Муса Җәлил юбилеен Германиядә дә оештыралар

2016 ел татар җәмәгатьчелеге өчен шактый истәлекле булырга охшап тора. Нәкъ быел татарның атаклы шәхесләренең юбилейлары билгеләп үтеләчәк. Атап әйткәндә, каһарман-шагыйрь, фашист лагерьлары тоткыны, кабатланмас, үзенчәлекле шәхес, «Моабит дәфтәрләре» авторы Муса Җәлилнең тууына 110 тулу уңаеннан Россия киңлекләрендә генә түгел, чит илдә дә патриотик акцияләр уздырылачак.

«Муса Җәлилнең туган көнендә Казанда «Җәлил укулары» дигән халыкара конференция оештырыла, - ди Татарстан мәдәният министрының беренче урынбасары Эльмира Камалова. - Каһарман-шагыйрьнең 110 еллыгына багышланган чарада «Муса Җәлил: ХХI гасыр кыйммәтләре призмасы аша тормыш һәм иҗат» темасы яктыртылачак. Әлеге конференция Җәлил иҗатын, тормышын өйрәнүче галимнәрне, җәмәгать эшлеклеләрен җыячак”.

“Җәлил укулары”ында сәнгать әһелләре, мәдәният эшлеклеләре дә катнашыр, дип көтелә. Германиядән дә галимнәр килүе көтелә. Магдебургтан киләчәк галим Җәлилгә нисбәтле кызыклы факт-мәгълүматлар җиткерергә җыена. Ул дошман тоткынлыгында җәлилчеләр башкарган җырлардан торган пластинкаларны тапкан. Әнә шул кыйммәтле табыш республикага тәкъдим ителәчәк.

Чарада катнашучылар Муса Җәлилнең тормышы һәм иҗаты, фашистларга каршы көрәше, шулай ук яшьләрне патриотик тәрбияләү һәм милләтара бердәмлекне ныгытуда тарихның роле турында сөйләргә җыена. Татарстан башкаласында оештырылган проектларда Җәлилнең кызы Чулпан ханым да катнашачак.

Конференция программасында «Төп нөсхә көне» кебек тантаналы чара һәм беренче тапкыр Казан федераль университетында Муса Җәлилнең Моабит дәфтәрләре тәкъдим ителәчәк. Әлеге кыйммәтле экспонатның Татарстан Милли музее фондларына тапшырылуга быел 50 ел тула. Конференция ачылышында «Моабит дәфтәрен укыйбыз» дигән россиякүләм мәдәни акция старт алачак. Проектны шагыйрьнең кызы Чулпан Җәлилова ачып җибәрәчәк, ди проект авторлары.

Җәлилнең туган көне - 15 февральдә көндезге 13.00 сәгатьтә шагыйрьнең һәйкәленә чәчәкләр куелачак. Бу вакытта Татарстан Язучылар берлеге биредә митинг та уздырырга ниятләп тора.

16 февраль көнне «Хәзинә» милли сәнгать галереясендә Татарстан рәссамнарының күргәзмәсе ачылачак. Биредә кылкаләм осталарының Җәлил образын һәм иҗатын чагылдырган хезмәтләре урын алачак.

Муса Җәлил юбилее уңаеннан чаралар Россия төбәкләрендә дә күп санда узачак. Әлеге проектларда катнашу өчен Татарстан Мәдәният министрлыгы татар артистларын җибәрәчәге хакында да хәбәр итте. Берлин, Магдебург калаларында да татар халкының каһарман улын олы ихтирам белән искә алырга җыеналар.

Җәлилнең туган төбәге Оренбурда да масштаблы искә алу тантаналары оештырыла. Ул чараларда Казаннан абруйлы вәкилләр катнашыр, дип көтелә. Моннан тыш Мәскәү, Чиләбе һәм башка җирләрдә дә татар улы олы хөрмәт белән искә алыначак. Замана кешесе Муса Җәлил кебек шәхесләребезне белергә тиеш. Татар әдибенең тормышы, иҗаты һәм үлеме дә ышаныч, каһарманлык кебек сыйфатларны үз эченә сыйдырган.

- Узган ел тарих фәннәр докторы Абдулхан Әхмәтҗанның Җәлилгә багышланган китабын татарча тәрҗемә иттек, - ди Татарстан Язучылар берлеге рәисе Рафис Корбан. - Быел әлеге басманы нәшер итәргә җыенабыз. Тукай клубында 15 февраль көнне Муса Җәлил премиясе лауреатларының чыгышы булачак. Җәлилнең 60 еллыгыннан бирле безнең республикада яшь иҗатчыларга аның исемендәге дәүләт премиясе тапшырылып килә. Җәлил һәм Тукай - татарның бренды санала. Быел аларның олуг юбилейлары уңаеннан төрки телле язучылар фестивале дә оештырачакбыз.

сылтама: http://tatar-inform.ru

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Реклама
Хәзер укыйлар
  • «Таккан белән теккән кебек без...» – Кайнана белән ничек торасың син? Минем сыман гомер буе бием белән яшәгән, башкалар кайнаналарын сөйләгәндә сүзгә кушылмаган кешегә бу сорауны бик еш бирәләр. Җавабым гел бер була минем: – И-и, рәхәт бит аның белән! – дим. Чын күңелдән әйтәм! Бер риясыз...
    4610
    11
    115
  • Гомерем усал кайнана, исерек ир белән үтте 8   Рәфис тә, кайнатам да туасы баланың малай булуын  бик тели иделәр.  Ирем: «Малай тусын, Алладан сорап дога кыл әле», – дип, авылдагы сукыр Фәния карчыкка сәдака да илтеп бирде. Ул заманда туасы баланың кызмы, малаймы икәнен алдан белеп булмый иде шул...
    13211
    2
    90
  • «Ирең яратсын дисәң, кайнанаңны ярат» – Бу – төп нигез. Ишле гаилә! Эшле гаилә! Монда килгән-киткән кеше дә бик күп булыр. Ә син шушы йортның хуҗабикәсе булырсың! Әнинең – кайнанамның туйда әйткән бу сүзләре бүгенгедәй колагымда яңгырап тора. Ул көнне ишеткән теләкләрнең бик күбесе күптән онытылды, ә әнинекеләрне гомерлеккә хәтерләп калганмын. Матур тормышның башы шушы сүздән үк башлангандыр.
    2853
    9
    88
  • Гомерем усал кайнана, исерек ир белән үтте 11 Көн артыннан көн, ай артыннан ай узды. Икенче балама көмәнле вакытымда без, кайнана белән кайната яшәгән йорттан башка чыгып, үз йортыбыз белән яши башлаган идек...
    11409
    13
    76
  •  Гомерем усал кайнана, исерек ир белән үтте 10  Мин, иремне уятмаска тырышып, куенымда мыш-мыш килеп йоклаган баламны саклык белән агач караватка китереп салдым. Өстемдәге пальтомның төймәләрен чишеп, чөйгә өлдем. Урамда апрель башы булуга карамастан бик суык иде шул, кар да эреп бетмәгән. Салкын төндә печән өстендә баламны кысып кочаклаган килеш төн кундым бит.
    13839
    4
    73
Реклама
Соңгы комментарийлар
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда