​Имамнар футбол уйный һәм ГТО тапшыра?

Дин белгечләренә ислам динен камил белү генә җитми, ГТО нормаларын да тапшыру кирәк икән.  

Бүген Чемпионатның Казандагы матбугат үзәгендә узган очрашуда Россия Ислам академиясе ректоры Рәфыйк Мөхәммәтшин шулай дип белдерде. «Безнең студентлар да спортны бик ярата, буш вакытларында футбол да уйныйлар, башка төрле секцияләрдә дә шөгыльләнәләр», – диде ул. 

Очрашу чемпионат кысаларында узса да, сүз үзенән-үзе Болгардагы Ислам академиясенә, андагы шәкертләргә, уку-укыту программаларына кереп китте. Беләсез булыр, әлеге академия Борынгы Болгар тыюлыгында узган ел эшли башлады. Югары дини уку йортының максаты – югары белемле дин белгечләре һәм докторлар әзерләү. Ике юнәлештә – магистратура һәм докторантура юнәлешендә эшли. 

Узган ел 30-40 шәкертне кабул итәргә ниятләгән булсалар да, 68 кешене кабул иткәннәр. Быел исә 100 кешедән гариза кергән инде. Төп шартның берсе – гарәп телен камил белү, чөнки дәресләрнең 60 проценты гарәп телендә үтә. Шәкертләргә Судан, Сүрия, Йәмән, Ирактан килгән биш хәлфә белем бирә. Кайсыдыр фәннәрне укыту өчен читтән атаклы дин галимнәрен чакыру мөмкинлеге дә бар.  

Академия ачылганчы, бу ник кирәк инде, андый еракка кем генә килер икән, дигән сүзләр дә булгалады. «Бу академия Россиядә уникаль дини белем йорты. Бакалаврлар әзерли торган башка уку йортлары булса да, магистрлар һәм докторлар әзерли торганнары безнең илдә дә, якын-тирә илләрдә дә юк иде әле. Бер ел эшләү дәверендә академиядән үз белән китүче кеше булмады. Китүчеләр булса да, сәбәбе яки армия яки белемне үзләштерә алмау белән генә бәйле иде», – диде Рәфыйк әфәнде.  

Моның кадәр дин белгечләре кайда эшләячәк, аларга ихтыяҗ бармы, дигән сорауга, ректор үзе дә кистереп кенә җавап бирмәде. «Бездә 20ләп югары дини уку йорты, 85 Диния нәзарәте бар. Белемле кешеләр анда да кирәк», – диде ул. Ә болай, максатлары елга 150 югары белемле белгеч әзерләп чыгару икәнен яшермәде.  

Журналистларны магистр һәм докторларның яше, академиядә яшәү шартлары да кызыксындырды. Рәфыйк әфәнде әйтүенчә, магистрлар уртача 30 яшькә, докторлар 40 яшькә кадәрге кешеләр икән. Ә яшәү шартлары күпләр кызыгырлык. Ләкин бер генә кыенлык бар, өйләнгән кешеләргә академиянең тулай торагында гаиләсе белән яшәү мөмкинлеге юк. «Без бу хакта уйланабыз, нәрсәдер эшләргә кирәк булыр, чөнки шәкертләребез арасында гаиләлеләре дә юк түгел. Әлегә алар якын-тирәдә фатир биләп яши. Бәлки, киләчәктә аерым кампус та төзелер», – диде ректор. Шулай ук ислам икътисадчылары әзерләү теләге дә юк түгелле дә ачыкланды. «Планнарда шәкертләргә гарәп филологиясен өйрәтү һәм дини белгечлектән тыш тагын ниндидер өстәмә белем бирү дә бар», – диде ул. 

 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Реклама
Соңгы комментарийлар
  • 21 апрель 2021 - 11:49
    Без имени
    И аллакаем, Тәрбия газетасын чыгарган Газинур дип аңладым инде. мин укытучы кеше бик күп ачык дәресләремне 10-15 еллап шул гэзетада бастырдым бит. ирле-хатынлы газета чыгардылар алар. Раббым сабырлык бирсен сезгә, балаларыгызга.
    Кияүгә сүз әйтмәгез!
  • 21 апрель 2021 - 11:44
    Без имени
    Әллә ничә кат укыдым да укыдым. Шулай искә төшергәләп тору киорәк икән дип уйладым тормыш һәм яшәү турында. бу турыда язып яхшы иткәнсез.
    Үреләм дә карыйм күңел түрләремә...
  • 21 апрель 2021 - 23:40
    Без имени
    Бик авыр хэллэр,ачы хэсрэт.Бу турыда укыганым булган икэн,исемэ тошердем.Куз яшьлэре ирексездэн ага гына.Бала хэсрэтлэрен курсэтмэсен,ходаем.
    ​Күбәләк булып очты...
  • 22 апрель 2021 - 05:54
    Без имени
    Бездэ энкэй дип йорет алар энинен энтченрахмат
    Якын ерак әбекәем
  • 22 апрель 2021 - 06:13
    Без имени
    Бик авыр хэл,Аллам сакласын ,куз яшьлэрсез укып булмый!!!
    ​Күбәләк булып очты...
Реклама
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»