Мөдәррис Әгъләмнең шигырьләре халыкның бәгыреннән туган – Марсель Галиев

 Кичә Кәрим Тинчурин исемендәге драма һәм комедия театры сәхнәсендә Татарстанның халык шагыйре, Г.Тукай исемендәге дәүләт премиясе лауреаты Мөдәррис Әгъләмовның тууына 70 ел тулуга багышланган әдәби-музыкаль кичә үтте. Әдәби кичә “Татарстанның эшлекле хезмәттәшләре” форумы программасына кертелгән һәм аның төп тамашачысы форум кунаклары иде.

Исегезгә төшереп үтәбез, 7-9 декабрь көннәрендә Казанда “Татарстанның эшлекле хезмәттәшләре” ХI Форумы узды. Форум эшенә Россия Федерациясенең 66 төбәгеннән һәм 28 чит илдән 700 кеше чакырулы иде. Кичә, 8 декабрьдә, Казанда “Татарстанның эшлекле хезмәттәшләре” форумының пленар утырышы булды. Форумда катнашучыларны Татарстан Республикасы Президенты Рөстәм Миңнеханов сәламләде. Программа Бөтендөнья татар конгрессы башкарма комитеты инициативасы белән оештырылган әдәби-музыкаль кичә белән тәмамланды.

“Татар-информ” мәгълүмат агентлыгы кичә әлеге мәдәни чараның онлайн-трансляциясен оештырды.


Быелның октябрь аенда Язучылар берлегенең Тукай клубында Мөдәррис Әгъләмнең тууына 70 ел тулуга багышланган «Киләчәккә кайту» дигән әдәби-музыкаль кичә үткән иде инде. Бөтендөнья татар конгрессы бөек шагыйрьнең иҗатын зурлап, аның шигъриятен татарлар яшәгән төрле төбәкләрдән килгән делегатларга җиткерү максатыннан Мөдәррис Әгъләмовның тууына 70 ел тулуга багышланган әдәби-музыкаль кичә үткәрергә карар иткән.


Кичәне Инсаф Абдулла белән Резеда Сәләхова алып барды. Әдәби-музыкаль кичәдә шагыйрьнең төрле елларда язылган шигырьләрен Г.Камал театры артистлары - Әзһәр Шакиров, Илдус Әхмәтҗанов, Дания Нуруллина, Наил Дунаев, Хәлим Җәләй, Айдар Хафизов, Алмаз Сабирҗанов, Эмиль Талипов, Ришат Әхмәдуллиннар, К.Тинчурин театры артисты Артем Пискунов сөйләде. Сәхнәдән шагыйрьнең “Әрнеп туктамасын сиңа халкың тапшырган каләм”, “Бер канатың була туган телең, бер канатың була туган җир” кебек канатлы сүзләре яңгырады.


Сәхнәгә җырчылар Гөлзадә Сафиуллина, Чулпан Әхмәтҗанова, Рөстәм Закиров, Фердинанд Фәтхиләр чыкты.

 

Шагыйрьне аның каләмдәшләре искә алды.

“Кайбер кешеләрнең барлыгы белән юклыгын да аерып булмый. Мөдәррис Әгъләм безнең өчен һәрвакыт бар, - диде Татарстанның Тукай исемендәге дәүләт премиясе лауреаты Марсель Галиев. - Аның шигъри юлларын, аның мәзәкләрен һәрчак искә төшерәбез. Ул гаҗәеп кызыклы кеше иде. Ул турысын әйтә иде, кайвакытларда хәтта матур итеп ялганлый да белә иде. Аның ялганлавы беркемгә зыян китермәс иде, ул аңа үзе дә ышана иде, ул аның хыялының бер өлеше иде. Мөдәррис Әгъләмнең шигырьләре халыкның бәгъреннән туган. Тыңлап карагыз әле, аның 15 яшьләрдәге малай чагында язган шигырендә дә нинди тел куәсе бар:
“Сөлгеләр тотыла, һәр авыл 
Батырын күзәтә, билгеле... 
Мәйдан күк кысыла йөрәкләр:
— Бирмә билеңне!
— Бирмә-ә-ә...
Дошманнар таптаса җиреңне, 
Сорамый: «Син батыр идеңме?» 
Мәйдан күк кысыла бар халык:
— Бирмә илеңне!
— Бирмә!”

Мөдәррис Әгъләмнең шәкертләре исеменнән Татарстанның Тукай исемендәге дәүләт премиясе лауреатлары Газинур Морат, Ркаил Зәйдуллалар сүз алды. “Мөдәррис Әгъләм иҗатта Локман Хәким кебек асыл зат, тормышта Хуҗа Насретдин кебек йөремсәк мәзәк иясе иде. Ихтамал, ХХ гасырда Мөдәррис Әгъләм турында иң күп мәзәкләр сөйләнгәндер, ул мәзәкләрне җыйсаң, бөтен бер том булыр иде. Мөдәррис Әгъләм бик яшьли: “Халкыңны кемлеген, зурлыгын белер өчен еракка китеп кара” дип оран салган шагыйрь. Бу Мөдәррис әкәнең үзе хакында да әйтелгән кебек. Чөнки Тукай буйлы гына, Лермонтов буйлы гына Мөдәрриснең шәхесе дә, иҗаты да бездән ерагайган саен зурая гына бара”, диде Газинур Морат.

“Без аны Мөдәррис әкә дип дәшә идек. Татар халкының иң милли шагыйрьләренең берсе иде ул, - дип билгеләп үтте Ркаил Зәйдулла. – Безнең язучыларыбыз зарланырга ярата, гонорар азлыктан, мохтаҗлыктан... Мөдәррис Әгъләм зарланмый иде. Чөнки аның бернәрсәсе дә юк иде”, дип өстәде ул һәм шагыйрь белән бәйле мәзәкләрне искә төшерде.

Язучы Фәүзия ханым Бәйрәмова белән шагыйрьнең тормыш иптәше, шагыйрә Нәҗибә Сафина Мөдәррис Әгъләмовның иң милли җанлы шагыйрь булуын, аның милләткә хезмәт итүен билгеләп үттеләр, милләткә андый шәхесләрнең һәрчак кирәк булуын ассызыкладылар.

чыганак: http://tatar-inform.tatar/

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Үги әнкәйнең җылы йөрәге «...Үги ананың бик әйбәтләре була. Гадәттә, алар турында гел яман сөйлиләр, ләкин алар турында юньле сүзне күбрәк сөйләргә кирәк. Чит канга ана булырга тырыша бит ул. Мәҗбүри яратып булмый бит. Ә ул рольгә кереп «уйнарга» тиеш. Бала исә рольгә керми, «уйнамый». Ике артистның берсе уйнап, икенчесе уйнамаса, спектакль туа алмый. Үги аналы гаиләдә әнә шуңа күрә җылы, уңай тормыш коруы бик кыен. Үги аналарны кызганырга, ихтирам итәргә кирәк...» Мөхәммәт Мәһдиев «Мәңгелек яз» әсәрендә үги әниләр турында әнә шундый уйлануларын язып калдырган. Үги тормышны үз башына төшкәннәр генә аңлыйдыр, мөгаен. Үги ананың да, үги баланың да үз хәле... Әмма гомер уртасына җиткән ир балачагын искә алганда «Үги әниләргә һәйкәл куярга кирәк», – ди икән, димәк, барлык үги әниләр дә, халык телендәге кебек, явыз түгелләр. Чит балаларны карап үстерә икән, димәк, алар олы йөрәкле... Үги әни белән үскән Татарстанның халык артисты Җәвит ШАКИРОВ үзе сөйләсен әле...
    9857
    11
    116
  • Бәхетле булырга хакым бар!  Мин кияүгә 25 яшемдә чыктым. Яратып чыктым...
    9876
    9
    80
  • Өч кенә көнгә... – Кирәкми. Кешечә түгел бу. Шалтыратмагыз. Өметләнеп көткәнче, алдан ук барысын да аңласын. Башка бер сүз дә әйтмичә, нянечка балалар янына кереп китте. Ишек тавышы йөрәкне сызып үткән кебек булды. Бар да тынып калды. 
    5560
    4
    64
  • Көтеп алынган бәхет Әллә күзенә күренәме, сискәнеп китте Гөлгенә. Каршысында пәйда булган Гамилне күргәч, ни уйларга да белмәде, чөнки бу  очрашу көтмәгәндә, кинәт булды. Унсигез еллап гомер үтсә дә, шундук  таныды  аны: шул ук озын буй, киң җилкә, серле караш, тик куе кара чәчләренең чигә тирәләренә ак бәс яткан. Күзләрендә ниндидер сагышмы, назмы...
    4508
    0
    47
  • Сөеп, сөелеп яшисем килә-2 «Таһирә өстеннән жалу язганнар» дигән хәбәр авылда таралганга да бер айга якын вакыт үтте. Тегеләй дә, болай да дип тикшергәннән соң: «Фактлар ачыкланмады», дигән.
    6708
    2
    30
Реклама
Соңгы комментарийлар
  • 4 август 2021 - 13:40
    Без имени
    Нигэ бэхетне чит илдэн эзлисен? Кузенне зуррак ачып тирэ ягына кара,может сине бэхетле итэр кеше янында гына йоридер!
    Чит ил кияве
  • 4 август 2021 - 09:01
    Без имени
    Берни дэ ан,ламадым. Ужасное состояние семейнлй жизни. Э балалар?
    Эшләмәскә ничек өйрәнәсе?
  • 4 август 2021 - 00:24
    Без имени
    Сезнен барыбер узегезчэ эшлэгэнегезне белеп нервагызны ашый хорэсэн ирегез. Узе кайсысын устерешергэ олеш кертэ, шуны гына ашатыгыз узенэ, узегезгэ нэрсэ ошый, шуны устерегез дэ ашагыз. Узегезне яратырга ойрэнегез. 1 атна булса да ул эйткэнчэ эшлэгез, идэн я кер юа башлагач мырлый икэн, туктагыз да, 2 че диванга барып ятыгыз, тик анын янына тугел. Хэм шулай, 7-10 кон дэвам итегез, туктамас жиреннэн туктар, бэлкем. Хотя, бокерене кабер генэ турайта.
    Эшләмәскә ничек өйрәнәсе?
  • 4 август 2021 - 07:57
    Без имени
    Тугри фикирлар язылган
    Башыңны сакла, балам...
  • 2 август 2021 - 19:02
    Без имени
    Оендэ жыеп укырсын бигрэк кыланасыз ботен шарты туры килми ул
    Марсель Вагыйзов аэропортта күңелсез хәлгә тарыган
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан