Көзге ярминкәләр башлана

Бу шимбәдә Казан һәм Чаллы шәһәрләрендә авыл хуҗалыгы ярминкәләре гөрли башлаячак. Быел түбән бәядән авыл хуҗалыгы продукциясен сатып алу мөмкинлеге Яшел Үзән халкына да тудырылачак. «Яңа тура» ярминкәсе халык арасында шулай ук популяр булыр, дип өметләнә җитәкчеләр.
Хәтерләсәгез, узган ел Татарстанда авыл хуҗалыгы ярминкәләрендә сатыла торган продукциягә ихтыяҗ аеруча зур булды. Кибетләрдә сатылган товарларга бәяләр күтәрелү халыкның ярминкәләргә агылуына китерде. Бу аңлашыла да, чөнки авыл хуҗалыгы хезмәтчәннәре үзләре җитештергән продукциягә бәяне 25 процентка (!) түбәнрәк итеп куйды.

Җитмәсә, Татарстанның Авыл хуҗалыгы һәм азык-төлек министрлыгы гадәттә декабрь азагына кадәр уза торган ярминкәләрне 2015 елда да дәвам иттерү карарын кабул итте. Бу Казан һәм Чаллыда яшәүче халыкка зур ярдәм булды. Чит ил товарын үзебезнеке белән алыштыру барганда, ярминкәләрнең әһәмияте бермә-бер артты.

Ярминкә «Яңа Тура»да да гөрләячәк

Ниһаять, 5 сентябрь көнне Казан һәм Чаллы шәһәрләрендә быелгы көзге ярминкәләр башланып китәчәк. Авыл хуҗалыгы хезмәтчәннәре шәһәр халкын яңа уңыш белән сөендерергә әзерләнә. Казанда ярминкәләр 8 сәүдә мәйданчыгында оештырылыр, дип уйланыла. Совет районы халкы «Казан» агросәнәгать паркы һәм Дәрвишләр бистәсенә рәхим итә ала. Яңа Савин районында яшәүчеләргә – Яңа Савин базары, Авиатөзелеш районы халкына – 123нче санлы лицей каршындагы мәйданчык хезмәт күрсәтәчәк. Мәскәү районындагы ярминкә Коләхмәтов һәм Восстание урамнары кисешкән урында үткәрелә. Киров районы халкы авыл хуҗалыгы продукциясе алу өчен «Ягодная слобода» сәүдә үзәге янына, ә Вахит районы халкы Чехов базары белән беррәттән Татарстан һәм Кәрим Тинчурин урамнары кисешкән урынга киләчәк.

Чаллыда исә авыл хуҗалыгы ярминкәләре уза торган урыннар өчәү. Халыкка Сарман трактындагы Комсомол урамы, 27нче санлы микрорайонның Галиәскәр Камал исемендәге бульвары һәм «Южный» агросәнәгать паркы хезмәт күрсәтәчәк.

Әле алай гына да түгел, быел Татарстанның Авыл хуҗалыгы һәм азык-төлек министрлыгы Яшел Үзән районында да авыл хуҗалыгы ярминкәсе өчен махсус урын булдыру карарын кабул иткән. Ул «Яңа Тура» технополисы территориясендә урнашачак.

- «Яңа Тура»дагы ярминкә киемнәр базары янында урнашачак. Сатучылар өчен дә, сатып алучыларга да уңайлы шартлар тудырылган. Биредә машина кую өчен махсус паркинг бар. Халыкка продукция ташу өчен арбалар, татар милли ризыклары, чәй, кофе тәкъдим ителәчәк. Теләге булганнар концерт программасы карап хозурланачак, - дип белдерәләр җаваплы идарәчелектә.

Бәяләр нинди?

Бәяләргә килгәндә, алар кибетләрдәге бәяләр белән чагыштырганда күпкә арзанрак. Халык арасында аеруча зур ихтыяҗ тудырган товарларга бәяләрне укучыларыбыз игътибарына да тәкъдим итәбез.

кош ите (түшкәсе) – 110 сум,
күркә ите (түшкәсе) – 200 сум,
сыер ите (кг) – 250-300 сум,
дуңгыз ите (кг) – 230-270 сум,
сарык ите (кг) – 300-350 сум
йомырка (дистәсе) – 42-50 сум
сөт (литры) – 28 сум
сыр (кг) – 280-300 сум
шикәр комы – 48 сум
он – 20 сум
бәрәңге – 12 сум
кишер – 15 сум
чөгендер – 15 сум
суган – 15 сум
кәбестә – 9 сум.

Фикерләр:

Таһир Һадиев, Татарстан Дәүләт Советының экология, табигатьтән файдалану, агросәнәгать һәм азык-төлек комитеты рәисе:

Авыл хуҗалыгы ярминкәләре Татарстанда бик күптәннән оештырыла инде. Аның 20-21 еллык тарихы бар дип әйтсәм, ялгыш булмас. Шунысы мөһим, еллар узган саен ярминкәләрнең әһәмияте арта гына бара. Бу – Татарстан халкына бик зур файда китерә торган эшчәнлек. Бердәнбер теләгем: аларны оештыруда Татарстанның Авыл хуҗалыгы һәм азык-төлек министрлыгы һәм район җитәкчеләре генә түгел, ярминкәләр уза торган шәһәр җитәкчелеге дә актив катнашсын иде. Мәсәлән, 10 ел элек шәһәр башлыклары районнан районга йөреп, хуҗалыклар белән төрле шартнамәләр төзи торган иде. Бу район халкы өчен зур стимул чарасы булып торды. Бу эшчәнлек яңартылса, ярминкәләрне оештыру, уздыру тагын да югарырак дәрәҗәгә күтәрелер иде дип саныйм.

Ришат Нуриев, Балтач районы Авыл хуҗалыгы идарәсенең җитештерү-маркетинг бүлеге консультанты:

Узган елгы ярминкәләр район халкы өчен аеруча файдалы булды. Авыл хуҗалыгы продукциясен сатып алучылар бермә-бер артты. Гадәттә, ярминкәгә 1,2 миллион сумлык товар белән бардык. Шуның 70 проценттан артыгы сатып бетереп кайта идек. Агымдагы ел шулай ук чыгарма булмас дип өметләнәбез.

сылтама:http://http://intertat.ru/tt/dengi-tt/item/48316-k%D3%A9zge-yarmink%D3%99l%D3%99r-bashlana-%D2%AFzg%D3%99reshl%D3%99r-barmyi?.html

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Кар патшабикәсе Билгеләнгән вакытта кафеда иде инде кыз. Ишекне ачып керде дә, ярым буш залга күз йөртеп, үзенә кирәкле кешене эзләде. Гомерендә беренче күрүе булса да, ул аны әллә каян таныды. «Снежная королева!» – дигән уй сызылып үтте кабат. Ханбикәләрдәй затлы иде ханым.
    8591
    1
    113
  • Хәшәрәт – Әни, без Фәридә белән өйләнешергә булдык. Син каршы түгелсең бит, әйеме? Зөлфия, улының бу хәбәренә күптән әзер булса да, каушап калды. Бу минутта теленнән нинди генә сүз төшсә дә, ничектер урынсыз, ялгыш булыр кебек тоелды.
    7609
    1
    109
  • Тапшырылмаган имтихан Без еш кына: «Күргәннәрдән китап язырлык, кино төшерерлек», – дибез. Беркемнең дә язмышы ал да гөл түгел. Тик кайберәүләр, аның кире якларын оста итеп яшерә,
    5587
    4
    78
  • Гомернең ике яры Бездә бүген – дебют! Гөлнур Сафиуллинаның дебюты! Ниһаять!.. Аның хикәяләр яза башлавын бик көткән идек без. Хәер, Гөлнурның журналист язмалары ук чын хикәя итеп кабул ителә: йә елмаеп, йә күз яшьләрен тыярга тырышып укыйсың... Ә геройлары үзенә охшаган: тыйнак, акыллы, сизгер күңелле, серле... Кечкенә генә бер сүзе, карашы, хәрәкәте белән дөньяларны үзгәртә, гап-гади тормышны ямьгә төрә белгән... Менә шулай! Хикәяләрендә – фәлсәфә, хисләр, сизгер хатын-кыз йөрәге, тагын әллә ниләр – кыскасы, өр-яңа халәт!
    4679
    6
    51
  • Карындашым – көндәшем  Язын чәчәк аткан алмагачның чәчәкләре ап-ак, бик матур. Ләкин нигә соң алмаларының тәме бертөрле түгел? Берсе баллы, ә икенчесе, карар күзгә матур булса да, эчендә – корт. 
    8112
    2
    48
Реклама
Соңгы комментарийлар
  • 5 март 2021 - 19:29
    Без имени
    Балага 40 конда юк,азырак саклау карактер ул
    Гүзәл Уразова сабые белән хастаханәдә
  • 5 март 2021 - 20:03
    Без имени
    Куз тиядер тугач та фотасын куя башлыйлар бит 40 консез чит кешегэ курсэтмилэр иде бит элек
    Гүзәл Уразова сабые белән хастаханәдә
  • 5 март 2021 - 21:25
    Без имени
    Нинди генә җуләрлекләр эшләми адәм баласы.
    Җиңгәм: «Чибәр ирләр уртак булалар», – диде...
  • 5 март 2021 - 10:20
    Без имени
    Минем кызым да кияүнең беренче хатыны 2 яшьтә ташлап киткәнбаласын тәрбияли (икенче баласын икенче иренә ташлап китте). Ташлап китсә дә интернет челтәрендәге сайтларда "Минем өчен иң кадерле кешеләрем -улларым. Алар өчен генә яшим",-дип яза. Ә үзе бер ирдән икенче иргә йөри. Менә шундый тормыш.
    Әллә?!
  • 5 март 2021 - 11:13
    Без имени
    Мокшы икенче торле эйткэндэ мордва буламы?
    Мокшыларда туйда булдык
Реклама
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...