«Матисс, Пикассо, Шагал...»

«Эрмитаж-Казан» Күргәзмәләр үзәге
«Матисс, Пикассо, Шагал...» Күргәзмәсе мәдәни тормышыбызда гаҗәеп бер бер вакыйга булды. Дөньяның атаклы музейларына барып, андагы сәнгать шедеврларын карап йөргәндәй хис иттек үзебезне. Вакыты шундый: бар кешенең дә җае да, мөмкинлеге дә юк. Ә бу Күргәзмә исә Эрмитаж җыелмаларындагы әсәрләр үрнәгендә 1910–1940 еллардагы Европа сәнгатен күзалларга ярдәм иткән беренче карлыгач булды дисәң дә ярый. Анда – төрле ил осталары тарафыннан иҗат ителеп, төрле сәяси жанрларны чагылдырган сәнгать әсәрләре, музейның төрле бүлекләрендә сакланган предметлар. Авангард күләгәсендә күмелеп, игътибардан читтә калган сәнгать әсәрләре аша билгеле бер чорны күздән кичерәсең, онытылып хозурланасың. Экспозициягә урнаштырылган скульптураны мин авангард картиналардан өстенрәк тә күрдем. Бронзадан коелган малай скульптурасы аеруча ошады. Күзләрендәге керфекләргә кадәр чын кебек! Сокланырлык! Үзем өчен шул чор рәссамнарын да ачтым. Мәсәлән, Георг Кольбе. Алар Матисс һәм Пикассо кебек популяр булмасалар да, эшләре таң калдырды. Каралы-аклы рәсемнәрдә төсләр палитрасын шулкадәр бай чагыла!
1922 елда Италиядә «Новеченто» төркеме оеша, һәм ул исеме белән үк ХХ гасыр сәнгате тууын хәбәр итә. Классика белән натур студияне берләштерә алган скульптор Фраческо Мессина иҗатында да заманчалык сизелә. Аның эшләре экспозициядә Георг Кольбе, Эмиль Антуан Бурде, Фриц Бен һәм Герберт Гарбеныкылар белән янәшә тора.
Күргәзмәдә традицион сынлы сәнгать, скульптура һәм графика әсәрләре генә урын алмаган. Янәшәдәге ар-деко стилендәге һәм киноафишалардагы костюм үрнәкләре дә игътибарны җәлеп итә.
Пабло Пикассо, Пол Синьяк, Георг Кольбе, Александр Архипенко, Эмиль Нольде әсәрләре һәркемне тәэсирләндерә.
Николай Гогольнең «Үле җаннар» әсәрен Марк Шагал зур осталык белән бизәгән. Рәссам хәтта узгынчы персонажлар, эпизодларны да игътибар үзәгендә тоткан. Күргәзмәгә куелган эшләрне Икенче Бөтендөнья сугышы өзгән зур полотноның фрагментлары дип карарга кирәктер. Алар төрле юллар белән Эрмитажга килеп эләккән. Сәнгати кыйммәтләре бәһасыз.
Күргәзмәнең кураторы – Дәүләт Эрмитажының Көнбатыш Европа сынлы сәнгате бүлеге фәнни хезмәткәре Наталья Борисовна Дёмина.
Татар хатын-кызлары өчен кызыклы язмаларны Сөембикә Telegram-каналында укыгыз
-
Ике яклы хыянәт (хикәя)
-
Киткәннәрне нигә туктатырга? Гөлнара, матур төшләр күреп, татлы йокыга талган иде... Менә ул Камышлыкүл болынында яланаяк йөгереп йөри. Бу аның кыз чагы икән бит.
-
"Син безгә кыз килеш килмәдең..." Минем икенче балам ашыгыбрак – алты ай ярымнан ук туды. Нигә болай иртәләгәндер, андый сәбәп тә юк к
-
17 апрель 2021 - 21:42Без имениЖалко, типсэ тимер озэрлек ир- атлар кырыла гына«Акчарлак» газетасы журналисты Габдерәхим вафат
-
17 апрель 2021 - 15:13Без имениТалантлы, тыйнак, чын татар ханымы! Туган конегез белэн Сезоне!Җырчы Гөлшат Имамиева... урамда туган
-
17 апрель 2021 - 16:25Без имениҡыҙыҡ булманы,8 тигән кҽшҽһҽ килҽп әйткәнҽн ишҽтәһҽм килгән инҽ,булманы«Яратып туялмаган...»
-
Ханбикәләребез Кем ул ханбикә? Дөресен әйтик, бәгъзеләребез аны көнгә биш-алты күлмәк алыштыручы көяз хатын, ефәк тотканнан да кулы кабаручы назлы җан итеп күз алдына китерә. Әлбәттә инде, иркә, тәкәббер вә кыланчык..
-
Кадерле Мәрьям апа Шундый язмышлы кешеләр була, күзгә-башка әллә ни чалынмыйча, тыйнак, гади генә яшиләр дә тыныч кына китеп тә баралар.
-
Сугыш өзгән хыял Сәхнәдә В. Асафьевның «Бахчасарай фонтаны» балеты бара. Уланованың Мариясе шулкадәр табигый, чын, ышандырырлык итеп үлә – ирексездән күзләргә яшь тула.
-
Шәфкать иясе Шәфика Сәнгать күгендә кыска гына вакыт балкып янган Шәфика Котдусованы атылган йолдызга тиңлиләр.