Ркаил Зәйдулланың төрек телендә китабы дөнья күргән

Күренекле татар шагыйре, язучы, драматург һәм публицист Ркаил Зәйдулланың Төркиядә китабы басылган. Бу хакта “Татар-информ” МА хәбәрчесенә әдип үзе хәбәр итте.

Ркаил Зәйдулла өчен бу көтелмәгән хәл булган.

“Китабым чыгу турында Төркиянең Илазыг шәһәрендә төрки дөнья күләмендә үткәрелгән “Хазар шигырь ахшамнары” әдәби чарасына баргач кына белдем. Дөрес, Евразия язучылар берлеге рәисе Якуб Омероглы Төркиядә мине сюрприз көтәчәге турында алдан әйтеп куйган иде. Шулай да, китапны күргәч, егылып китә яздым”, – диде ул.

Ркаил Зәйдулла әйтүенчә, хәзерге вакытта китап чыгару бик мәшәкатьле эш. Ә китапның чит илдә, үзең дә белмәгән килеш дөнья күрүе – бөтенләй сирәк күренеш. Әдип татар әдәбияты тарихында моңа охшаш вакыйга булуын искәртеп үтте. Шагыйрь Хәсән Туфан да беренче шигъри җыентыгының Ташкентта басылып чыгуын очраклы рәвештә белгән.

Ркаил Зәйдулланың төрек телендәге китабы “Beyaz Hırkalı İhtiyar” дип атала. Татарчага тәрҗемәсе – “Ак япанчалы карт”. Авторның шул исемдәге хикәясе барлыгын һәм аның китапка кертелүен билгеләп үтик. Моннан тыш, басмада әдипнең “Ак эт”, “Кеп-кечкенә бака”, “Мәгарә” хикәяләре, “Игез” пьесасы урын алган. Бу әсәрләр Фатих Кутлу тарафыннан төрле елларда төрек теленә тәрҗемә ителгән булган. Шуларны туплап, “Бенгү” нәшрияты җыентык бастырган. 111 битлек китап 2 мең данә тираж белән дөнья күргән.

Әдип фикеренчә, бүген һәр халык үзенең мәдәниятен башкаларга танытырга, мәдәни багланышларны ныгытырга омтыла. “Әйтик, француз әдәбиятын башка телләргә тәрҗемә итү белән дәүләт дәрәҗәсендә шөгыльләнәләр. Татар әдәбиятын бүтән халыкларга тарату мәсьәләсендә исә даими эш алып барылмый. Китап тәрҗемәсе – бик әһәмиятле, кирәкле эш, чөнки мәдәни багланышлар халыкларның үзара аңлашып яшәвен тәэмин итә”, – дип саный ул.

чыганак

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Реклама
Соңгы комментарийлар
  • 17 июнь 2021 - 15:15
    Без имени
    Бик тиз баеганнар ьылар
    «Мин сине башкага бирмим...»
  • 17 июнь 2021 - 17:16
    Без имени
    Рэхмэт язучым,куз яшьлэрсез укып булмады,эй бу язмыш .
    Сыңар алкалар
  • 16 июнь 2021 - 16:43
    Без имени
    Баштан утте.
    Чират
  • 16 июнь 2021 - 21:06
    Без имени
    Бала белән әти арасына кермәгез инде, зинхар. Ул аның әтисе. Ул карамаса аны кем карасын.
    Баладан көнләшәм
  • 17 июнь 2021 - 06:01
    Без имени
    Бик яхшы ир, мин конлэшер идем может повод белэн чакврадыр кешенекен белмисен. Тунрылы булсын
    Баладан көнләшәм
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан