрешләр, Ислам банкингының заманча икътисади системага каршы тора алуын күрсәтте. “Кызганыч, Россиядә Ислам банкингы әлегә тиешенчә үсеш алмаган. Әмма илнең эре банкларының Ислам дөньясы икътисадына карата кызыксынуы зур”, - дип белдерде ул.

“Хәзерге вакытта Ислам икътисады − ул икътисад, сәүдә үсешенең, инвестицияләр алуның һәм ислам дөньясы белән хезмәттәшлек итүнең иң отышлы коралы”, - диде һәм Татарстанда исламча икътисад белән шөгыльләнүче оешмаларны мисалга китерде. Шулай ук җәмгыятькә тиешле дәрәҗәдә мәгълүмат бирү һәм бу өлкәдә белгечләр әзерләүче югары уку йортлары хакында да искәртте.

“Без сезнең белемегезгә һәм тәҗрибәгезгә мохтаҗ. “KazanSummit-2015” Россия Федерациясенә Ислам дөньясы белән сәүдә-сәнәгать һәм инвестицияләр, банк өлкәсендә хезмәттәшлекне ныгытуга ярдәм итәр дип ышанып калам”, - диде Р. Миңнеханов һәм “KazanSummit-2015”ка килүчеләргә рәхмәт әйтте.

Сылтама: http://tat.tatar-inform.ru/news/2015/06/15/110427/

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Реклама
Соңгы комментарийлар
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан