​Люция Хәмитова кичә кемнән бүләк алды?

Кичә Г. Камал исемендәге татар дәүләт академия теарының Кече залында «Килмешәк» (режиссеры Фәрит Бикчәнтәев) спектаклен карарга килгән тамашачылар, тамаша азагында тарихи бер вакыйганың шаһиты булдылар.

Спектакль тәмамланып, артистлар халык алдына баш ияргә чыккач, алар янына сәхнәгә бер ханым чыгып басты.

– Рөхсәт итсәгез, мин аз гына вакытыгызны алыр идем, – диде ул. Аннан дәвам итте: – Безнең гаилә күренекле драматург Кәрим Тинчуринның җәмәгате Заһидә апа белән аралашып яшәде. Минем кулымдагы менә бу косметичка – аның миңа биргән бүләге иде. Яшьрәк вакытта мин аны кулландым да. Ә бүген минем аны Камал театрындагы иң яраткан артисткама – Татарстанның атказанган һәм халык артисты Люция Хәмитовага бүләк итәсем килә...

Ханым кулындагы ак чәчәкләрен һәм бүләген, көтелмәгән бу хәлдән аптырабрак калган артисткага тапшырды.

Кем булды соң бу ханым? Тамаша залыннан чыгарга кузгалучыларның күбесе шушы хакта уйлады бугай.

Серне Люция ханым Хәмитова соңрак үзе ачты: бәяләп бетермәслек бу бүләкне аңа РСФСРның һәм Татарстанның халык артисты, РСФСРның атказанган артисты, Г. Тукай исемендәге премия лауреаты Равил Шәрәфиевнең җәмәгате Раушания ханым тапшырган икән!

Мәгълүмат өчен:

Заһидә Тинчурина (1897-1988) «Сәйяр» труппасы һәм «Кызыл Октябрь» исемендәге дәүләт татар театры артисты.

Әнисе Хәдичә морза Алкиннар нәселеннән, Казанның баш полицмейстеры Шаһиәхмәт Алкин кызы. Гаилә Казанда, хәзерге М. Җәлил урамы һәм Профсоюзлар урамы чатындагы үз йортларында яшәгән.
Заһидә апалары кебек үк, русча гимназия тәмамлый. Университетка укырга керергә әзерләнеп йөргән җиреннән, Габдулла Кариевның үтенече буенча, «Сәйяр» труппасында уйный башлый.

1920 елда Кәрим Тинчурин белән Самарага китә. Урта Идел хәрби өлкә сәяси идарәсе карамагында татар театр студичсендә эшли, рус профессорларының лекцияләрен татарчага тәрҗемә итеп бара.

Тинчуриннар гаиләсе «Г. Кариевка хатирә» исемле 50 кешелек труппа белән башта Оренбургка, аннан Ташкентка күченә. 1922 елны Казанда ачылган «Кызыл Октябрь» исемендәге дәүләт татар театрында эшләргә чакырып, Фәтхи Бурнаш Тинчуриннарны Ташкенттан килеп ала. Казанда ул педагогия институтына укырга керә, шунда ук укыта да.

1937 елны Кәрим Тинчуринны кулга алынгач, «халык дошманы хатыны» ярлыгы тагып, эшеннән куылгач, ел ярым эшсез каңгырып йөри. Казан итек басу фабрикасындагы алдынгы эшчеләр – стахановчыларның «наданнар» мәктәбенә укытучы булып урнаша. Бераздан 13 нче татар мәктәбенә ярты ставкага укытучы итеп чакыралар. «Төрмәгә утыртылганнарның гаиләләләрен Казаннан куу» («административ күчерү» дип атала) турында боерык чыккач, Алатырьга җибәрәләр.

1946 елда аңа Казанга кайтырга рөхсәт бирелә. 1988 елны ул вафат була һәм Татар зиратында җирләнә.

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Үги әнкәйнең җылы йөрәге «...Үги ананың бик әйбәтләре була. Гадәттә, алар турында гел яман сөйлиләр, ләкин алар турында юньле сүзне күбрәк сөйләргә кирәк. Чит канга ана булырга тырыша бит ул. Мәҗбүри яратып булмый бит. Ә ул рольгә кереп «уйнарга» тиеш. Бала исә рольгә керми, «уйнамый». Ике артистның берсе уйнап, икенчесе уйнамаса, спектакль туа алмый. Үги аналы гаиләдә әнә шуңа күрә җылы, уңай тормыш коруы бик кыен. Үги аналарны кызганырга, ихтирам итәргә кирәк...» Мөхәммәт Мәһдиев «Мәңгелек яз» әсәрендә үги әниләр турында әнә шундый уйлануларын язып калдырган. Үги тормышны үз башына төшкәннәр генә аңлыйдыр, мөгаен. Үги ананың да, үги баланың да үз хәле... Әмма гомер уртасына җиткән ир балачагын искә алганда «Үги әниләргә һәйкәл куярга кирәк», – ди икән, димәк, барлык үги әниләр дә, халык телендәге кебек, явыз түгелләр. Чит балаларны карап үстерә икән, димәк, алар олы йөрәкле... Үги әни белән үскән Татарстанның халык артисты Җәвит ШАКИРОВ үзе сөйләсен әле...
    8577
    10
    103
  • Егетемне кыйнадым – Ышанмыйсызмы? Чынлап әйтәм! Ул бу хакта хәтта полициягә хәбәр иткән.
    8852
    2
    71
  • Бәхетле булырга хакым бар!  Мин кияүгә 25 яшемдә чыктым. Яратып чыктым...
    8676
    8
    68
  • Өч кенә көнгә... – Кирәкми. Кешечә түгел бу. Шалтыратмагыз. Өметләнеп көткәнче, алдан ук барысын да аңласын. Башка бер сүз дә әйтмичә, нянечка балалар янына кереп китте. Ишек тавышы йөрәкне сызып үткән кебек булды. Бар да тынып калды. 
    4274
    4
    49
Реклама
Соңгы комментарийлар
  • 23 июль 2021 - 18:22
    Без имени
    Мене шулай кысылып купме бала бехетсез шул.Узебезнен баштан утте
    Кемнәрдән бәйләтим яраны?
  • 25 июль 2021 - 19:20
    Без имени
    Ай, рәхмәт яугырлары!!!!! бик тә нык сөендем бала өчен! Нянечкага рәхмәт!!! Йөрәкләренә, бәгырьләренә үтә торган итеп аңлатып әйтә белгәне өчен! Аллаһы Тәгалә аның аша, ир белән хатынга туры юл күрсәткән, гомерлек үкенечкә юл куймаган.
    Өч кенә көнгә...
  • 24 июль 2021 - 15:57
    Без имени
    Уф.... Йорэккэемне....
    Өч кенә көнгә...
  • 26 июль 2021 - 14:07
    Без имени
    Нәкъ шулай . Тик партнер бер генә булырга тиеш , югыйсә , хатын - кыз үзенең тәнендәге җепселләрен башкаларга таратып , үзе авыру булып калачак .
    ​Назлану өчен алты медицина сәбәбе
  • 22 июль 2021 - 16:52
    Без имени
    Мондый язмаларны еламыйча укый алмыйм,чонки минем бабамда узган ул концлагерларны,9май житсэ бакча артына чыгып жылый иде, соныннан Аны оправдали, ещё орден бирделэр,Бер солдаты коткарган очен,рэхмэт Ана,онытмаган...
    Ева-Мөслимә
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан