Казанда нәрсәне күрми һәм авыз итми ярамый

Әлеге сорауны матбугат үзәгендә узган конференциядә катнашучы Мәскәү кызы бирде. «Мин Казанда беренче тапкыр. Миңа иң беренче нәрсәләрне күрергә, нинди ризыклардын авыз итәргә тәкъдим итәр идегез?» – дип мөрәҗәгать итте ул. Чынлап та, Казанга килеп, нәрсәләрне күрми һәм авыз итми китәргә ярамый?

Татарстан Республикасының туризм буенча Дәүләт комитеты рәисе Сергей Иванов Казанга беренче тапкыр килгән кешегә «Сөембикә» манарасын һәм Казан Кремлен күрергә, токмачлы аштан һәм чәкчәктән авыз итәргә, Зөя утравы һәм Болгарны барып карарга, Казанда узган берәр концертны тамаша кылырга тәкъдим итте.

«Туризмны җәелдерү комитеты» муниципаль казна оешмасы директоры Дарья Санникова исә Кабан күлендә көймәдә йөзәргә, Казан Кремлендәге панорама мәйданына килергә, өчпочмак пешерүгә багышланган осталык дәресендә катнашып, бу үзенчәлекле милли ризыкның рецептын үзең белән алып китәргә, Казандагы берәр төнге экскурсиядә катнашырга һәм Казандагы иң биек йортка кереп, шәһәребезгә кош очкан биеклектән күз салырга киңәш итте. 

Казан – төрле мәдәниятләр, төрле диннәр бергә үрелеп яшәгән уникаль төбәк. Татар халкының мәдәни мирасы белән танышырга теләгән кешегә музей һәм театр ишекләре дә ачык. 25 июньдә Татарстан Милли музее һәм Татарстанның Сынлы сәнгать музее «Футбол төне» дип исемләнгән чара үткәрергә җыена. 

Әлбәттә, Татарстан тикле Татарстанга килеп, иң матур һәм иң үзенчәлекле бәйрәмебез – Сабан туен да күрми китәргә ярамый. Быел ул Казанда 23 июньдә узасы. 

Казан истәлеген үзе белән алып китәргә дисәгез: рәхим итегез, «Казан җөе» белән чигелгән күн читекләр, энҗеле калфаклар, борынгы Болгар техникасы үрнәгендә ясалган алкалар, йөзек-беләзекләр, чулпы-муенсалар, изүләр, хәситәләр... Шулай ук Чемпионат хөрмәтеннән өр-яңа Казан сувенирлары да әзерләгәннәр. Милли бизәкле футболка, биштәр, хәтта оекбаш, чәкчәк, чәй, су өчен пластик шешәләр... Кыскасы, без кунакларга хөрмәт күрсәтә беләбез. Казанны сагынып, соңыннан бер генә килмәс әле безгә бүгенге кунакларыбыз.

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (1)
Cимвол калды:
  • 18 апрель 2021 - 17:31
    Без имени
    Уземнен, дэ чит шэхэрдэн килгэн кунак буласым килеп китте!
Хәзер укыйлар
Реклама
Соңгы комментарийлар
Реклама
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»