«Кешеләргә кирәк чаклар бер вакыт кына» булмасын!

Бөтендөнья татар конгрессы Башкарма комитетының Казан бүлекчәсе – «Казан нуры» иҗтимагый советы, аның каршындагы «Уңыш» продюсерлык Үзәге «Болгар» радиосы, «Татарстанның кечкенә принцессалары» иҗтимагый оешмасы, «Киндс Юниверс» (Россия-Финляндия) Халыкара белем бирү үзәге белән берлектә Өлкәннәр көненә һәм тиздән булачак Әниләр көненә багышлап хәйрия концерты оештырды. Ул Казан милли-мәдәни үзәгендә узды.  
Конгрессның Казан бүлекчәсе мондый чараны инде 2003 елдан бирле оештыра.
 
Зал тулы өлкәннәр. Бер чор кешеләре. Бер үк авырлыклар, бер үк төрле шатлыклар аша үткән апалар-абыйлар, әбиләр-бабайлар. Әдәбият галиме, язучы Фоат ага Галимуллинның сәхнәдән сөйләгәннәре аларга шуңа да бик  якын, таныш.
– Әтине сугышка озатканда әни берсеннән-берсе кечкенә өч малай белән кала: олы абыйга 7 яшь, миңа исә 3 ай гына булган... Әти кайтышка безне исән-сау саклап калу өчен, әни, үз авызыннан өзеп безне ашаткан. Бервакыт ул шешенә башлый... Дәү әни: «Синең бит ирең фронтта. Болай тилмерергә тиеш түгелсең. Ничек яшәгәнеңне күрсеннәр» – дип, әнине чанага салып, безне ияртеп, авыл Советына китә. Америка паегы дигән консервалардан аш әзерләп авыр хәллеләрне ашата торган булалар. Безне дә шуңа билгелиләр. Ачтан үлүдән шулай исән калганбыз...
Заемга яздыруларны беләсез, хәтерлисез... Әни кул куймый, «Кул куйсам, аны бит түлисе була, кайдан акча алыйм?!» – ди.  Клубка чакырып, аны төннәр буе кул куярга үгетлиләр.
16 яшем тулгач, мин шул клубта мөдир булып эшли башладым. Берсендә ниндидер бәйрәм кичәсе үткәрәбез. Клуб тулы кеше, буш урын юк. Әни соңарып килде. Аның өчен дип алдан әзерләгән урындыгымны сәхнә артыннан алып чыгып бирдем. Өйгә кайткач, әни ул көнне кычкырып-кычкырып елады: «Мине бу клубка заемга кул куярга, газапларга гына чакыралар иде. Ә син бүген бөтен халык алдында миңа урындык чыгарып бирдең, зурладың... Рәхмәт, улым!»  – диде. 

Әниләргә, өлкәннәргә рәхмәт сүзе сәхнәдән кичә барышында шактый яуды. Иң хөрмәтлеләргә чәчәк бәйләмнәре дә тапшырылды. Шуларның берсе – Нурания  апа Биктимерова. Ул Казанның Татар Бистәсендә туган, әти-әниләре, әби-бабайлары кебек үк шунда гомер иткән. Татар Бистәсен яңартканда, торгызганда аның киңәшләренә, истәлек-хатирәләренә дә таянганнар. 
Концертны алып баручыларның берсе узган ел «Мисс Планета – 2016» таҗына ия булган Рада Кузьмина иде. Ул сәхнәгә кечкенә принцессаларын да алып чыкты. Кичәнең яме булды алар!
Бөтендөнья татар конгрессы Башкарма комитетының Казан бүлекчәсе җитәкчесе Фарит Мифтахов сәхнәгә үзе дә күтәрелде. Аның котлавы да, җырлары да залдагы өлкәннәр күңеленә хуш килде. 
«Алма кебек матур чаклар, имән кебек таза чаклар бер вакыт кына» дип җырлана җырда. Әйе, гомернең язы булган кебек, аның көзе дә бар – монысы табигый. Ул җырда тагын «Кешеләргә кирәк чаклар бервакыт кына» дигән юллар да бар. Монысы белән килешәсе килми! Өлкәннәр алай уйламасын, иң мөһиме – үзләрен шулай тоймасын иде! 





Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Оясында ни күрсә... Оясында ни күрсә ...Очканында шул булыр. Халкыбызның буыннан-буынга күчеп килгән әлеге мәкале бүген дә үзенең актуальлеген югалтмый. Ә очар өчен һәр кешегә ныклы канатлар, кайтырын сагынып көтә торган нигез кирәк. Бала өчен ул башта ата-ана йорты булса, үсә төшеп насыйбын очраткач, үз өенә әверелә. Бүгенге геройларыбыз Земфира һәм Рамил Әхмәтшиннарның йорты да хәзер туганнарны гына түгел, балаларны, оныкларны бергә туплый торган җылы учак булып тора.
    2159
    28
    234
  • Үгиләр... Илзирә бүген әбисенә төшеп китте. Әнисенә үпкәләде. Үз әтисе үлеп, икенче иргә кияүгә чыкканнан соң әнисе ике арада өзгәләнә: бер яктан балалары, икенче яктан яңа ире. Ир – ир инде ул. Ничек Илзирәгә ышанмый әнисе?! Ана кеше иренә түгел, кызына ышансын өчен нәрсә эшләргә кирәк бу Хариска? Башка чыдар хәле калмады бугай кызның...
    5922
    2
    84
Реклама
Соңгы комментарийлар
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан